Asal-usul Raja Kelong

#Dongsun
#Banjir_Getih_DiSangga_Buana
#ka_1
Ratnainten: “Mangga bae tinggal ku engkang…”
Walon Ratnainten bari ngasongkeun eunteung ka Angkawijaya. Gura-giru eta eunteung kumanehna ditampanan, terus ngaca ningali kaayaan beungeutna kiwari. Atuh breh.. ebreh jeroeun eunteungna, aya hiji raray nu kacida goreng patutna. Nu jaba ti bopengteh semu-semu koromod siga urut panyakit kuris.
Ningali kitu Angkawiajaya ngagebeg, teu sadar topeng kumanehna dijambret malah tuluy dialungkeun bangun anu gila.
Ratnainten: “Hihihi…” Ratnainten beuki angot, malah katangen eyang resi jala ujung oge sakali ieumah dugi kamesem.. ku ningal polah muridna kitu.
Angkawijaya: “Ama, naha topengteh mani kuaneh…”
eyang Resi: “Di dunya ieu sabenerna, aya dua topeng nu dijieuna dina kulit kalamercu. Nukahiji topeng siBopeng, anu rek dipake ku hidep. Sarta nu kadua topeng ajaib nu kiwari duka teuing dimana ayana. Kunaon cenah pangna eta topengteh disebut topeng ajaib? Sabab singsaha-saha jalmana nu make eta topeng ajaib, tanwande eta jalma bakal bisa ngarobah jirim jadi jalma anu dipikahayangna...”
Angkawijaya: “Gening aya Rama guru, topeng sapertos kitu?”
eyang Resi: “Hm, didunya ieu mameng loba hal anu aneh jeung teu ilahar nu kurang-kurangnamah matak teu kaharti kupikir jeung kahontal ku akal. Nu matak poma, mugya hidep kersa nganggo eta topeng, raden. Sangkan hidep bisa bagerak laluasa, salila aya diperjalanan...”
Angkawijaya: “Upami kitu, unjuk sumangga Ramaguru…”
Eyang Resi: “Hmm...”
Saterusna Angkawijaya daek teu daek make deui eta topeng, kiwari manehna geus jadi jajaka anu bopeng tur goreng patut.
eyang Resi: “Tah ayeuna, nam... gera miang, meungpeung panon poe tacan jengkar ti tebeh wetan...”
Angkawijaya: “Unjuk sumangga, ramaguru...”
Ceuk nuduaan saur manuk, atuh geus kitumah duanana alundur payunen sang Resi jalaujung. Panceg panon poe hanet moyan, dua nonoman geus laleumpang nurunan jalan satapak anu brasna kajalan gede.
Ratnainten: “Hihi… kumaha engkang, ngangge raksukan kitu?” kadenge Ratnainten tumanya semu ngagonjak.
Angkawijaya: “Asa kirang samemena, nyimas…”
Ratnainten: “Hihihi… nyawayahna, engkang. Ongkoh kanggo kasaean salira keneh, sangkan pihak musuh taya nu apleun ka diri engkang…”
Angkawijaya: “Muhun nyimas, akang oge sadar. Najan kumaha akang masih pada muru ku pihak karajaan alias buronan...”
Ratnainten: “Teu kedah alit manah kitu, kang. Nu pentingmah akang sehat tur salamet sarta aya dina kabebasen...”
Angkawijaya: “Hhh...” Angkawijaya ngarahuh.
Ratnainten: “Kunaon engkang, gening bet rumahuh...?”
Angkawijaya: “Henteu nyimas...”
Duanana terus laleumpang, ngambah jalan padati. Muru ka kulonkeun, beuki lila beuki jauh dipuncak gunung Arghabinta. Sapoe tiharita, maranehna manggihan padati rek ngajugjug ka wewengkon pakidulan. Atuh clak bae maranehna tarumpak, ngadon marilu kaeta padati. Ditengah jalan kadenge tukang padati atawa lais mimiti cacarita.
Lais: “Ujang, Nyai... rek kamarana hidep duaanteh?”
Ratnainten: “Eu... bade ka puncak gunung Sangga buana, abah...” Ratnainten miheulaan ngajawab sahinasna.
Lais: “Kapuncak gunung Sanggabuana?”
Ratnainten: “Leres abah, naha abah kungsi nguping?”
Lais: “Tangtos atuh nyai, weuh cukup jauh atuh. Sabab moal kurang ku 2 poe dua peutingan. Kajaba nganggo kuda jagjag, kitu oge ulah liren...”
Ratnainten: “Kutan kitu, abah...” Ratnainten api-pi kaget, padahal samemehna geus menang katerangan ti aki pulung anu kacida merelena.
Lais: “Utamanah palebah leuweung harendong nyimas...”
Ratnainten: “Memangna aya naon kitu didinyateh, abah?”
Lais: “Tidinyateh kakocap loba begal jeung rampogna. Jadi... leuwih hade nyai ulah ngaliwat kadinya...”
Ratnainten: “Jadi abditeh kudu ngaliwat kapalebah mana, abah?” ratnainten satengah ngolongan kanyaho eta Lais.
Lais: “Nyalamun hayang amanmah, ujang jeung nyai kudu muter ngaliwatan situ gunung. Najan nikel jauhna, tapi ujang jeung nyai dijamin bakal leuwih aman...”
Ratnainten: “Kutan kitu, abah?”
Lais: “Nya memang kitu, nyai. Tapi ieumah ukur saran ti abah, ari rek kitu-rek kieunamah nya kumaha hidep duaan bae anu ngajalananana. Sajaba ti eta, abah yakin hidep duaan lain nonoman sambarangan wungkul...”
Ratnainten: “Ah, abdimah jalmi biasa abah...”
Lais: “Hehe...”
Lais ukur seuri ngahehe, saterusna ngadon ngabeluk luhurun padati sorana nepikeun kadenge kajauhna. Ratnainten jeung Angkawija silih reret, aya rasa panasaran tapi teu wani tumanya deui anu leuwih jero.
Lumbayan.. ari milu kana padatimah, maranehna bisa sakalian laleureuh. Malah saterusna maranehna tepikeun ka palules kasarean. Padati terus lumampah, ngagurutuk mapay-mapay jalan anu nanjak mudun. kadenge sora gengge ting keleneng awor jeung ngagurutukna roda nu ngagelengan taneuh garing.
Teuing geus sabaraha lila maranehna duaan kapulesan, ngan nyaho-nyaho maranehna dihudangkeun ku lais anu gura-gero.
Lais: “Ujang, nyai.. abahmah ieuteh rek terus ka pakidulan. Naha ujang jeung nyai rek terus milu atawa rek turun didieu?”
Angkawijaya: “Oh...” Angkawijaya rucang-riceng, sedeng kadenge Ratnainten tumanya.
Ratnainten: “Wayah kumaha ieuteh, abah?”
Lais: “Tunggang gunung, nyai...”
Ratnainten: “Tunggang gunung?”
Lais: “Leres nyai...”
Ratnainten: “Kumaha kang?”
Angkawijaya: “Nya urang turun didieu be, nyimas. Da terus mimilu oge kalah ngajauhan ti tujuan urang...” Ratnainten unggeuk bari ngaleret kalais tukang padati.
Ratnainten: “Upami kitu abdi duaan bade turun didieu, abah...”
Lais: “Mangga ujang, nyai.. numawi abah ngahudangkeun oge. Tuh, kaleresan dilandeuh aya kacutakan, bilih bade lelesonmah mening didinya, ambeh rineh...”
Ratnainten: “Muhun mangga abah, sareng hatur nuhun atas tumpanganana...”
Lais: “Sami-sami ujang, nyai...”
Saterusna Ratnainten jeung Angkawijaya tarurun, teu poho nganuhunkeun sakali deui. Atuh geus kitumah, kiLaisteh neruskeun deui lalampahanana muru ka pakidulan.
Ratnainten: “Yu ah, kang urang nyimpang heula. Sakantenan ngaganjel beuteung...”
Angkawijaya: “Enya mangga, nyimas...”
Duanana terus laleumpang, beuki lila beuki deukeut.. malah teu kungsi lila oge, geus tepi kalawang kori. Hiji lawang anu dijaga ku sababaraha urang tugur, sarta dipantoan anu jangkungna meh dua tangtungan jalma.
siBopeng: “Sampura, sun...” ceuk Angkawijaya atawa ayeunamah urang sebut bae siBopeng uluk salam.
Tugur: “Rampes, Hmm...” ceuk siTugur teu kebat, basa mireungeuh rurupaan siBopeng nu sakitu goreng patutna, sabalikna sorot panona ngadadak hurung basa neuteup Ratnainten.
Tugur: “Anjeun saha? Jeung rek kamana deuih?” tungtungna siTugur nalékan.
siBopeng: “Sim kuring kaleresan kapoekan dijalan, manawi teu kaabotan maksadteh bade ngiring ngalereb di ieu kacutakan, sun...”
Tugur: “Hhhh, ahir-ahir ieu loba jalma ngadon milu ngalereb diieu kacutakan. Pikeun urang dieu teu jadi masalah, satungtung maranehna tetep tartib teu nyieun kaributan...”
siBopeng: “Abdi kana tangtos baris tartib, paman...”
Tugur: “Naha ujang jeung nyai rek ka Sanggabuana?” ceuk tugur taya tedeng aling-aling.
siBopeng: “Leres paman, abdi kaleresan di piwarangan ku guru nohonan pangogan dipuncak gunung...”
siTugur unggut-unggutan bari nyidik-nyidik eta dua nonoman tanggung. Pangpangnamah ka Ratnaiten nu memang mencenges, matak narik perhatian sing saha bae oge.
Tugur: “Sakuduna, budak pantar nyai cicing diimah. Sabab bahaya, lunta diluaran dina kaayaan saperti kieu. Tapi... mamang yakin, hidep duaan lain dua nonoman anu bolostrong. Ngan aya papatah, diluhur langit-aya langit.. anu mudah-mudahan eta paribasa teu tumiba kadiri hidep duaan...”
Ratnainten: “Hatur nuhun ku pamepelingna, paman...”
Tugur: “Sukur hidep ngarti. Tah ayeuna, sok ari rek kajeronah...”
Ratnainten: “Hatur nuhun paman...” walon Ratnainten bari imut
Sanggeus menang paidin ti eta tugur, ahirna si Bopeng jeung Ratnainten arasup kajero kacutakan. Tetela gening, eta kacutakan teh cukup gede tur gegek pangunina. Puguh memang kacida pisan deukeutna ka karajaan pusat, nyatana karajaan Sunda. Buktina ditengah-tengah kacutakan aya pasar jeung lapangan sok sanajan kacida pisan basajana.
Duanana terus laleumpang, mapay-mapay jalan gede.. nu mingkin rame tur haneuteun. Basa anjog, beh kiduleun pasar anu basajan tea, kadenge sada jalma nuribut-ribut. Ngan teu pati sidik, ongkoh kahalangan ku jalma anu ngaregreg.
Ratnainten: “Siga aya kaributan, kang...”
siBopeng: “Muhun nyimas...”
Ratnainten: “Kumaha lamun urang tinggal...?”
Angkawijaya atawa siBopeng ukur unggeuk tanda satuju. Geus tepi, duanana rada seselenep ka beh hareup. Ana breh.. nyaan bae, aya sakomplotan pamuda keur ngagonjak hiji mojang geulis anu make pakean sing sarua hejo. Malah katembong raray nyi mojang geus wera, tanda geus kapancing amarahna.
Nilamsari: “Kurang ajar, siah! Tong calutak, kéhéd...”
Den Sapta: “Haha... memangna saha nu calutak, nyai? Akangmah ukur muji kageulisan nyai wungkul teu kurang teu leuwih. Naha salah kitu?” ceuk siPamuda bari kulat-kelet gumasep.
Nilamsari: “Enya tapi ulah bari jeung tuwal-towel sagala rupa...”
Den Sapta: “Haha... nyawajar atuh nyai, da lalakimah geus kitu watakna...”
Nilamsari: “Cuih! Teu sudi deuleu, aingmah lain wanita murahan...”
Den Sapta: “Mun teu murahan, pasti mahalan? Tapi pikeun siSapta teu jadi masalah, asal tangtukeun harega pasti dibayar. Hahaha... eiiitt...” ceuk siPamuda anu ngakukeun Sapta, bari ngarongkongkeun deui leungeuna rek nyawel gado.
Nilamsari: “Hhh! Dasar iblis, taya kapatutna siahh...”
Den Sapta: “Ha,ha,ha...”
Disemprot sarupa kitu siPamuda lain mikir, ieumah kalah tambah angot asa dilayanan.
Den Sapta: “Cicing geulis, cicing.. piraning ditowel, komo mun di usapan. Haha...”
Nilamsari: “Montong kurang ajar, siah bangsat...”
Den Sapta: “Eiitt..” “Plak...” 
“A... aduh...”
Kadenge sada nu ngajeplok, disusul ku nyebutna aduh sipamuda basa ramo-ramo nyi mojang nu marucuk eurihteh, ngajelebet pisan nampol pipi siPamuda. Geurr... disalengserikeun ku para ponakawana katut nu lalajo.
Den Sapta: “He,he,he...” siPamuda seri maur, najan karasa peureus ari hareupeun para ponakawan jeung umummah teu burung nyarita kieu.
“Hehe... dicabok kunu geulismah karasana nikmat. Hehe... sok komo lamun diusapan. Hehe...” “Jeplok!” “A... aduh...”
siPamuda ngagero deui, basa pipi nu beulah kencana hasil ditampiling deui ku nyimojang. Geurr... deui-deui nu lalajo surak, malah beuki ageur-ageuran ngarasa puas dumeh siPamuda kena batuna.
Nyell..
#Dongsun
#Banjir_Getih_DiSangga_Buana
#ka_3
siBopeng: “Nuhun abah ngarti...”
BahCodet: “Tapi... abah masih panasaran kana hiji hal...”
siBopeng: “Perkara naon...?”
BahCodet: “Boga hubungan naon hidep jeung ieu cawene?” ceuk bah codet bari ngaleret ka nyiMojang.
Nilamsari: “Kuring teu boga hubungan nanaon heh, bah codet!” ngadadak bae nyiMojang anu katelah nilamsari nembalan
BahCodet: “Teu boga hubungan naon-naon?”
Nilamsari: “Bener...”
BahCodet: “Tapi mustahil, lamun euweuh hubungan naon-naon ki Bopeng daek ngilu campur kana ieu urusan...”
Nilamsari: “Nya pek bae talék ku sorangan...” témbal nyiMojang bari ngadilak ka siBopeng.
Den Sapta: “Heheh... dimana aya bangsat ngaku, bah? Kajaba dicerek deleg atawa digebugan heula nepi kababak belur. Malah kuring yakin, ieu jalma Bopengteh boga hubungan anu kacida istimewa jeung ieu cawene...”
Nilamsari: “Montong ngajudi nu lain-lain siah, Sapta! ceuk kuring teu wawuh nya teu wawuh. Etamah manehna bae nu hihidenganan andon bebela kakuring...” ceuk nyiMojang gegetun, anu pikeun siBopengmah lain deui matak hanjluna, ku sikep jeung tindakan eta nyiMojang.. asanateh bet anu asih dipulang sengit. Tapi manehna sadar, lamun kiwari dirinateh keur nyamur jadi hiji jajaka anu mibanda rupa goreng patut.
Ningali pitapakna mawa hasil, beungeut bah Codet meni marahmay. Jauh jeroeun hatena, manehna memang rada gigis ku tindak-tandukna siBopeng. Manehna yakin, siBopeng murid jago sakti anu nyao ti padepokan mana. Nu matak samemeh pihak manehna bentrok, sabisa-bisa eta jajaka bopengteh diusir heula nginjeum leungeun ieu cawene. Malah teu lila pok manehna nyarita.
BahCodet:  “Lamun enya nyimas teu boga hubungan naon-naon, coba buktikeun kaabah katut den Sapta. Malah ka sakur anu ngarariung didieu...”
Nilamsari: “Tapi... tapi kumaha carana?” ceuk nyiMojang mimiti kapangaruhan.
BahCodet:  “Titah manehna indit, ninggalkeun ieu patempatan...”
Den Sapta: “Ha,ha,ha... bener-bener, kuring satuju bah.” Ceuk Den sapta anu mimiti surti kanu maksud jeung tujuannana bah Codet.
BahCodet:  “Kuabah diitung nepi katilu, lamun dina itungan katilu hidep tacan keneh ngusir ieu siBopeng. Hartina hidep memang boga hubungan, sakumaha anu dituduhkeun ku den Sapta...”
Nilamsari: “Kuring... kuring...” nyiMojang gagap jadi sarwa salah.
BahCodet:  “Hiji... dua...” sedeng nyi Mojang perang sabil, ari bah Codetmah geus ngadesek nyiMojang ku omongan-omonganana anu teu weléh seukeut.
Ratnainten: “Hihihi... Aceuk, ulah daek kagelo kunu geus gelo...” ngadadak ditengah-tengah riungan anu lalajo aya nu nyirihil seuri, sorana jelas siga sora awewe. “Perelu dikanyahokeun, bah Codetteh gigis ku kang Bopeng. Kusabab teu wani, manehna nginjeng leungeun ka aceuk, pikeun ngusir kang bopeng diieu patempatan. Nu matak tong diwaro, ceuk...”
Nilamsari: “Enya tapi... tapi...” nyiMojang luak lieuk, hayang sidik kanu bieu nyarita.
Ratnainten: “Teu kudu loba tapi-tapian, angur hajar kolot bedegong tujuh muludteh. Hihi... lain kitu, kang bopeng?”
Ceuk eta sora, kadenge pindah-pindah tempat. Ngadenge eta omongan, puguh bae bah Codetteh lain deui ngagebegna. Beuki yakin tur pertela, manehna memang keur adu hareupan jeung jago-jago ngora anu teuing timana datangna.
BahCodet:  “Den, kacirina urang adu hareupan jeung golongan hebat. Leuwih hade, hayu urang tinggalkeun ieu patempatan...”
Den Sapta: “Naon? Sanggeus kuring menang panghina ti siBopeng? Teu... teu bisa, kuring kudu mulangkeun heula kanyeri ka siBopeng...” den Sapta anu memang masih panas, teu bisa narima saran ti pangasuhna.
Ratnainten: “Haha... lamun aya kawani, sanghareupan kang Bopeng. Teu kudu maen licik akal bulus...”
BahCodet:  “Hmm... jago sakti timana kaluar, teu kudu sumput salindung diantara hadirin!” bah codet langsung kasigeng, kontan bae susumbar bari larat-leret.
Ratnainten: “Ah.. didieumah euweuh jago sakti, aya oge hayam lalamba anu kabisana ukur maen koroyok...”
BahCodet:  “Haram jadah, bener-bener ngunghak. Hiaahh...”
Ngadadak bae bah Codet ngagorowok, sedeng awakna geus melesat kalebah hadirin nu kontan bae ting jarerit rarewaseun. Hiukk... katembong ramo-ramo leungeuna nu geus ngandung kakuatan Ragawesinna ngahiuk. Tembong nyolodor, rek ngaranggeum emun-emunan jalma.
Ratnainten: “Hahah... gening galak, haiiittt...”
Ceuk eta jalma anu taya lian tiRatnainten bari ngagiwar, sedeng sirahna ditarik katukang nyingkahan ramo-ramo hideung nungawaja. Atuh plos... ranggeuman bah Codet poos ngakan angin.
BahCodet:  “Hhh! Gening budak ololeho...”
Ceuk bah Codet codet ngagebeg, basa sidik kanu geus ngagagalkeun rencanana bieu. Anu tetela parawan jekékan, anu umurna leuwih ngora tibatan mojang anu diganggu ku den Sapta.
Ratnainten: “Hihihi... kuring memang masih ololeho, beda jeung abah nu geus sengserang padung...”
BahCodet:  “Setan siah, kumawani campelak kitu ka kolot, heh.. budak!”
Ratnainten: “Hihihi...” Ratnainten ukur ngagikgik mapanas.
BahCodet:  “Saha silaing anu sabenerna? Tipadepokan mana jeung saha guru, Andika?”
Ratnainten: “Tiatadi abah hayoh-hayohan tatanya alamat ka kakula jeung kang bopeng, naha abah teu sieun dipoyok jadi tulis tonggong...”
BahCodet:  “Hmm...” bah Codet ngagerem bari nahan geduran amarahna. Kadenge otot disakujur badana mani ratok, tanda manehna geus ngerahkeun kakuatan Ragawesina nepi ka tingkat ka genep.
Ningali anu ngilu campur kana eta urusanteh hiji parawan jekékan, puguh bae sakur nu araya didinya hiji oge taya nu teu ngarasa hookeun.. kaasup Nilamsari jeung den Sapta katut para ponakawana. Salian ti muji ku kageulisannana, tapi oge muji ku wawanen eta budak parawan.
BahCodet:  “Hhh! Tetela, najan bopeng-bopeng oge gundiknamah garelis kieu. Abah bener-bener salut. Hhh!”
Nilamsari: “Teu kudu nyacapek nulain-lain heh, bah Codet!” kadenge Nilamsari ngajengek.
Ratnainten: “Hihihi...” sabalikna Ratnaintenmah angur seuri nyikikik. “Kuringmah teu mandang jalma tina rupana, bah Codet. Sanajan kang bopeng goreng patut, tapi jiwanamah leuwih mulya tibatan anjeun sakabeh. Hihi...” ceuk Ratnainten satengah anu nyindiran ka Nilamsari. Demi anu disindiranana, cukup ngarti malah kabireungeuh rarayna oge mani euceuy. Ngan samemeh Nilam sari nyarita deui, Ratnainten geus ngajorelat ka gigireun siBopeng.
Ukur sakedapan siBopeng geus diapit ku dua mojang geulis nu hese pisan diteang babandinganana. Teu saeutik para hadirin anu ngarasa sinis, sirik kana milikna siBopeng.
Den Sapta: “Montong nyacapek sarupa kitu, siah jalang...” den Sapta langsung morongos, teu ngeunah darajatna disebut leuwih handap batan siBopeng.
Ratnainten: “Kunaon? Naha anjeun teu rumasa?”
Den Sapta: “Hhh!”
Ratnainten: “Maen koroyok ka hiji awewe naha eta disebut mulya?”
Den Sapta: “Hhh! Anjing siah, geulis-geulis goreng biwir...”
Ratnainten: “Hihihi...” Ratnainten nyikikik bari tatan-tatan.
BahCodet:  “Satadina abah ngarasa rempan sieun disebut neken anu anu ngarora, tapi kusabab nu ngarorana teu nyaho tatakrama. Wayahna, Andika duaan kudu dibere pangajaran. Heyaa...”
Ceuk bah Codet ngagorowok, bari ningan sakilat geus maju narajang ka Ratnainten. Tapi samemeh Ratnainten meta, siBopeng maju manten bari nitah mundur ka Ratnainten.
“Plak duk...!”
Dua kakuatan bantrok. Basa siBopeng nyolodorkeun leungeuna, dipake mapag ranggeuman bah Codet.
BahCodet:  “Hhh!”
#Hanca
#Dongsun
#Banjir_Getih_DiSangga_Buana
#ka_4
Kadenge bah Codet ngabab, ramo-ramona karasa nyeri.. sedeng awakna geus ngajengkang deui katukang nepikeun kasababaraha lengkah. Sabalikna siBopeng ukur ngagigeg, najan kitu hatena ngagebeg sabab tetela eta kolot anu beungeutna codetteh gening mibanda tanaga lapisan anu cukup hebat.
Ratnainten: “Kade kang, masing atos-atos. Pangpangna ku kalicikanana...” Ceuk Ratnainten satengah anu manasan hate bah Codet.
BahCodet:  “Hayaaa...”
Kadenge bah Codet ngagorowok deui, bari sakali ieumah ngaronjangkeun leungeuna nu di arah dada siBopeng. Samemeh kena ngadadak eta ranggeuman ditarik, gantina cakaran leungeun kenca anu datangna ti handap rek ngacak-ngacak iga.
Mireungeuh serangan hebat kitu, siBopeng waspada. Gentak luncat kaluhur nepi kasahibas sirah. Laju ngajejekeun suku kencana nu diarah tarang bah Codet.
BahCodet:  “Hhh! Nyaan campelak. Heup...”
Ceuk Bah codet bari ngagilirkeun sirahna kagigir, sedeng ramo-ramo anu beulah katuhu diangkat rek dipake ngarampid suku siBopeng anu nyamos. Angjohnamah lamun beunang rek langsung digebot! Ngan orokaya, siBopeng nu geus bisa ngajudi kanu naon-naon anu rek dilakukeun ku bah Codet teu cileureun. Nalika kabireungeuh bah Codet ngangkat ramo leungeuna, ningan sakilat sukuna geus ditarik. Gantina suku katuhuna ngahiuk sarta ngabeletuk kana tonggong leungeun bah Codet nu nyamos newak angin.
BahCodet:  “Ualuuuh..!” bah Codet ngagero lirih, tuluy mundur bari kekerepengan.. miceun kanyeri dina tonggong leungeuna.
Ratnainten: “Hihihi... kang bopeng, kunaon lain sirahna? Teu kudu asa-asa ka jalma licik kitumah...”
Ratnainten ngéyéhkeun bari angeur waspada, bisi den Sapta sabalad-balad ujug-ujug narajang ngabongohan. Ari bah Codet anu di éyéhkeuna sakali ieumah teu nembal, ngan kabireungeuh beungeutna beuki geuneuk teu genah ditempo. Malah tembong manehna muka deui jurus anu kacida kukuhna. Kadua sukuna muka semu méyekéh, sedeng kabireungeuh ramo-ramona leungeuna geus ramakah hareupeun dada. Matana bolotot semu hurung ngandung pangabaran, anu kurang-kurangmah matak eleh babar leuwih tiheula samemeh ngadu jajaten.
BahCodet:  “Kacirina Andika memang eusian, bopeng. Hade... poe ieu kaula, menta pangajaranana. Hiyaat...”
Jleng... bah Codet luncat deui, bari sakali ieumah langsung ngabubat-babitkeun Cakarwesi kenca-katuhuna pili genti, nu diarah awak siBopeng rek di sasak saperti ka lawan-lawana.. anu salila ieu geus jadi korban kaampuhan elmu Cakarwesina.
Tapi sakali ieumah anu dilawanateh siBopeng atawa Angkawijaya anu geus cukup narima panggebleng ti Eyang resi Jalaujung ku cara-cara anu khusus tur sampurna. Teu aneh.. najan umurna masih kawilang hejo, tapi dina tingkat pangabisa siBopeng geus ngaleuwihan tijago-jago biasa mangsa harita. Nya saperti anu kiwari keur disanghareupanana nyaeta bah Codet.
Ukur sakeudapan katembong bah codet mimiti kadeseh. Gawena ukur undur-unduran bari cungcat-cingcet nyingkahan serangan-serangan siBopeng nu sakitu hebatna. Ari jurus-jurus anu dipetakeun ku siBopengteh nyaeta jurus-jurus anu disebut Runtag Djagat. Anu dipetakeun kudua dampal leungeun jeung suku anu paselang-selang ngahujanan awak bah codet.
Ningali andeulanana aya dina kaayaan anu kadeseh, lain deui den Sapta hariwangeunana, malah cicing-cicing manehna katut siJuhed geus nyiapkeun rancana pikeun nulungan bah Codet anu sakitu kapayahanana. Malah basa siBopeng kaparengan nonggongan, ngadadak bae manehna luncat bari ngirimkeun serangana muru sirah siBopeng.
den Sapta: “Heyaahhh...”
Pokna bedas, sedeng awakna geus ting jorelat babarengan jeung siJuhed bari masing-masing bedogna geus ting gurilap matak paur. Tapi samemeh kena, ngadadak bae hiji bayangan hejo ngolebat kahareupeunana.. langsung nadah serangan manehna katut siJuhed.
“Hiuk kolebat, trang-trang-trang... cring! Buricak...”
Kontan kembang seuneu ting buricak, nepikeun ka sababaraha kali. Malah samemeh duanana saladar, sagulung sinar bodas geus gugurilapan ngarah-ngarah masing-masing badana.
den Sapta: “Kurang ajar, gening sia Lonte...!” ceuk den Sapta, basa sidik saha nu megatanana.. anu sing horeng Nilam sari sorangan.
Nilamsari: “Sia anu lontemah, manusa licik!” ceuk Nilamsari ngahualkeun.
den Sapta: “Hahaha... kutindakan silaing kieu, geus negeskeun yen siya memang boga hubungan istimewa jeung siBopeng. Heup...”
siJuhed: “Haha... bener den, teu sangka gelis-eulis telembug!”
siJuhed mairan bari ngagiwar kakatuhu, nyingkahan congo bedog nyiMojang anu nyorocos rek niir jajantungna. Karasa aya sagulung hawa panas, tanda serangan nyiMojang ngandung tanaga lapisan anu kacida hebatna.
Nilamsari: “Hhh...!!”
NyiMojang ukur sanggup ngabab, bari jeung terus ngembangkeun ulin barajana dina jurus-jurus silalatu-Kabawa Angin. Congo bedogna langsung robah lir petelan-petelan seuneu ngarah awakna den Sapta katut siJuhed.
Geurr.. atuh mitra, hadirin anu tadi sempet jempeteh kiwari surak deui. Nu kemprok jeung nu ting saruit mani awor matak katorekan. Kaayaan beuki rame, jalma beuki jul-jol sabab ngarasa panasaran ku sora anu ribut-ribut. Beuki lila anu bhitotamateh beuki campuh, katembong pihak den Sapta aya dipihak anu kadeseh.
“Trang-trang-trang... cring!!”
“Trang-trang-trang... cring!!”
Sababaraha kali den Sapta katut siJuhed muterkeun bedogna, dipake nakisan serangan-serangan Nilamsari anu terus merul lir hujan silantang. Den sapta jeung siJuhed bener-bener kawalahan, nepikeun ka teu karasa tonggongna geus juuh ku kesang.
den Sapta: “Sangku.. bantuan aing, euy...”
Ceuk den Sapta bari terus undur-unduran katukang. Manehna heran kunaon, opat ponakawana taya kaguam, mantuan maranehna anu keur bitotama. Tapi anu digeroanana angger ngajarengjen teu ngayakeun hojah naon-naon.
den Sapta: “Sangku, Juma, bantuan aing...” deui-deui den Sapta menta tulung.
Ratnainten: “Percumah, maranehnamah ukur gede huapna wungkul. Hihi...” ceuk Ratnainten kadenge nyirihil disisi pakalangan.
siJuhed: “Den... akang... akng... kena ku... eureup-eureup...”
den Sapta: “Goblog siah, piraku kena ku eureup-eureup wayah kiwa...” “Buukkk!!” Hukh...”
Can oge cacap cacarita, dadana benang kajejek, ku dampal suku nyiMojang. Kontan bae den Sapta ngahanju, sedeng awakna terus ngageblag katukang sarta ngabebengkang dina kamalir.
“Trang-trang... cring, sret...”
siJuhed: “Auww...”
Giliran siJuhed ayeunamah anu ngagero, malah tembong bedogna nepi kamurag sedeng pigeulang leungeuna raheut katurih ku congo bedog Nilamsari.
Nilamsari: “Sok siah, maraju deui ari aya keneh wawanenmah?”
Ceuk Nilamsari galak, kitunateh bari jeung nudingkeun congo bedogna ka palebah den Sapta katut siJuhed. Demi nu ditangtangna ukur udah-aduh bari nahan kanyeri, najan masih panasaran, tapi sadar uoama nyomojang lain lawanen memeh mumuluk.
Keur kitu, “Plakk...!!” kadenge sada nu ngajeplak, disusul ku ngajeritna bah Codet basa dadana pisan beunang ka tepak ku dampal leungeun siBopeng. Akibatna awak bah Codet ngajol katukang, terus tigogolencang dina lemah bari ngutahkeun geutih hirup lalambaran.
“Guprakk!” nyangsaya dina kamalir terus u-o dibarung ku aduh-aduhan nahan kanyeri palebah dadana.
bah Codet: “Wah.. uahh, aduh... uoo... uooo...”
siBopeng: “Leuwih hade tinggalkeun ieu patempatan...” Ceuk siBopeng bari neuteup ka bah Codet anu geus payah. Pamungkas melong ka den Sapta nu geus ngajurungkunung hudang bari nyekel dada.  Geus nangtung, katembong manehna jajarigjegan muru bah Codet anu geus teu walakaya eleh jajaten ku siBopeng.
den Sapta: “Bah... abah... teu kunanaon?”
bah Codet: “Abah... abah tatu dijero, den...” walon bah Codet haroshos.
den Sapta: “Batur... batur.. hayu urang indit...”
Ceuk den Sapta ngajakan baturna indit, kitunateh bari jeung dongko ngahudangkeun bah codet. Geus hudang terus dibeyeng sarta dibantuan ku siJuhed anu masih anger pupuringisan nahan kanyeri. Sedeng getih dina pigeulang leungeuna, terus rembes sok padahal geus dibuleun ku kaen bajuna.
siSangku: “Den! Akang... akang teu bisa bagerak...”
kadenge siSangku lumengis, pon kitu deui tilu urang baturna. Ningali kitu, lain deui den Sapta herana. Malah lain ngan ukur den Sapta, dalah Nilamsari jeung sakur nuaraya didinya ge hareraneun kunaon siSangku saparakanca matung bari sok padahal taya anu ngaganggu.
Ukur siBopeng sigana anu apaleunteh, manehna sadar lamun siSangku keuna ku kakuatana Ratnainten anu mampuh ngadalikeun barang anu ngandung cai. Nya kaasup geutih nu ngamalir disakujur badana siSangku saparankanca. Malah sidik, ramo-ramo leungeun Ratnainten anu marucuk eurihteh ramakah ngandung tanaga.
siBopeng: “Nyimas, langkung sae lepaskeun....” siBopeng kadenge ngaharewos.
Ratnainten: “Tuman, kang...”
siBopeng: “Karunya, ongkoh mataholangnamah den Sapta...”
Lalaunan, ramo-ramo leungeun Ratnainten anu nyamuni dihandap diturunkeun. Teu sakara-kara, sisangku saparakanca bisa bagerak.
siSangku: “Duh, aduh.. hayu den, hayu. Ayeunamah akang bisa bagerak...”
Baturna: “Enya kuring ge ayeunamah bisa...” Nusejena raong bari babatek bangun anu cangkeul.
den Sapta: “Lamun kitu, hayu...”
Atuh sanggeus kitumah, den Saptateh arindit teu ngalieuk deui katukang. Bah codet terus pada ngabeyeng, ku siSangku katut nu sejena anu masih jaragjag.
Sanggeus den Sapta sabalad-balad katut nu lalajo bubar, siBopeng nyamperkeun siWanoja bari jeung tumanya.
siBopeng: “Nyimas.. naha salira teu kunanaon?” pokna bari imut.
Nilamsari: “Ku… kuring… kuring teu kunanaon…” walon nyiMojang teu pati suhud, samalah kitunateh bari jeung ngampihkeun bedog kana warangkana.
siBopeng: “Upami kitumah sukur atuh. Nanging... naha bade angkat kamana atanapi tas timana? Numawi salira lumampah sosoranganan...”
Nilamsari: “Etamah urusan kuring...” ceuk nyiMojang bari ngadilak kaRatnainten. Ongkoh heran deuih, aya awewe sakitu geulisna daek reureujeungan jeung siBopeng.
siBopeng: “Maksadteh bilih peryogi dijajapkeun mulih?”
Nilamsari: “Kuring teu perlu dianterkeun...”
Ceuk nyiMojang bari gideg, nampik sapajodogan kahadean siBopeng. Ari Ratnainten ukur nyengir, aya parasaan atoh siBopeng dijudesan ku Nilamsari sarupa kituteh.
Samemeh siBopeng cacarita deui, ka eta patempatan aya nu daratang, dua urang jajaka ginding nyalampeurkeun kapalebah dinya. Umurna kira 22 taunan. Malah hiji diantarana aya nu cumarita,
Jajaka: “Nyimas, aya naon?” pokna bari mureleng ka siBopeng pinuh ku kacuriga.
Nilamsari: “Teu aya nanaon, kang...”
Jajaka: “Teu aya nanaon kumaha, angoan salira sakieu belewukna. Naha salira tos bitotama?” nyiMojang teu nembal. “Terus, anjeun saha? Rek naon deukeut-deukeut jeung adi kaula? Naha anjeun boga maksud nu teu uni?”
siBopeng: “Ku... kuring... kuring...” siBopeng jadi gagap, teu nyana bakal menang pananya nu noron sarupa kitu.
Nilamsari: “Tos, kang. Manehna lain naon-naon...” Nilamsari megatan, ngajaga bisi lanceuk-lanceuk sapagurona salah paham, nu antukna nimbulkeun riributan anyar.
Jajaka: “Awas Bopeng! Andika Montong kumawani macem-macem!”
siBopeng: “Ma... mangga...”
Ceuk siBopeng bari ngeluk, malah terus mundur sababaraha lengkah katukang. Ningali sikep siBopeng ajrih, atuh kacurigaan lanceuk-lanceukna nilamsari rada ngurangan. 
Jajaka: “Nyimas, abah guru sareng Ambu guru tos milarian kamamana, geningan salira aya didieu...”
Nilamsari: “Muhun kang, kaleresan abdi nuju hoyong jalan-jalan bae...”
Jajaka: “Engke deui, ulah sosoranganan bilih aya jalma jahat nu culika. Ayeunamah hayu, urang mulih. Rama sareng Ibu salira tos lami ngantosan...”
Nilamsari: “Mangga kang...”
nyiMojang teu loba omong, terus ngaleos leuwih tiheula.. dituturkeun ku dua lanceuk-lanceukna, nu asanateh arangguklung kacida. Malah katembong samemeh arindit, duanana ting dalilak kapalebah siBopeng nangtung bangun pinuh ku kageuleuh jeung ka curiga. Ari siBopeng bati molohok, jajap nu ting laleos bari teu pamit-pamit acan.
Kakara sanggeus nu tiluan areuweuh, tak-takna karasa aya anu nepak singhoreng Ratnainten inten pisan.
Ratnainten: “Heh, kunaon kalah terus ngahuleng...”
siBopeng: “Oh-eh, nyi… nyimas…”
Ratnainten: “Hihihi... Kunaon, kang? Gening bet kalah terus ngalamun, boa-boa...?”
siBopeng: “Boa-boa naon, nyimas?”
Ratnainten: “Boa-boa bener anu dituduhkeun ku den Saptateh...”
siBopeng: “Naon?”
Ratnainten: “Yen akang ngagaduhan hubungan istimewa jeung eta mojang. Hihi...”
siBopeng: “Hus... tong nyarios kamana bae, ah. Ayeunamah hayu, urang neangan panglereban...”
Ratnainten ukur imut, geus kitu duanana laleumpang mapay-mapay jalan gedé. Lampu gantung geus mimiti bruy-bray, cahya layung anu tadi hibar geus tinggal sesana, ting arendat dina tungtung-tungtung mega hideung.
Duanana terus laleumpang, masing-masing panona terus larat-leret nitenan kaayaan disabudeureun eta kacutakan. Nu memang kacida pisan gegekna, bukti loba wawangunan anu kuat tur alagreng.
Ratnainten: “Abdi yakin engkang, lamun pakean akang teu siga kieu siWanoja tadi pasti bakal ka pati-pati ku salira engkang…”
siBopeng: “Hmm… akang ngarasa teu yakin, nyimas.”
Ratnainten: “Naha?”
siBopeng: “Sabab manehna ngabogaan sipat judes?”
Ratnainten: “Hihiihi...”
siBopeng: “Naha bet gumujeng nyimas?”
Ratnainten: “Margina nyiMojang judes kitu, kusabab engkang nganggo raksukan siBopeng. Da cacak lamun engkang nganggo kaayaan nusajatinamah nyiMojang bakal bear marahmay...”
siBopeng: “Kutan kitu nyimas?”
Ratnainten: “Nya mangga bae ku engkang buktoskeun, laan eta topeng terus adu hareupan jeung manehna...”
siBopeng: “Ah.. asana teu perlu, nyimas. Da moal aya gunana, ongkoh eta sami sareng ngalanggar parentah Ramaguru...”
Ratnainten: “Nya asal ulah ayeuna atuh, engkang. Ke upami ieu urusan urang parantos rengse...” siBopeng ukur ngangkat taktak teu nyarita deui.
siBopeng: “Langkung sae ayeunamah urang neang pamondokan heula, nyimas. Yu-ah, lain kalah nyarioskeun batur...”
Ratnainten: “Hihihi...” Ratnainten nyirihil bari nyiwit cangkeng siBopeng.
Duanana terus laleumpang, bari larat-leret neang imah anu bisa dijieun pamondokan peuting harita. Tapi karek oge sababaraha lengkah, kadenge Ratnainten geus nyarita deui.
Ratnainten: “Oh enya, kang.. naha akang resep ka nyiWanoja tadi?”
siBopeng: “Resep? Resep kumaha?” ceuk siBopeng bari kerung.
Ratnainten: “Buktina tadi geningan engkang kolu nulungan manehna?”
siBopeng: “Akang teu resep ningal ka teu adilan, nyimas. Sajabi tieta kapanan, ramaguru oge sering mapagahan kitu. Yen tos sakedahna urang tulung tinulungan ka papada jalma anu memang meryogikeun ku pitulungna urang...
Ratnainten: “Tapi kumaha lamun anu taditeh Nini-nini atawa ka aki-aki? Naha engkang tetep bade nulungan manehna?”
siBopeng: “Atuh nya tangtos bae nyimas. Akangmah teu samata-mata ninggal kaayaan jalmi sacara lahiryahna wungkul. Rek aki-aki rek nini-nini, rek nu geulis atanapi sabalikna upama maranehna butuh ku pitulung, pasti ku akang ditulungan...”
Ratnainten: “Nyaan etateh, kang? Aslina?”
siBopeng: “Tangtos atuh, nyimas. Piraku salira teu percanten ka akang...”
Ratnainten: “Abdi percanten kang...” ceuk Ratnaiten ditungtungan ku imut ngagelenyu.
Teu lila srog, duanana tepi kaparapatan jalan. Duanana ting rarandeg, waktu katingali dipentaseun jalan aya hiji warung anu cukup gede. Duanana terus arasup sarta guk-gek dariuk dina bangku dihiji meja nu masih kosong, kabeneran menang tempat nu beh pojok eta warung atuh rada nyamuni teu gampang katingali ku jalma sejen. Teu lila, hiji palayan tokroh-tokroh nyampeurkeun.
siPalayan: “Eu... bade pesen naon, nden?”
#Hanca
#Dongsun_manggiok

#Dongsun
#Banjir_Getih_DiSangga_Buana
#ka_5
Urang uihan deui sajedik..
Ratnainten: “Abdi hoyong tuang, paman...”
siPalayan: “Oh nya mangga, nden. Bade sareng naon?”
Ratnainten: “Pais lauk, sayurna angen kacang...”
siPalayan: “Oohh.. mangga, nyimas. Terus si aden ieu?” bari ngaleret ka siBopeng bangun wegah.
siBopeng: “Saruakeun bae mamang...”
siPalayan: “Mangga den, mangga...”
siMamang teu talangke, terus ngaleos deui kapawon. Ngabejaan juru masak, sangkan nyiapkeun naon-naon nu dipenta ku Ratnainten katut siBopeng.
Sabot nungguan sangu diidangkeun, pangangguran duana ngurilingkeun paneuteupna ka sabudeureun warung. Tetela hampir satiap meja ka isi kabeh, malah beh tengahmah aya sabubuhan jalma keur ngariung dua urang kolot awewe jeung lalaki.. anu bangunateh pada ngajenan ku jalma-jalma nu aya disabudeureunana.
Nu lalaki beungeutna kereng, mibanda kumis jeung jangot make pakean sing sarua hideung.. sababalikna nu awewe, sanajan geus teu ngora.. tapi rarayna masih nyari tur sieuran. Sarta kaciri awakna oge masih singset tur padet. Ngan lamun nilik kana pamuluna nu alum, jelas.. eta awewe kolot kalapateh bangun anu  keur ngemu kabingung. Sabab budak awewena, indit teu pupuguh bari jeung teu bebeja heula. Malah kadenge eta awewe kolot teh cumarita.
Ambu Jamuju: “Abahna, naha moal terus diteangan budakteh? Naha bet asa kuhare-hare budak euweuhteh?"
Bah Jamuju: “His, lain moal arek diteangan. Tapi kapanan sinyai teh geus gede, ongkoh elmu silatna oge geus cukup bisa diandeulkeun. Kahijina eta, atuh kaduana kapanan keur disarusul ku lanceuk-lanceukna...”
Ambu Jamuju: “Enya tapi kunaon, nepi kakiwari masih tacan keneh malulang. Boh nu nyusulna, boh nu disusulna. Ambumah hariwang bisi aya kajadian nu teu dipiharep tumiba kaanak urang. Ayeunamah hayu urang teang babarengan...”
Bah Jamuju: “Hih, tenang ambuna tenang, sing percaya kaabah. Isuk lamun sinyai tacan keneh mulang, kakara urang teang. Ayeunamah kapanan can sapoe-sapoe acan, karek oge tadi isuk-isuk inditna...”
Ambu Jamuju: “Hhh! Kunaon atuh cenah nya, budak teh indit teu bebeja? Bet nyiar-nyiar pikahariwangen nu jadi kolot? Heg, keur aya dilembur batur. Atuda ceuk ambu ge, kumaha? Geus we indit ti Padepokanteh duaan bae, ieumah hayoh hayang bari ngajak siNyai...” siAwewena nu disebut Ambuteh, bangun maido kanu jadi salakina. Demi ngadenge dirina dipaido, kalawan sabar silalaki cumarita.
Bah Jamuju: “Sinyai butuh luang jeung pangalaman, Ambuna. Ongkoh kapan, geus  jadi kasapukan urang duaan sinyai dibawa. Ayeunamah sok.. geura rengsekeun heula tuangna, bisi jadi matak kuma onam keur kana kasehatan Ambuna...”
siAwewe keom teu nyarita deui, rarayna bangun hariwang nu pohara.
Beuki lila kaayaan eta warungteh beuki haneuteun, nu datang jeung nu indit meni lar-sup.. puguh dieta kacutakanteh, taya deui warung salian ti eta warung. Kakara sanggeus diluar paroek, ka eta warung aya nu arasup. Puguh bae lain deui barungaheunana, sabab eta nu arasupteh tilu nonoman nu di dago-dago ku eta dua kolot katut nusejena. Saha eta tilu nonomanteh? Taya lian ti Nilamsari, katut dua lanceuk sapaguronanana nu nelah Wirya jeung Kanta.
Ningali kitu siBopeng anu geus nyanghareupan sangu ngebul buru-buru tungkul, sabalikna Ratnainten mah angur nyengir bari nyigeng ku sikuna.
Ratnainten: “Tuh, kang.. pujaan datang. Hihi...” siBopeng teu nembal, panona ngadilak.. sedeng curukna diantelkeun kana biwirna.
Nilamsari: “Abah… ambu…”
Ambu Jamuju: “Nilam…”
Indungna ngagero bari satengah ngorejat, saterusna dua awewe antara indung jeung anakteh silih rangkul bangun anu sono kacida.. padahal papisahteh karek tadi isuk can aya sapoe-poe acan.
Ambu Jamuju: “Timana bae ari hidep, nyimas? Bet nyiar-nyiar pikahariwangen ambu jeung abah...” nu anyar datang langsung menang pamaido.
Nilamsari: “Hapunten abdi ibu, rumaos Abdi lepat...”
Bah Jamuju: “Ambuna tenang heula, eta sinyimas capéeun kénéh. Angurmah sina diuk heula..."
Ambu Jamuju unggek, laju ngalepaskeun rangkulanana. Atuh geus kitumah salarea guk-gek dariuk sameja, kaasup Wirya jeung Kanta.. dua pamuda gagah nu tadi ngajemput Nilamsari.
Samemeh loba vavarita, bah Jamuju pesen deui sangu keur anak muridna. Sanggeus pesen sangu, pok bqh Jamuju mimiti cumarita.
Bah Jamuju: “Nyimas... naha hidep teu kunanaon?”
Nilamsari: “Henteu Abah...”
Bah Jamuju: “Nya sukur atuh ari hidep teu kunanaonmah, nyimas. Boro satadinamah abah jeung Ambuteh geus ngarasa hariwang...”
Nilamsari: “Hapunten abdi abah,” deui-deui Nilam sari menta dihampura.
Bah Jamuju: “Nu penting ayeuna, hidep geus salamet. Tapi... tas timana atuh diri hidep nu sabenerna? Naha bet indit sosoranganan...”
Nilamsari: “Satadina abditeh hoyong ameng bebas laluasa, abah. Teu hayoh-hayohan pada ngawaskeun ku dulur-dulur sadayana. Nanging... teu disangka di caket pasar bet aya nu ngaganggu tug dugi kaributna...”
Bah Jamuju: “Baruk! Nepi kaributna?"
"Leres abah..."
"Naha hidep apal jeung pihak mana?"
"Eta, eu.. eu..." Nilam sari ragu-ragu bangun anu asa-asa. Malah make jeung ngaleret ka dua lanceuk-lanceukna. Nudileret surti, atuh pok Wirya mang nembalankeun.
"Abah guru, ambu guru.. rayi Nilamteh kabaud kaributan sareng pihakna Ragawesi!"
"Kumaha! Dedengeanteh jeung pihak Ragawesi..." Katembong raray bah Jamuju bangun anu kaget, demi ngadenge katerangan muridna kitu.
"Leres. Abah, ambu. Samalih riributanateh sareng den Sapta putrana abah Ciptawening..."
"Hmm..." bah Jamuju silih reret jeung pamajikana. Nilik kana sikep maranehna anu saperti kitumah jelas duanana oge bangun anu ngemu kahariwang anu pohara.
Abah Jamuju: “Coba nyimas terangkeun sjalantrahna, kumaha mimitina nepikeun kahidep bentrok jeung den Sapta sarupa kitu?"
Nilamsari: “Maranehnateh langkung ti payun ngaganggu abdi, abah. Mimitinamah  Ku basa-basa anu teu mernah, nanging beuki dieuteh malah tambah pikareheeun. Nu antukna abdi teu tiasa nahan amarah, kuabdi dicarekan tug dugi ka bentrokna..."
Abah Jamuju: “Hmm.. terus kumaha pamustunganana?"
"Mimitinamah abdi tiasa ngungkulanana. Nanging dina hiji waktos, abdi kaperdaya dugikeun kadirejengan kubaladna den Sapta dugi ka teu tiasa bagerak. Malah hampir-hampiran abdi kengeng narima panghina..."
"Narima panghina? Narima panghina kumaha, nyimas?" Ambu Jamuju ngajengek pinuh ku kaambeuk.
"Abdi bade... bade eu... dicium..."
"Kurang ajar! Purunyus pisan budakteh nurun pisan ka siCiptawening. Terus naha hidep hasil dihina?"
"Henteu ambu, margi kabujeng... kabujeng eu... aya nu nulungan..."
"Aya nunulungan?"
"Leres..."
"Kusaha?" Bah Jamuju tumanya deui bari melong nu jadi anakna. Ditanya kitu, Nilamsari angur ngeluk nyumputkeun pasemona nu ngadadak alum. "Eu.. eu..." Nilamsari angur gagap.
"Hmm.. pasti sikep hidep anu anggguklung nyah…”
Nilamsari: “Ha... hapunten abdi, abah…”
Bah Jamuju: “Lain kaabah menta dihampuramah, tapi ka Jalma nu geus nulungan hidep…”
Nilamsari: “Upami pendak, abdi baris nyuhunkeun dihapunten abah! Sareng bade nganuhunkeun..."
Bah Jamuju: “Ari jadi jalma kudu boga rasa jeung rumasa, kudu boga rasa bales budi..."
Tungtungna bah Jamuju ngawawadian anakna nu dianggap teu nyaho dibudi budi.
Nyimojang beuki katembong ngeluk teu wani cumarita deui. Sabalikna, siBopeng jeung Ratnainten silih leret... malah ebreh, Biwir Ratna inten semu ngalenyu ngawangun imut.
"Adeuh kang, tuh pimitohaeun ngabela akang..."
"Hus .. kamama bae ah nyimasmah..."
"Tapi bungah pan?"
"Ssttt... tos ah, nymas ulah ngaganggu bae akang..." Ceuk siBopeng bari napelkeun curuk kana biwirna.
Bah Jamuju: “Terus saha jalmana anu geus nulungan hidepteh, nyimas?" Kadenge bah Jamuju cumarita deui bari melong anakna.
"Eu... eu... duka abah, da teu kabujeng naroskeun. Mung... mung..."
"Mung naon?"
"Eta eu.. rarayna bopeng, abah..."
"Hh! Jadi eta alesanana pangna hidep teu nganuhunkeun teh?"
"Sa... sanes kitu, mung... mung waktos harita kabujeng sarumping kang Wirya sareng kang Kanta..."
Bah Jamuju teu nyarita deui, ngan bae katembong sikepna bangun anu kurang puas tindakan anak cawenena samodek kitu.
Ambu Jamuju: “Terus kamarana ayeuna den Sapta saparakancateh, nyimas?”
Nilamsari: “Du... duka ambu teu terang, duka mulih duka kamana abdi kirang paos. Mung bae hiji diantarana aya nu ngalaman tatu ku kang bopeng..."
"Baruk! Diantara manehna aya nungalaman tatu?"
"Leres abah, manehna katelah bah Codet!"
"Hmm..." Raray bah Jamuju beuki alem, beuki kulawu teu genah ditempo. Sababarahakali manehna gogodeg, bari pamustunganana nyarita kieu.
Bah Jamuju: “Naha hidep teu apal, lamun den Saptateh jajaka anu bakal jadi pisalakieun hidep..."
#Hanca
#Dongsun_manggiok

#Dongsun
#Banjir_Getih_DiSangga_Buana
#ka_6
Bah Jamuju: “Naha hidep teu apal, lamun den Saptateh jajaka anu bakal jadi pisalakieun hidep..."
Gebeg! Katembong Nilamsari ngagebeg, pon kitu deui sakur nu ngadenge omongan bah Jamuju kitu. Kaasup siBopeng jeung Ratnainten nu harita keneh katembong silih reret bari ngerungkeun halisna.
"Kumaha abah? Kukupinganteh den Sapta picarogeeun abdi?" Kadenge Nilamsari tumanya, bangun anu teu percaya.
"Bener nyimas. Geus sababaraha kali manehna ngirimkeun panglamar ka pihak urang! Kusabab mangsa harita hidep masih can sawawa abah menta niat hade pihak Ragawesiteh ditunda. Kiwari.. lima taun geus ka lewat kiCiptawening mimiti ngungkit-ngungkit deui ngenaan ieu pertunangan..."
"Hih! Abdimah teu sudi abah, lamun dugikeun ka dijodokeun ka jalmi samodel siSapta. Jaba ti tos kolot teh jaba cunihin tur pikareheeun..!"
"Satadina pangna mawa hidep ka Sangga buana ge rek sakalian tamada kapihak Ragawesi, sangkan manehna daek leah ngabolaykeun kana kahayangna eta. Sabab abah yakin, hidep tangtu moal daek dijodokeun ka jalma anu samemehna teu dipikawahoh. Tapi... Kiwari, sanggeus aya kajadian kieu, tangtu pihak manehna moal bisa narima kitu bae. Sok komo hiji diantarana aya nu tatu cukup parna..."
"Tapi abah manehna tatu sanes ku Rayi Nilam, tapi ku siBopeng nu nyanyahoanan..." Wirya ngadadak nyulengkeng bari neuteup ka bah Jamuju.
"Muhun bah guru, tos bae lah teumbleuhkeun ka sibopeng..." Kanta milu nyambungan nyaritanateh bangun sangareunahna.
"Hiss... teu bisa kitu Wirya, kanta. Eta sarua jeung pihak urang anu teu tanggung jawab..."
"Teras kudu kumaha atuh abditeh, abah? Abdi... Abdi alim dugi ka dijodokeun jeung manehna..."
"Hmm..." Bah Jamuju ukur keom bari ngaheneng.
"Hidep ulah salempang, nyimas. Upama hidep teu suka, ambu katut abah pasti bakal ngabela hidep nepi kamana bae oge..."
"Muhun rayi, dalah akang duaan ge siap andon bebela ka rayi. Hayang nyaho nepi kamanalah kahebatan urang Ragawesiteh..." Wirya jeung Kanta ngahaminan, siap bebela ka adi disapagurona anu memang salila ieu ditaksir kumaranehna duaan.
"Hus! Hidep duaan ulah gagabah. Sabisa-bisa ieu kaributan ulah nepikeun kamanjang. Sok komo dituturkeun ku perang antar padepokan. Ayeunamah kieu bae, geus.. hidep ulah loba pikiran urusan sejen urang badamikeun lalaunan..."
"Unjuk sumangga, abah..."
"Ayeunamah sok kainyah, anggur gera taruang heula, meureun hidep tiluanteh geus lalapar..."
Nilamsari katut nuduaan teu nyarita deui, tuluy tup-top kana masing-masing piringna, malah sanggeus ngalasan ngan deker bae tiluanana taruang bangun paronyo naker.. teu wudu tiluanana galede.. utamanamah Nilamsarimah nu memang geus cape, urut tadi bitotama jeung den Sapta saparakanca.
Jep.. geus kitumah kaayaan jempe, sedeng warung tetep rame.. nu jajan tetep lar sup, dapuguh memang eta warung pasakanana kasohor ngenah.
Dimeja sejen katembong Ratnainten jeung siBopeng oge geus rarengse tuangna. Ngan kusabab inggis kacirieun  bae, ngalantarankeun duanana masih ngaharephep caricing dieta warung. Kakara sanggeus rombongan bah Jamuju kalaluar, Ratnainten jeung siBopeng ge gura-giru indit rek neang panglereban.***
Isukna, samemeh Rombongan bah Jamuju harudang. Ratnainten jeung siBopengmah geus laleumpang muru kakalerkeun. Bari leumpang, duanana ngalobrol utamanamah nyaritakeun ngeunaan nasibma Nilamsari nucenah rek dijodokeun ka den Sapta anak kiCiptawening urang gunung bongkok..
Ratnainten: “Kang.. cik kumaha ceuk pamendak akang ngenaan nasibna Nilamsari? Naha janten moalnya dijodokeun sareng den Sapta?"
"Eu... perkawis eta, duka nyimas. Mung bae, ku akibat kajadian kamari, sahanteuna hubungan eta dua padepokanteh bakal karasa haneut. Sok komo, mun seg pihak padepokan Linggar Dahana ngabedokeun ngenaan tali perjodohan..."
"Leres kang. Anu dipikahariwang, pihak Ragawesi teu bisa narima kana eta kanyataan. Antukna bentrokan dua padepokan teu bisa disingkahan..."
"Hhh..." Ngadadak siBopeng ngarahuh.
"Kunaon ngarahuh kang?"
"Saeutik gedena, akang geus milu andil kana retakna hubungan eta dua padepokan..."
"Teu kedah gaduh emutan sarupi kitu kang, najan engkang teu turun tangan. Hubungan maranehna memang bakal panas..."
"Naha bet tiasa kitu?"
"Sabab dina waktuna, nyimas Nilamsari bakal nolak kana panglamarna den sapta. Kajaba..."
"Kajaba naon, nyimas?"
"Kajaba aceuk Nilamsari daek narima kana panglamarna..."
"Hhh! Mustahil nyimas..."
"Mustahil? Didunya ieu taya anu nustahil, kang..."
"Tapi.. kasaksian meureun kamari ge kumaha budina aceuk Nilam ka den sapta, sakitu kedingna..."
Ngadenge omongan kitu Ratnainten teu nyarita deui, ngan bae katembong sukuna ngalengkah bari nyumputkeun pasemon anu ngadadak robah reueuk.
Ari siBopeng terus ngiclik nuturkeun, saeutik ge manehna teu merhatikeun lamun harita raray Ratnainten robah alum siga anu ngemu kasedih.
Duanana kebat laleumpang, muru lawang kori kacutakan. Sanggeus pamitan ka tugur, tuluy bae duanana laleumpang katonggohkeun ngajugjug puncak gunung Sanggabuana anu moal lila deui oge tereh tepi.**
Ratnainten terus ngagedig, kepatna gancang siga anu embung bareng jeung siBopeng. Mireungeuh kitu siBopeng oge ngagancangan leumpangna, malah sanggeus parendeng kadenge siBopeng cumarita.
siBopeng: "Nyimas, numutkeun pamendak salira urang kedah kumaha?"
"Urang? Akang meureun, da abdimah estu teu gaduh hubungan jeung manehna..."
"Nya! Eu.. leureus, numutkeun salira akang kedah kumaha? Naha tong kapalang bae kitu, milu bebela ka aceuk Nilam?"
"Jadi leres engkangteh ngagaduhan hubungan jeung aceuk Nilam?" Ratnainten mimiti sewot, katara ayeunamah matana semu hurung. Mireungeuh kitu siBopeng angur nyengir, saeutik ge manehna can bisa ngabaca kumaha hate Ratnainten mangsa harita.
#Hanca
#Dongsun_manggiok

#Dongsun
#Banjir_Getih_DiSangga_Buana
#ka_7
Urang lajeng, mitra...
Mireungeuh kitu siBopeng angur nyengir, saeutik ge manehna can bisa ngabaca kumaha hate Ratnainten mangsa harita. Malah kadenge, siBopeng nyarita deui.
"Panan aya paribasa nyimas, mun tutulung ulah kapalang..." Ratnainten ngabalieurkeun beungeutna nu ngadadak dadu.
"Etamah nya teu langkung salira akang, abdimah ukur ngadukung bae. Asal tindakan akang aya dina jalan lempeng ku abdi bakal dituturkeun..."
"Oh, hatur nuhun atuh nyimas..."
"Hh!"*
Duanana terus laleumpang, jalan anu disorang mimiti nanjak dapuguh geus aya disuku gunung.
Bari neuteup rarambu jalan nu ngagegedeg kenca-katueuna, duanana jarempe siga nu beak piomongeun. Nukadenge ukur recetna sora manuk jeung seahna dangdaunan nu katebak angin.
Barang tepi kahiji tempat, reg.. ngadadak Ratnainten ngeureunkeun lengkah sukuna. Tuluy malik ka siBopeng, nu rarayna ramijud pikageuleuheun.
Trep... dua pasang panon paadu teuteup. Pikeun sakedapan duanana silih pencrong siga nu kakara patepung.
"A.. aya naon nyimas?" Sibopeng heran, sok komo tuluy-tuluyan ditetep ku Ratnainten sarupa kitu.
"Naha akang resep ka aceuk Nilam?"
"Eta eu... eu..."
"Jawab ku akang sing jujur naha akang resep kamanehna?" Dina sora anu sewot, ngandung kahariwang batin anu pohara.
"Nyimas naha narosteh bet ku aneh?"
"Teu kudu bulat-belit! Jawab bae pananya abdi, naha engkang resep ka aceuk Nilam?"
"Akang, eu.. eu..."
"Resep?"
"Ta.. tangtos bae atuh nyimas, saha jalmina anu teu resep ningal kembang anu keur meujeuhna mangkak..."
"Hh! Terus geulis mana antara abdi sareng aceuk Nilam?"
Deui-deui siBopeng ngajenghok bari sakali ieumah ngerungkeun halisna.
"Jawab kang! Geulis mana, abdi sareng aceuk Nilamsari?"
"Nyimas, dua kembang anu benten.. tangtos bae moal tiasa dibanding-banding. Duanana  ngagaduhan ciri sareng kaleuwihan masing-masing..."
Bari ngoloyong kasisi jalan, Ratnainten miceun beungeut sarta nyarita deui.
"Dina hiji waktos, akang kudu bisa milih kembang mana anu bisa dipetik sanes mung ukur sae rupa sareng sengitna wungkul..."
SiBopeng teu nyarita deui, ngan bae hatena banget nya kuheran ku sikep jeung tindak-tandukna eta wanoja anu umurna moal kurang ti 14 taunan.
Gek, duanana dariuk handapeun tangkal soka nu ngarandaka.
Pikeun sakedapan, duanana jarempe deui.. ukur ngelakma manuk cipblek jeung begerna tikukur luhureun leuweung Sanggabuana. Malah tikaanggangan, jalak hau mani ngelak sorana nepikeun ja aweuhan.
 Bray-bray... kaayaan anu tadi angkeb mimiti caang! Pepedut ngileus, sedeng hawar-hawar ti kaanggangan kadenge anu dokdak siga anu nuar tangkal.
Tapi sanggeus ditegeskeun tetela anu dokdakteh, lain sora anu keur nuar tangkal. Pikeun Ratnainten jeung siBopeng anu geus asak panggembleng, eta sora anu dokdak teh jelas kaluar tina bentrokan-bentrokan teunggeulan anu ngandung tanaga jero anu geus kacida kuatna.
"Siga sora anu keur ragot tarung, kang?"
"Muhun nyimas, tuh.. datangna bet siga beh ditu..." Walon siBopeng bari nunjuk kalandeuheunana.
"Kumaha mun urang teang, kang..."
"Mm... mangga, nyimas..."
Duanana teu jadi diuk, malah tuluy carengkat sarta ting kolebat, kakayangkangan luhuhureun tutuwuhan anu barala.
Dunana metakeun elmu pangenteng badan, sangkan tereh tepi kanu dituju.
Teu lila... Jlek! Duanana nincakeun suku dina hiji dahan. Luhureun tangkal ki Jengjing nu hieum.
Breh.. ebreh ku maranehna katingali, sisieun walungan aya jalma nu keur ragot tarung. Hiji lalaki kira umur 45 taunan, keur di karepuk ku dua urang aki-aki nu pangawakanana jarangkung begang. Ngan bae katembong karesit sarta tiap leungeuna digempurkeun, teu weleh ngaluarkeun angin anu ting saleor babaliungan. Sedeng nu dok-dak tea, kaluar dina sora bentrokan leungeun atawa suku anu pabentur!
"Urang diditu, kang..." Ratnainten ngaharewos bari nunjuk batu gede. SiBopeng ukur unggeuk,  tanda nyatujuan kana kahayangna Ratnainten. Duanana tarurun, tuluy ting keteyep kapalebah batu gede.  Geus deukeut gog, duanana cingogo bari masing-masing paneuteupna manco kanu keur ting hareat, metakeun masing-masing jurus mautna.
Ratnainten: “Kade kang, sing ati-ati bisi aya angin teunggeulan anu nyasab...”
siBopeng: “Enya mangga, nyimas...“ ceuk siBopeng bari angeur paneuteupnamah manco kanu keur tararung. “Saha maranehnateh nyimas?”
Ratnainten: “Duka kang, mung nu jelas.. maranehna sanes jalmi sembarangan wungkul...”
siBopeng: “Muhun nyimas, tapi...”
Ratnainten: “Tapi naon, kang?”
siBopeng: “Tinggal.. jurus-jurusna meh sarimbag, siga-siga nu keur tarungteh masih keneh saaliran...”
Ratnainten ngawaskeun pinuh ku katalitian, nyaan bae.. kadieunakeun kumanehna kabireungeuh, eta nu keur tararungteh siga-siga masih katalian ku dulur sapadepokan. Sanajan beda saeutik, tapi tiap-tiap gerakanana meh sarupa jeung sarimbag.
Ratnainten: “Muhun kang, tetela... salira awas. Sakali ningal langsung apal...”
siBopeng: “Nujelas ieu kasempetan, urang jantenkun luang keur nambah-nambah pangalaman...”
Ratnainten ukur unggeuk, geus kitu duanana ngadedempés bari masing-masing panonamah manco kanu keur ragot tarung. Nu beuki lila beuki eces, yen masing-masing gempuran atawa serangananateh meh sarimbag pisan. Boh dina ngayakeun serangan, pon kitu deui dina cara nyingkahan serangan.
Rundayan: “Heah-hait! Heahhh... hait...” “Wut-wut-wut...”
“Jelepung...”
Ngadadak silalaki nu umurna 40 taunanteh, ngajelepung kaluhur.. ngalayang dina posisi ngajogo. Ari kadua leungeuna dijaplangkeun, niron-niron jangjang manuk.
Aki Dira: “Montong kabur Rundayan, heaahhh...”
Ceuk si Aki anu beungeutna bengisna ngagorowok, kadua sukuna katembong ditekuk.. sarta teu lila awakna geus ngabelesat ngudag, sedeng ramo-ramo leungeuna geus nyolodor rek ngaranggeum genggerong, tapi siLalaki oge teu cicingen katingli ngangkat leungeuna dipake nakis.
“Dess...”
Pigeulang leungeun si aki beunang ditakis, “Wuutt...” dihandap baturna nu hiji deui nyusul tepus, ebreh dampal leungeuna anu geus robah semu daduteh meber rek nepak tetepokan. Tapi siJalma linghas, bari salto manehna muterkeun awakna dina gerakan Angin puyuh.
Atuh... plos! Serangan baturna siAki nu nelah kiKasam oge poos ngakan angin, malah karasa ayeunamah siLalaki anu umurna geus 45 taunanteh, geus aya tukangenana. “Cuitt...” kana tonggong siAki aya tusukan hebat.. sanajan can kena kana sasaran tapi ku hawana bae geus karasa.. kumaha hebatna eta tusukan, nu dilakukeun ku jariji siLalaki.
Aki Kasam: “Hahaha... teu sangka Rundayan, silaing geus mampuh ngayakinkeun jariji sakti. Heup…”
Ceuk aki Kasam bari ngalegot kalebah kenca, gileuk manehna jadi malik nyanghareup. Breh... kekemplong siLalaki lowong taya tedeng aling-aling. Hiukkk... teu tatapa sini deui, eta kekemplongteh rek dijeblag ku Dampal leungeun siAki. Anu tangtuna bae oge geus dilambaran tanaga sakti dina inti geni.
“Wuuss… Blaaarr!”
Teu kena kana sasaran, sabab kiRundayan kaburu ngalagragkeun badana ku jalan ngaberatkeun diri kana suku. Akibatna tangkal ki jengjing jadi sasaran kasamber hawa teunggeulan siAki anu ngandung hawa panas. Ebreh.. kuRatnainten katut siBopeng kaciri, tangkal kijengjing langsung legok bari ngelemeng gambar tapak Ramo leungeun semu anu tutung sadua-dua.
Jlig…! Jlig…! Jlig…! Katembong tilu jirim geus narangtung kalawan ajeg. Masing-masing panona silih pencrong, bangun anu keur ngadu pangabaran. Pikeun sakedapan kaayaan ngadadak simpe, nu kadenge ukur recetna sora tikajauhan jeung seahna sora cai walungan anu tetep ngagulidag.
Ratnainten jeung siBopeng beuki ngadedempés. Dina kaayaan saperti kitu, ngayakeun gerakan saeutik pasti bakal bisa kanyahoan kunu keur bhitotama. Ngan bae, teu lila kadenge hiji diantarana aya anu cumarita. Hiji aki-aki anu buukna rada panjang, ngarumbay seret taktak.. sedeng eta aki-akiteh cenah katelahna aki Kasam.
Aki Kasam:  “Teu sangka Rundayan, Andika geus sakieu hebatna. Pantes, lamun siBundarwastu binasa dina leungeun Andika...”
kiRundayan: “Tong asal nyarita Andika, aki. Ulah kéna-kéna Andika ti tingkatan kolot padepokan bisa ngomong sangeunahna...”
Aki Kasam:  “Haha... teu kudu mungkir Rundayan! siBundarwastu binasa ku jurus-jurus Pancatungal, lamun lain ku Andika nya ku saha deui...”
kiRundayan: “Hhh! Najan enya kitu, tapi euweuh nu nyaksian langsung lamun kaula palakuna. Jeung na deui, nu ngagem elmu Panca Tunggal lain kaula sorangan tapi aya loba. Kaasup andika duaan...” Ceuk siLalaki nu taya lian kiRundayan nambalang. 
Aki Kasam:  “Hmm...” aki Kasam ngaheneng.
Aki Dira:  “Meugeus Kasam, teu kudu loba omong! Leuwih hade ieu Bocah urang cangkalak! Urang jagragkeun ka calon pimpinan..."
Aki Kasam: "Enya bener, nya! Dimana aya bangsat ngaku?"
"Pasti ngaku, ngan tangtu bae sanggeus digebugan heula..."
Raray silalaki ketembong euceuy, hatena panas demi ngadenge ucapan musuh-musuhna kitu. . Tapi najan kitu, katembong silalaki tetep tenang. Malah teu lila kadenge manehna nyarita deui.
kiRundayan: “Sakuduna mamang guru duaan, cicing diGuha Lalay nedunan hukuman ngajaga pajaratan Kuno. Tapi kunaon ayeuna bet ngulayaban? Naha mamang guru duaan teu sieun lamun eta hukuman dilipet gandakeun?”
Aki Kasam:  “Hahaha.... justru sabalikna, Rundayan. Kaula bakal bebas lamun kaula duaan geus nyieun Jasa kapadepokan...”
kiRundayan: “Nyieun jasa kapadepokan?” kiRundayan kerung.
Aki Kasam:  “Bener! Asal kaula mampuh nyangkalak Andika, hukuman kaula duaan bakal menang pamupus ti Tatuwa...”
kiRundayan: “Hmm... tatuwa?”
Aki Kasam:  “Naha Andika kaget, Rundayan?”
kiRundayan: “Lain kitu, ngan perelu dikanyahokeun. Nepikeun ka denget ayeuna, puncak Pimpinman padepokan Pancaruntah masih tacan aya nu ngeusian alias kosong...”
Aki Kasam: “Ayeuna memang can aya, tapi moal lila deui Pucuk Pimpinan padepokan Pancaruntah baris diWhisuda. Sarta nya harita, anjeun baris dijagragkeun minangka sarat sangkan kaula bebas dina hukuman ngajaga makam Kuno padepokan...”
kiRundayan: “Saha sabenerna anu geus nitahan Andika duaan turun gunung heh, Dua Kuncen Pakuburan, naha siMegantara?”
Dua kuncen pakuburan kadenge seuri pating cakakak, geus kitu jlung-jleng ka kenca jeung kakatuhueun kiRundayan. Demi ningali kitu, katembong kiRundayan oge teu cicingeun. Langsung pasang kuda-kuda, bari ngerahkeun kakuatan Tapak Bayu kasakujureun badana. Nepikeun kadenge sada anu ratok, dibarung ku kekeredepana awak eta lalaki lir ngaluarkeun cahaya ka koneng-konengan.
Keredep... keredep... disejen pihak, kadua dampal leungeun aki Dira katut aki kasam oge kekeredepan, tanda yen maranehna oge ngaluarkeun masing-masing kakuatan panca tunggalna. Teu lila... #c
Aki Kasam: “Heaaahhh...”
Aki Dira:  “Heyaaah...”

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_8
Ngadadak aki Dira jeung aki Kasam pating gorowok, disusul ku masing-masing awakna  anu ting jorelat laluncatan nyambeur kiRundayan.
Tetela boh aki Kasam boh aki Dira, duanana ge boga niat ngabinasa, buktina duanana langsung ngerahkeun tanaga saktina nepi ka tingkat dalapan.
Ebreh ti dampal leungeun nepi ka siku langsung ruhay nepikeun ka ngaluarkeun silalatu. Sedeng hawa dusabudeureunana langsung ngaheab panas, nepikeun ka dangdaunan laleumpeuh lir anu dilerab kuseuneu.
Perelu dikanyahokeun, ieu aki Dira jeung aki Kasamteh sanyatanamah paman guruna kiRundayan. Jujuluk maranehna nyaeta Dua Kuncen Pakuburan, anu gawena purah bebersih makam. Sanyatana.. kasebutna bae jujuluk, padahal ari nusabenernamah mangrupa hukuman pikeun maranehna. Anu memang sababaraha puluh taun kalarung kungsi nyieun codeka kapadepokan, nepikeun ka ahirna dihukum saumur hirup ku eyang Bundarwastu ngajaga pajaratan kuno anu aya dilamping pasir Sanggabuana.
Kiwari sanggeus kabejakeun eyang Bundarwastu perlaya aya anu ngabinasa, ieu dua kuncen pakuburanteh boga kasempetan bisa kaluar dina eta hukuman.
Carana.. nyaeta nyangkalak jalma anu geus ngabinasakeun eyang Bundarwastu. Anu ceuk beja anu keur sumebar, cenah binasa ku kiRundayan anu sirik.. pedah teu kapilih jadi pucuk pimpinan.
Ningali paman guruna nyerang dina kaayaan tanaga meh sapinuhna, KiRundayan anu sadar kana kakuatan lawan teu wani gana-gana nadah panarajang kitu bae. Manehna yakin, najan dina kaayaan nandangan hukuman dimakam kuno, teu mustahil paman guruna terus ningkatkeun elmu Pancatunggalna, anu boa geus hasil ngayakinkeun nepi ka tingkat ka sapuluh atawa titik puncak kakuatan manusa.
Ku kituna, kalayan kesit ngandelkeun elmu pangenteng badana awakna kokolebatan kaditu-kadieu, nyingkahan sakur samberan suku jeung leungeun dua paman guruna nu ting harius nebarkeun hawa panas nu gegelebugan ngalerab hawa udara nepikeun kamatak sesek kana ambekan.
Untung pikeun ratnainten jeung siBopeng duanana rada anggang ditempatna anu tarung, ngalantarankeun duanana cukup aman. Malah kadenge siBopeng ngaharewos.
siBopeng: “Tetela nyimas, tiluanana oge mangrupikeun para tokoh Sanggabuana wungkul...”
Ratnainten: “Leres kang, sanajan can pati jelas. Tapi sakedik ageungna urang tos apal kana duduk perkarana. Pangpangnamah tujuan eta dua sepuh, anu mana hoyong nyangkalak eta jalmi...”
siBopeng: “Tujuan urang duaan ka Sanggabuana, nyaeta nyaosan pangogan kiMegantara. Nu seja diisntrenan jadi pucuk pimpinan eta padepokan. Lebah dieu, tangtu ieu pertarungan masih aya hubunganana jeung acara pangistrenan pimpinan eta padepokan...”
Ratnainten: “Katawisnamah memang kitu, kang. Hanjakal Rama guru teu seueur saur nerangkeun kaayaan anu keur lumangsung diSanggabuana...”
siBopeng: “Rupinamah anjeuna miharep, supaya pangaweruh urang nambihan bari teu ngan saukur ku katerangan wungkul. Tapi pangaweruh urang nambihan ku hasil pangalaman sacara langsung. Kitu rupinamah, nyimas...”
Ratnainten katembong unggut-unggutan deui. Sedeng panona terus manco kanu keur ragot bitotama.
Anu lila kalilaanmah tetela, katembong kiRundayan mimiti kadesek sasat nagalawan musuh dua sakaligus. Kadua leungeuna nu geus kekeredepan ku cahya koneng, ukur bisa dipake nakis serangan dua paman guruna.
Nepikeun kaahirna, ngadadak manehna luncat katukang, bari nyesep udara minuhan dada. Kadua dampal leungeuna diputerkeun hareupeun dada ngawangun bayangan Bumi,  sedeng Panca tunggal dina Inti Bayu dikerahkeun nepikeun ka tembong dada kiRundayan melendung pinuh ka hawa -sakti.
Bareng jeung sapasang leungeuna  anu didorongkeun kaharareup, hawa sakti langsung bitu dina sapasang leungeuna nimbulkeun angin anu ngabaliung mapag dua serangan Kuncen Tipakuburan.
"Hiuk kolepat, Wuss...! Bummm...!!!" Kadenge sora nu ngajelegur lir sora gunung bitu, waktu dua kakuatan bentrok diudara.
Alam ngageter hebat, petelan seuneu katut angin nu ngabaliung paburisat kasaban madab, nimbulkeun letupan-letupan hebat nepika taneuh jeung kakayon nu aya disabudeureuna harurung kahuruan.
"Uaahhhh...!!!"
Kadenge sora nu ngajerit, disusul ku mentalna tilu jirim kadua arah. Kapangpengkeun ku dua kakuatan nu pabentur diudara.
"Koleanggg... Guprak, gedebut. Gorentel..."
Lamun Dua Kuncen kuburanmah, hasil jungkir balik aseupan bari bisa ajeg nangtung.. sabalikna kiRundayan langsung ngagedebut bari ngutahkeun getih hirup lalambaran. Dalah kumaha kiRundayan masih eleh tanaga, sasat ngalawan dua musuh  disakaligus.
"Uakh! Uoo...!! Uhukh-uhukhh..." Najan geus tatu kawilang parna, katembong kiRundayan masih bausaha hudang bari nutupan dada nu tutung ngabentuk dua dampal leungeun anu meber!
"Haha! Coba lamun tiatadi Andika serah bongkokan, moal meureun ngalaman tatu sarupa kitu! Haha!" Kadenge aki Kasam nyarita bari jeung ngajega. Najan kitu, katingali manehnanana oge renghap ranjug. Bari ngarasa sakujur dadana ngageter nu kacida hebatna.
"Uhuk-uhuk! Eu... euweuh diditu... anak murid eyang Bundarwastu, jejerih kupati! Lamun rek binasa? Pek-teh teuing! Tapi.. uhukh-uhukh! Ulah ngimpi kaula serah bongkokan!"
"Haha! Can waktuna Andika binasa, Rundayan. Andika kudu dijagragjeun heula pikeun narima hukuman ti jero padepokan..."
"Hukuman? Uhuk-uhukh...! Hukuman naon? Uhuk-uhuk... kaula teu rumasa ngalakukeun dosa naon-naon. Mustahil kaula ngabinasakeun guru katut adi sapaguron kula sorangan. Uhuh! Uhuk! Lebah dieu... lebah dieu kaula aya numitnah..."
"Haha! Nya engke bae nyaritana hareupeun pangadilan padepokan. Ayeunamah wayahna, sagala elmu silat Andika ku kaula seja dimusnahkeun. Ngajaga supaya Andika teu kabur deui. Haha!"
"Leuwih hade... Uhuk-uhuk! Binasakeun kaula..."
"Hahah! Hiaahh..."
Aki Kasam ukur seuri ngagakgak, sedeng awakna geus ngajoerelat kanu keur tapak deku renghap ranjug.
"Hiukk, kolebat wuss..."
Ebreh ramo-ramo aki Kasam anu geus Ramakah semu ruhay, geus ngolebat rek ngancurkeun urat penting nu aya lebah embun-embunan kiRundayan numasih dina kaayaan tapak deku.
Ngan bae, samemeh maksud aki Kasam laksana, ngadadak hiji jirim ngolebat megat jajalaneunana.
"Wuss...! Bumm...!!"
"Euaaahhh...!!!"
Aki Kasam ngoceak, disusul kuawakna anu mental deui katukang nepikeun kawelasan depa jauhna.
"Gebut! Jungkel... jumplik. Bru!
Aki Kasam terus nambru bari onghek-onghekan ngutahkeun getih lalambaran.
Sedeng jirim jalma anu megatanana tembong ngajanteng bari kadua sukuna mebes nepikeun ka numuncangan.
Breh! Ku aki Dira jeung Ratnainten katut siBopeng kaciri. Handapeun iuh-iuhna tatangkalan, jirim jalma nu mapakan aki Kasamteh ditaregos kalawan aneh. Pangna aneh, sabab taregosnateh dijieun dina buukna anu panjang semu gimbal.
Dibeulitkeun nepi ka buni, nu katenjo ukur borelakna heherang panon ka tojo caangna berang.
"Kurang ajar! Saha sia, heuh?!"
"Saha kaula dina waktu ayeuna Andika duaan teu perlu nyaho. Ngan lamun, Andika embung sanasib jeung batur Andika gera tinggalkeun ieu patempatan..."
Ceuk siTaregos bari nunjuk ka aki Kasam nu masih onghek-onghejan. Katembong sapasang
sukuna anu mebes dihanjatkeun, sedeng panona gular-giler kapalebah cahaya panon poe, anu norobos ngaliwatan kandelna dangdaunan. Dirina bangun inggis kakeunaan ku cahaya panon poe...
#Hanca
#Dongsun_manggiok

#Dongsun
#Banjir_Getih_DiSangga_Buana
#ka_9.
Ceuk siTaregos bari nunjuk ka aki Kasam nu masih onghek-onghekan. Katembong sapasang sukuna anu mebes dihanjatkeun, sedeng panona gular-giler kapalebah cahaya panon poe, anu norobos ngaliwatan kandelna dangdaunan. Dirina bangun inggis kakeunaan ku cahaya panon poe, nu sumeleket mangrupa garis-garis cahaya.
"Kurang ajar, siah! Memangna saha sia kumawani, ngatur-ngatur ka kaula. Yeaah...!!"
Aki Dira tibatan nurut, malah ngamuk, ningan sajorelat awakna langsung luncat sarta nyaho-nyaho leungeuna anu Ruhay geus nyantong sababaraha senti tina  beungeut sitaregos.
"Hh!"
Sitaregos ukur ngabab, bari ngareundeukeun badana kahareup, laju nyeundak dada lawan ku tak-takna, buk!
"Uaduh..." dayagdag, geplak!"
Basa awakna ngadayagdag, disusul tepus ku tepakan leungeun siTaregos nepak dadana. Eta jurus disebut Nepak Cai Jero Tahang. Salah sahiji jurus ulin Banyu, ciptaan langsung eyang Bundarwastu.
Kontan bae awak aki Dira nepi ka ngajol jauh katukang, tuluy jungkel jumpalik aseupan sarta patumpang tindih jeung aki Kasam anu geus payah.
"Leuwih hade, Andika duaan mulang ka pajaratan. Laksanakeun, tugas Andika duaan masing iatna..."
Aki Dira teu nyarita deui. Sanajan bieu hasil dijeblag, tapi dirina teu ngalaman tatu meueus-meueus acan. Ku kituna manehna sadar, upama eta jalma rudin nu buukna gimbal teu beda tiinjukteh geus ngahampura manehna.
Atuh sanggeus ngahudangkeun aki Kasam tuluy bae indit ninggalkeun eta patempatan.
Hatena bener-bener panasaran tur kaget, kajalma jabrig bieu nu beungeutna teu jelas dihalangan buuk nu ditaregoskeun.
Ngan bae jauh jeroeun hatena ngarasa keder ku kahebatanana, sabab kusakali muka jurus dirina langsung rubuh! Nu sok padahal apanan dirina katut dulurnateh, mangrupa jago kelas hiji mangsa harita. Anu sok sanajan geus teu ulubiung deui didunya walungan talaga, tapi apanan ari ngasakeun jeung neuleuman elmu Pancatunggalmah teu nepikeun ka eureun, malah terus-terusan dilatih nepikeun ka ngaronjat anjog katingkat 8. Anu mana 2 tingkat deui, bakal cunduk ka tingkat whiguna. Mangrupakeun tingkat puncak kakuatan manusa.
Sanggeus rada jauh, reug aki Dira ngeureunkeun lengkahna. Tuluy nyisi ka sisi jalan, ngadon ngareureuhkeun kacape.
"Aka katingalina tatu aka cukup beurat?"
"Be.. bener adi, kaula teu nyana.. bakal aya serangan ngadadak hareupeun kula. Saha sabenerna jelema ta.. taditeh?" Aki Kasam nembalan bari muringis nahan kanyeri.
"Nyeta aka kaula ge teu apal! Ngan lamun nilik kana sora jeung dedegananamah can kolot-kolot teuing, masih beunang ka itung ngora keneh..."
"Geus 25 taun urang cicing diPajaratan Kuno, sasat ngasingkeun diri bari ningkatkeun elmu. Tapi teu nyana diluar beuki loba jago sakti nu masih ngarora..."
"Leres aka. Bieu wae, ukur sageprakan kaula langsung rubuh. Sigana jalma tadi geus nincak katahapan Whiguna, malah boa prahasta (mahluk satengah siluman). Coba Andika ulah loba cacarita heula, tatu di jero aka urang ubaran..."
"Hmm..."
Aki kasam diuk sila, nonggongan aki Dira. Sabalaikna aki Dira nyanghareup, malah tuluy ngerahkeun hawa murnina kana dua urat nu aya dina walikat kenca-katuhueun aki Kasam.
Sanggeus ambeukan aki Kasam taratur jeung tanagana pulih, duanana terus dariuk pikeun ngabadamikeun lengkah saterusna.
"Mun geus kieu rek kumaha, aka?"
"Teuing, kaula oge bingung..."
"Lamun nilik kana kaayaananamah, tetela siRundayanteh teu rumasaeun mergasa kang Bundarwastu..."
"Hhh! Bener adi kacirinamah lain siRundayan palakuna. Hmm.."
"Terus saha atuh?"
"Nya ieu nu kudu ditalungtikteh. Ayeunamah kieu bae, tujuan urang robah. Anu tadina tujuqn urang rek nyangkalak siRundayan, ayeunamah urang nqlungtik saha sabenerna nu geus mergasa kangBundarwastu katut muridna kiGagu..."
"Hmm... lebah dieu kaula satuju. Ayeunamah hayu, urang kebatkeun bae muru kapuncak gunung..."
"Hmm..."
Duanana tuluy carengkat, malah saterusna ting gandeang muru puncak gunung, anu moal lila deui oge tangtu tereh tepi.*
Urang caturkeun deui jalma anu keur diupatna.
Pikeun sakedapan, dedegan jalma anu jabrig tur ditaregos make buukteh masih nonggongan kiRundayan.
Ratnainten jeung siBopeng sorangan, nu masih nyumput tukangeun batu ngarasa kaget kudatangna eta jalma. Sabab gerakanana meh teu kanyahoan tur teu katuturkeun mata maranehna. Samalah basa nyaksian cara eta jalma ngarubuhkeun Dua Kuncen tiPakuburan cukup unik.
Duanana beuki ngaharenen, sadar kana kamampuan eta jalma anu boa geus nepi ka tahapan Whiguna.
Ngan sanggeus kaayaan rada lila katembong siJabrigteh malikeun awakna ka kiRundayan. Sorot matana ngagebur hurung, neuteup seukeut ka kiRundayan nu kontan ngeureuceum kasima ku pangabaran siJabrig gimbal.
"Uhukh-uhukh! Ki.. kisilah, ha.. hatur nuhun..."
Ceuk kiRundayan haroshos, perbawa tatuna anu memang teu enteng-enteng.
"Aka..." SiGimbal kadenge ngagerendeng, satengah nu dibaheum dina tikorona. Ebreh sorot panona nu tadi semu hurung ngandung amarahteh robah sapisan jadi linduk iuh. Malah kabireungeuh, dina sela-sela juru panona aya nu tinggarendang katojo ku caangna beurang.
"Sa.. saha bae anjeun, ayana. Kaula.. uhuk-uhuk... ngahaturkeun, nu..nuhun..."
Kadenge kiRundayan cumarita deui, bari jeung sakali ieumah ngajurungkunung nangtung.
"Tatu Andika cukup berat, leuwih hade pulihkeun heula kakuatan Andikka kucara metakeun elmu Harewos Tongo Dijero Liang..."
"Ge.. gening, salira uninga kana pepernian padepokan? Eu.. eu.. saha salira nu saestuna?"
Ceuk kiRundayan semu kaget, sedeng panona malik neuteup ka siJabrig nu buni ku buuk anu semu ditaregoskeun.
"Dina waktuna Andika bakal apal saha diri kaula. Nu pentingvayeunamah, sok gera petakeun heula eta elmu sangkanbAndika tereh pulih..."
"Eu... mangga, sun..." Ahirna kiRundayan teu jadi nangtung, tuluy diuk nurut ka siJabrig.
Saeunggeus kiRundayan katembong rada seger meueusan pok kadenge siJabrig nyarita.
"Tah ayeunamah pertanyaan anu rek ku kaula ditanyakeun ka anjeun..."
"Per.. perkara naon?" Ceuk kiRundayan bari jeung cengkat.
"Naha Andika bener teu rumasa ngalakukeun dosa, sakumaha anu dituduhkeun kubatur?"
"Per.. perkara naon?"
"Naha bener Andika teu rumasa ngalakukeun dosa, sakumaha anu dituduhkeun kubatur?"
"Hmm..." raray kiRundayan anu geus sepa alatan tatu, kiwari beuki sepa. Ngan bae panona beuki seukeut neuteup siJabrig bangun pinuh ku silidik. "Sabenerna.. uhukh.. ieu.. ieu urusan jero padepokan. Jalma luar teu.. menang nyaho, sumawona milu campur!"
#Hanca
#Dongsun_manggiok.

#Dongsun
#Banjir_Getih_DiSangga_Buana
#ka_10.

Urang lajeng mitra...
"Hmm..." raray kiRundayan anu geus sepa alatan tatu, kiwari beuki sepa. Ngan bae panona beuki seukeut neuteup siJabrig bangun pinuh ku silidik. "Sabenerna.. uhukh.. ieu.. ieu urusan jero padepokan. Jalma luar teu.. menang nyaho, sumawona milu campur!"
"Kaula ngahargaan sikep Andika! Tapi naha diri kaula teu cukup ngadarajat nganyahokeun kana kajujuran anjeun? Anu jelas-jelas geus hampir kacerek musuh?"
"Hm.. uhukh-uhuk! Sikep jeung caritaan Andika ngingetkeun diri kaula ka dulur kaula. Uhukh! Uhukh..."
"Na memangna kumaha kitu?"
"Persis Andika pinter nyedekeun jalma nepi ka teu walakaya..." Bubuleud panon siTaregos tembong semu ngageter, gambaran batina anu katurih. Sedeng tieta, kadenge kiRundayan cumarita deui. "Nya heug atuh, upama kahayang andika kitumah. Ku kaula bakal dijawab..."
"Gera pok omongkeun..."
"Hm, terus terang bae.. diri kaula aya nu mitenah. Saeutik ge kaula teu rumasa ngalakukeun hal anu sakitu biadabna..."
"Jadi bener, Andika teu rumasa?"
"Kaula teu rumasa!"
"Hm, hade! Dina denget ayeuna kaula percaya kaanjeun. Tapi awas, isuk jaganing geto upama kabusukan Andika kabuka, mangka tunggu akibatna..."
"Kaula siap rek dikukumaha bae oge. Tapi saha atuh Andikateh?"
"Dina waktuna, ku kaula baris dibejaan. Nujelas, dina waktu ayeuna kaula aya dipihak anjeun..."
"Oh, upama kitu nu.. nuhun..."
"Hm, hiji deui pangwadi tikaula..."
"Perkawis naon?"
"Dina waktuna pangistrenan tatuwa anyar dipuncak Gunung Sangga Buana, kaula miharep Andika bisa milu nyakseni. Sabab lamun taya hahalang, nyaharita sagala-galana baris kabuka..."
"Oh, eu... Sumangga, sun..."
"Tah ayeunamah, kaula pamit..."
"Unjuk sumangga, hatur nuhun..."
"Hm..."
Deui-deui aya nu aneh, mangsa eta jalma ngaleos manehna sasalingkeran handapeun iuh-iuh tatangkalan, nyingkahan sumorotna cahya panon poe anu ting samburat dina sela-sela dangdaunan. kiRundayan beuki hemeng, ku peta polah eta jalma. Nepikeun ka lesna teu katingali, kiRundayan masih ngajanteng.. malah kadenge manehna gegerendengan sorangan.
"Bener-bener manusa aneh! Tapi nyasaha atuh manehnateh? Nepi ka apal kana sagala-galana. Apal ka kiDira jeung kiKasam. Malah kana elmu Harewos Tongo Jero Liang oge apaleun. Samalah tadi manehna metakeun elmu Panca Tunggal Inti Banyu sagala. Hhh! Aing bener-bener panasaran. Hade, pangwadi manehna ku aing rek digugu. Aing rek milu nyakseni, kana pangistrenana siMegantara anu diangkat jadi tatuwa padepokan..."
Kitu ceuk gegerendenganana kiRundayan, bari ngalengkahkeun sukuna ninggalkeun eta patempatan.
Kocap Ratnainten jeung siBopeng, sanggeus kaayaan bener-bener sepi katembong duanana carengkat tuluy kaluar dina panyumputanana. Malah terus ting koloyong kasisieun walungan sarta gukgek dariuk luhureun batu. Malah kadenge Ratnainten cumarita.
"Tetela kang, geningan seueur pisan jago-jago di dunya pasilatanteh..."
"Kantenan nyimas, sok komo kapanan hampir saentero jagad pasilatan seja ngumpul dipuncak gunung bade nyakseni diwhisudana kiMegantara janten Tatuwa padepokan pancaruntah. Kalebet siamang giok tadi, eh siAmang jabrig tadi. Tetela elmuna sakitu hebatna..."
"Anu matak hemeng manehna siga nu sieun  ku cahya panon poe, kang. Moalmah manehna ngulik elmu sabangsa Kalamercu jeung sajabana?"
"Mm.. bisa enya bisa henteu,  nyimas. Mung bae sagalana tiasa kajantenan..."
"Ayeunamah mending ngeureuyeuh deui yu, kang..."
"Nya hayu nyimas, sanajan aya waktos 3 poe deui ge. Tapi taya lepatna urang cunduk leuwih awal. Supaya diditu urang tiasa amengan sareng ningalan padepokan anu sakitu badagna..."
"Enya mangga, kang..."
Ahirna, bral.. duanana laleumpang neruskeun deui lalampahanana muru kapadepokan Pancaruntah, nu aya dipuncak gunung Sanggabuana. Jalan nu disorang mimiti laleuning, pikeun ngahindarkeun diri jeung rombongan padepokan-padepokan liana kalan-kalan duanana sok kukurusukan motong jalan.
Jauh hanreu burung cunduk, anggang hamo burung datang. Ahirna Ratnainten jeung siBopeng, anjog ka padepokan Pancaruntah, tetela didinya geus rame. Sabab katembong para jago ti rupa-rupa golongan, geus ngatri pikeun asup kajero padepokan ngaliwatan eta kaca-kaca.
Sanggeus nembongkeun kartu ondangan, ahirna Ratnainyen jeung siBopeng marenang asup malah katembong aya hiji kolot langsung nyampeurkeun maranehna.
Catrik: “Eu.. pangapunten ujang, nyai.. hidepteh utusan timanten sun?"
"Abdi ti gunung Arghabinta, mamang..."
"Oh, mangga atuh ujang jeung nyai tuturkeun mamang..."
Ratnainten: “Hatur nuhun, mamang...”
Ratnainten jeung siBopeng ukur unggeuk, terus nuturkeun eta kolot mapay-mapay jalan anu ngabalay. Katembong sababaraha wangunan ngabaris rapih, handapeun iuhna tatangkalan anu nguyupu. Didinya katembong, sababaraha jago geus ngariung, ngadon nyicingan imah anu menang ngahaja disiapkeun bari nungguan acara dimimitian.
Catrik: “Nden, Aden... mangga hidep duaanmah didieu bae...” ceuk eta Catrik bari ngarandeg hareupeun hiji imah leutik wangun tanggog anjing.
Ratnainten: “Hatur nuhun, paman...”
Catrik: “Dilebet tos sayogi sagala rupa kabutuhan, kanggo salira duaan. Timimiti angean tug dugi kacai sareng katuangan. Upami salira aya kaperyogian, tiasa nyarios kacatrik anu sapanyepahan sakali bakal sumping kadieu...”
Ratnainten: “Teu kedah ngarerepot, paman. Sakieu oge tos cekap. Nanging.. iraha upacara pangistrenan tutuwa anyar dikawitan?”
Catrik: “Mmm.. upami teu aya halangan-harunganmah tilu dintenan deui, nden. Sambil ngantosan sababaraha murid padepokan anu can mulih ti panyabaan...” Ratnainten jeung siBopeng katembong unggut-unggutan, sedeng ti eta kadenge Catrik cumarita deui. “Oh enya, nden. Kumargi paman seueur keneh padamelan dikantun heula atuh...”
Ratnainten: “Oh.. mangga, paman. Sareng hatur nuhun...”
siCatrik ukur sungkem beri ngarengkuhkeun badana. Geus kitu terus ngaleos ninggalkeun siBopeng jeung Ratnaiten, nu terus arasup kajero imah. Nyaan bae, dijero geus ngagelar rupa-rupa kadaharan luhureun meja leutik.. kaasup cai dina poci lengkep jeung batokna.
Gek, siBopeng diuk dina babalean. Sabalikna Ratnainten, diuk dina korsi hareupeun meja leutik tea. Curr... nyicikeun cai kana batok. Sedeng teu lila kadenge manehna cumarita.
Ratnainten: “Ngaleueut heula kang Bopeng, supados seger...”
siBopeng: “EnyaNuhun nyimas, ke.. sakedap deui. Akang hoyong nuhurkeun heula kesang...”
Ceuk siBopeng bari mukakeun panto jandela, sabab karasa imahteh rada bau hapeuk. Breh.. diluar katingali jalma beuki balawiri. Rupa-rupa rigig jeung pamolahna, ngan rata-rata teu lalemor teu saeutik aya numawa pakarang nu teu ilahar anu biasa sok dibarawa ku kaum jago.**
Bareng jeung reupna kaayaan diluar anu mimiti poek. Ngadadak bae kana panto aya nu ngetrokan dibarung kunu uluk salam.
Tok,tok,tok....
Catrik: “Sampura, sun...” pokna rada halon bangun anu asa-asa.
siBopeng jeung Ratnainten kontan silih reret. Malah siBopengmah langsung cengkat bari pokna.
siBoppeng: “Wios ku akang urang buka, nyimas...”
Ratnainten: “Nya mangga kang...”
“Tok,tok,tok...”
Catrik: “Sampura, sun...”
Kadenge nu uluk salamteh nyoara deui, ayeunamah kadengena rada tarik bari anger keketrok kana panto. Kolotrak, bray... panto dibuka. Ana breh, diluar geus aya nu ting jaranteng.. hiji diantrana aya Catrik, nu tadi nganter manehna ka eta imah.
Catrik: “Pangapunten ujang ngaganggu?”
siBopeng: “Ah henteu, paman. Nanging naha aya naon?” ceuk siBopeng bari rut-ret nitenan nu ting jaranteng handapeun panyaweran imah.
Catrik: “Ieu sun, aya nu hoyong tepang sareng salira jang bopeng...”
siBopeng: “Baruk...” siBopeng kerung bari nyidikeun hiji-hijina jalma anu rajeg lebah panyaweran tea, tapi kusabab kaayaan geus poek atuh luput teu sidik kana rurupaanana.
siBopeng: “Yap atuh, kadarieu juragan...” ceuk siBopeng langsung nyambat.
Hiji-hiji nu rajegteh arunggah kana golodog, malah kebat katepas terus nangtung hareupeun lawang panto. Demi ningali kitu, lain deui siBopeng hookeun basa kakarek sidik saha nu daratang.
Ratnainten: “Saha kang bopeng?”
Ratnaiten tumanya dijero, manehna heran sabab ningali sikep siBopeng bangun anu hareugeueun. Basa Ratnainten ngojengkang milu nyampeurkeun, teu wudu manehna oge ngajenghok pacampur jeung heran, sabab tetela anu narangtung hareupeun lawang pantoteh bah Jamuju saparakanca.. kaasup Nilamsari anu sempet ditulungan ku siBopeng tea. Tapi....
Eeu... waktosna kabujeng seep, cag mitra urang tunda heuka, sanes waktos dilajengkeun deui. Cag!

#Hanca
#Dongsun_manggiok.

#Dongsun
#Banjir_Getih_DiSangga_Buana
#ka_11

Urang lajeng mitra..
Ratnainten: “Saha kang bopeng?”
Ratnaiten tumanya dijero, manehna heran sabab ningali sikep siBopeng bangun anu hareugeueun. Basa Ratnainten ngojengkang milu nyampeurkeun, teu wudu manehna oge ngajenghok pacampur jeung heran, sabab tetela anu narangtung hareupeun lawang pantoteh bah Jamuju saparakanca.. kaasup Nilamsari anu sempet ditulungan ku siBopeng tea.
Tapi kusabab memang manehna tacan kungsi adu hareupan sacara langsung jeung bah Jamuju, atuh pok bae manehna tumanya ka catrik api-api teu nyaho.
"Paman ieu teh saha?”
Catrik: “Eu...  ieutah wastana bah Jamuju, nyimas. Tutuwa Padepokan Linggar Dahana. Saurna ngahaja dungkap kadieu, hoyong tepang sareng jang bopeng...”
Ratnainten: “Oh...bade ka kang Bopeng...?” ceuk Ratnainten bari ngadilak ka siBopeng.
Catrik: “Leres nyimas...”
"Naha rek naraonnya?"
Memeh catrik nyarita deui, ngadadak hiji kolot nu umurna kira 50 taunan maju. Manehna taya lian ti Bah Jamuju, pimpinan eta rombongan.
Bah jamuju: “Haturan nyimas, nepangkeun abah pun Jamuju...” pokna bari sungkem.
Ratnainten: “Haturan juragan, Abdi Ratnainten...”
Bah Jamuju: “Ih, ulah nyebut juragan.. sebut bae abah.”
Ratnainten: “Oh.. mangga, abah...”
Bah jamuju: “Tah, ieu bojo abah sebut bae Ambu Jamuju..."
"Haturan ambu..."
"Wilujeng, nyimas.. "
"Terus ieu yeuh nu duaan, murid abah katelahna Wirya jeung Kanta. Sarta ieu nu awewe saperti nu geus ku hidep duaan dipikawanoh, nyatana siNilamsari anak abah...”
Ratnainten: “Haturan akang sareng aceuk, nuhun parantos ditepangkeun..." Ceuk Ratnainten ditungtungan ku sumkem ka Wirya jeung kanta katut Nilamsari.
Tungtungna hiji-hiji salarea silih wanohkeun bari teu elat disilih bales sungkem. Sanggeus silih wanohkeun diri, ahirma Ratnainten ngajakan kajero.
Ratnainten: “Yap, atuh abah kalalebet. Teu sae ngobrolna didieu...”
Bah jamuju: “Mh, hatur nuhun, nyimas. Hatur nuhun...”
Walon Bah Jamuju bari sakali ieumah ngaleret ka Catrik, malah kadenge cumarita.
Bah jamuju: “ki Catrik, nuhun andika geus daek nuduhkeun malah nganterkeun kaula saparakanca sagala rupa...”
Catrik: “Sami-sami juragan, bingah parantos tiasa ngabantos salira...”
Bah jamuju: “Hmm...”
siCantrik sungkem kanu araya didinya, geus kitu ngaleos ninggalkeun bah Jamuju saparaknca. Saditinggalkeunana ku kiCatrik, bah Jamuju katut nu sejena arasup.. malah terus guk-gek dariuk dipatengahan dina palupuh anu geus leucir.
"Pangapunten atuh, abah. Abditeh bade langsung bae. Naha aya pikersaeun naon pangna salira abah sakulawargi dungkap kadieu?” kadenge Ratnainten langsung tumanya ditujukeun ka bah Jamuju langsubg, ari siBopeng teu loba pamolah kitu bae angur ngeluk siga anu kararagok.
Bah jamuju: “Kieu nyimas, nu utaminamah abah sapadepokanteh seja nganuhun-keun ka hideup duaan, utamanamah ka jang bopeng.. nu mana parantos nulungan siNyai dina karerepet sababaraha dinten anu kalangkung...” Ratnaiten unggeuk bari ngaleret ka siBopeng bangun nu mere kasempetan.
siBopeng: “Abah, eu.. perkawis etamah teu kedah janten emutan, sagalana parantos kalangkung...”
Bah jamuju: “Lain kitu jang Bopeng, abahteh ngadenge beja..  yen sikep sinyai kurang hade. Sasat nu asih dipulang sengit...”
siBopeng: “Saur abdi oge, teu kedah janten emutan abah. Kanggo abdimah eta tos biasa...”
Bah jamuju: “Hmm.. hidep memang mibanda hate anu jembar, jang bopeng. Tapi abah tacan ngarasa sugema mun seg sinyai tacan menta dihampura langsung. Nilam, sok kinyah.. gera buktikeun kaabah, yen hidep ngarumasakeun salah ku tindakan hidep sababaraha poe anu kaliwat...”
Nilamsari: “Ma... mangga abah...” Ceuk Nilamsari bangun asa-asa, “Yayi Ratna sareng eu.. ayi Bopeng, hapunten aceuk, rumaos kirang tata-kirang titi, kirang duduga sareng prayoga...”
siBoppeng: Aceuk, mugya ulah janten emutan. Mu... mungguh ti kamari oge, abdimah tos teu geuneuk teu maleukmeuk, balungbang timur jalan gede sasapuan...” siBopeng miheulaan samemeh Ratnainten cumarita.
Nilamsari: “Hatur nuhun atuh, ayi Bopeng...” ceuk Nilamsari anu nga ayikeun, sabab sadar yen umurna aya disaluhureun siBooeng katut Ratnainten.
Bah jamuju: “Tah.. mun geus kieumah, ka abahna oge reugreug turta bungah. Sabab lamun dina bisul teamah mani asa geus bucat...” ceuk bah Jamuju, katembong rarayna marahmay.
Ratnainten: “Teras perkara anu kadua perkawis naon, abah?” Ratnainten tuluy nalengteng.
Bah jamuju: “Saperti nu geus ku hidep kasaksian, yen kiwari hubungan padepokan abah jeung padepokan Ragawesiteh jadi kurang hade. Ari nu jadi margalantaranamah nya euweuh deui, akibat riributan kamari tea..."
"Teras kumaha abah?"
"Satadina.. ieu pasualanteh rek direngsekeun di dieu bae. Abah rek papaitan jeung jeung pihakna Ragawesi, siNyai jeung den Sapta rek diriungkeun sangkan maranehna silih lubarkeun permasalahan. Tapi hanjakal.. sanggeus di teang tur ditatanyakeun, den Sapta saparakancateh bet suwung euweuh datang ka ieu padepokan...”
Ratnainten: “Siganamah langsung malulih, abah?”
Bah jamuju: “Tah, nya ieu pisan nu jadi kahariwang abah teh, nyimas. Abah inggis den Sapta mulang bari ngadu nu teu pararuguh, ma’lum cenah ceuk sinyai oge den Saptateh loba ponakawana nu  resep leletak tur lalamot...”
Ratnainten jeung siBopeng katembong arunggut-unggutan, dajeung enyana kumaranehna oge kasaksi.. balad-baladna den Saptateh raresep nanggeuy jeung nyombo, dapon den Sapta aya dina kasenangan jeung kabungahan.
siBopeng: “Teras maksad abah nusaleresna, kumaha?”
Bah jamuju: “Kieu jang bopeng, sanggeus dipikir dibulak-balik tur dibadamikeun kalayan wijaksana. Abah teh boga maksud rek ngadatangan pihak Ragawesi nu aya dipuncak gunung Bongkok. Ngan bae abahteh butuh saksi pikeun ngalelempeng ieu perkara, sedeng saksi nu dibutuhkeunteh nya hidep duaan...”
siBopeng: “Oh.. janten abdi duaanteh bade diajakan kagunung Bongkok, abah?”
Bah jamuju: “Leres jang Bopeng, nanging eta oge upami salira duaan kersa. Da ari teu kersamah teu sawios, mung bae iyeumah satadina mamanawian..."
siBopeng unggut-unggutan bari terus ngaleret ka Ratnainten bangun anu ngumahaan. Demi anu dileretna surti, malah teu lila pok nembalan.
Ratnainten: “Saleresna kanggo abdi duaan teu jadi masalah, abah. Mung...”
Bah jamuju: “Mung kumaha, nyimas?”
Ratnainten: “Mung bae, sateuacan abdi duaan lunta, abdi duaanteh tos diwawadianan sangkan ulah kamamana sarengsena nyakseni pangistrenan diSanggabuana..."
"Janten jelasna kumaha, nyimas?"
"Rupina abdi moal tiasasa ngiring, abah..." Ceuk Ratnainten pondok nyogok.
Raray bah Jamuju kontan aleum, pon kitu deui Ambu Jamuju katut nu sejena. Geus puguheun raray Nilamsari kuat ka sepa.
Ningali kaayaan sarupa kitu, siBopeng teu tegaeun. Atuh pok, manehnya nyarita.
"Abah sanajan kumaha, konflik antara Ragawesi sareng Linggar Dahana, sakedik ageungna aya patula-patalina sareng diri abdi. Janten.. ayeuna mah kieu bae, sabada rengse didieu abdi duaan bade nyungkeun widi ka Ramaguru..."
"Tah,tah,tah... duh, nuhun atuh jang Bopeng sateuacana oge..."
"Muhun jang Bopeng, panginten janten ngarerepot..."
"Teu sawios Abah, ambu.. teu kedah janten emutan! Dungakeun bae, mugya Rama guru masihan paidina..."
"Duh, tangtos pisan atuh jang Bopeng, ku Abah didungakeun..."
"Nyimas, kumaha kinten-kintena?" Ceuk  siBopeng bari ngaleret ka Ratnainten, anu bangunateh teu pati puruneun.
"Nya abdimah kumaha kang Bopeng bae, saur tadi ge asal teu kaluar tina adab-adab kamanusaan tangtos ku abdi dituturkeun..."
"Duh, nuhun atuh nyimas..."
Ratnainten ukur imut, najan kitu jauh jeroeun hatenamah aya rasa anu kurang srek kana batina.
"Upami teu matak janten kaabotan, saha atuh nu janten guru hidep duaanteh? Sareng ti mana nya asal?"
"Upami dipercantenmah, abdi duaanteh ti Gunung Arghabinta, abah..."
"Baruk! Teras gaduh hubungan naon salira sareng eyang resi Jalaujung?"
"Abdi muridna, malih upami salira percanten ieu rayi Ratnaintenteh putri pituin anjeuna..."
Bah jamuju: “Euleuhh... atuh nya pantes, masih sakieu anomna hidep duaan tos harebatna..."
Sikep bah Jamuju beuki ajrih, pon kitu deui nu jadi bojona. Sabab duanana oge geus pada-pada apal, saha ari sang Resi Jalaujung nu sabenerna? Sasat pinisepuh dunya pasilatan, nu dikolotkeun ku sakumna jago-jago padepokan nu aya diwewengkon bumi kuwlon.
Saterusna salarea jadi ngobrol ngaler ngidul, parat nepi ka wanci saleureuh kolot kakara bah Jamuju pamitan, ngan samemeh mulang manehna ngeceskeun, yen panglerebanana teu jauh dieta patempatan.. jadi cenah, upama aya nanaon siBopeng atawa Ratnainten bisa nepungan manehna di tempat pangleureuhana.
Kusabab kaayaan geus peuting, jeung kacirina Ratnainten geus tunduheun, duanana langsung  ting goledag ditempatna sewang-sewangan. Mun Ratnaintenmah ngagoler dipangkeng, sabalikna siBopeng ngagoler dina bale awi nu aya di juru rohangan tea.
Jep.. kaayaan ngadadak simpe, teu kadenge sada nu cacarita.
SiBopeng katembong tibra, sabalikna Ratnainten bet jadi guling gasahan.
Teuing ku naon, hatena bet nyolok bae ka Nilamsari awewe nu geus ngajadikeun Angkawijaya teuweleh samar polah mun adu hareupan jeung eta cawene.
__'mh, palangsiang kang Angkawijayateh bogoheun ka manehna? Beu! Aing yakin, mun aceuk Nilam apal kana rurupaan kang bopeng nu sajatina dijamin manehna oge aya bahan bogoheun...'__ Ratnainten jadi gegerendengan sorangan, hatena bener-bener rungsing hiji parasaan anu samemehna can kungsi kaalaman kumanehna.
Diluar jangkrik ngikrik, patembalan jeung sora gaang dialokan ku sora londok. Sakapeung-kapeungeun kadenge sada jalma anu ngabarakatak siganamah bari nagrinum tuak jeung sajabana.
Kulantaran, Ratnainten teu daek sare. Ahirna manehna ngadaweung ditepas imah. Bari nyerangkeun saban wawangunan nu arancal-ancalan. Tetela sanajan basajan, tapi wareweg jeung kaciri anyar ngawangun tembong tina bahana anu alanyar keneh.
Keur jongjon ngadaweung kitu, ngadadak bae dilebah tangkal rambutan aya nu ting jorelat. Muru hiji imah anu aya handapeunana, ting juringkang dua dedegan jalma nu pangawakanana cukup baradag.
Ratnainten ngagebeg, sabab imah nu aya handapeun tangkal rambutanteh nyatana pangleureuha bah Jamuju saparakanca.
Ingeut kadinya Ratnainten jadi ngagebeg, rurusuhan Ratnainten asup deui kajero maksudna rek ngahudangkeun siBopeng. Tapi ningali anu tibra, manehna bet jadi teu tega.
Tungtungna Ratnainten ngaleos deui, malah langsung ngajorelat muru panglerebana bah Jamuju.
Sanggeus aya luhureun hateup, Ratnainten ngadon noong kahandap nu matak kaget bah Jamuju saparakanca keur nyanghareupan dua urang Jalma nu ditararegos hideung. Malah kadenge anu matana moncorong lir mata meong cunarita.
"Kumaha naha manehna geus daekeun?"
"Katinggalnamah tos kersaeun, mung bae aya sakedik hanghalang..."

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_12

Urang uihan deui sakedik mitra! Kamariteh nyarioskeun Ratnainten anu mendakan dua jalmi nu ditararegos, ngadatangan panglerebana bah Jamuju saparakanca. Nu diluar dugaan gening, bah Jamuju katut bojona jeung sababaraha urang muri kapercayaanana malah nyambut dirohangan anu husus.
Supados teu nyangkolong kana quota, hehe. Sumangga urang lajengkeun.
Kadenge haritateh, siTaregos aya nu cumarita.
"Kumaha naha manehna geus daekeun?"
"Katinggalnamah tos kersaeun, mung bae aya sakedik hanghalang..."
"Hahalang?"
"Leres..."
"Hm, hahalang naon?"
"NyiRnainten..."
"NyiRatnainten..?"
"Leres, manehna bangun anu tos curigaeun kana maksud urang..."
"Hmm..." Sitaregos anu matana moncorong teu beda timata meongteh unggut-unggutan, samemeh nyarita deui manehna ngabagikeun heula paneuteupna kanu ngarariung.
Ambu jamuju, katut tilu murid kapercayaana jarempe. Saregep ngabandungan omongan siTaregos.
"Dengekeun! Najan masih ololeho! Eta parawan jekekanteh lain awewe sabrongbrong
Ceuk beja nu bisa dipercaya, manehnateh hasil perkawinan ghoib antara kiJalaujung jeung nu ngageugeuh Dasar leuwi nalika keur tapa tirakat. Numatak Andika masing waspada, upama adu hareupan jeung manehna. Sabab ceuk telik sandi urang manehna geus mampuh ngadalikeun cai jadi pakarang nu kacida ampuhna..."
"Dina umur sakitu ngorana, naha yakin manehna geus bisa ngawasa kana istimewanana?"  Ceuk bah Jamuju bangun anu teu percaya.
"Najan can saratus persen, tapi ceuk mata-mata urang. Manehna geus hasil mere perlawanan hebat ka bangsa kalananta anu harita keur ngagalaksak sababaraha taun katukang nalika umurna 10 taunan..."
"Terus kudu kumaha alusna?"
"Hmm..."  katembong siTaregos anu matana moncorongteh ngahuleng, tuluy ngaleret kabaturna nu saurang deui sarta pokna.
"Raden, naha gaduh rencana? Kaula percaya, ka salira raden..."
SiTaregos anu disebut Raden, unggut-unggutan sababaraha kali bubuled panona muter nandakeun manehna keur mikir kalawan asak.
Sanggeus rada lila ngahuleng, kadenge manehna cumarita.
"Kadieu bah, sing deukeut kula boga Rancana..."
Bah Jamuju unggeuk, terus nyangigirkeun beungeut ngadon ngasongkeun ceuli ka sitategos.
Saterusna katembong sitaregosteh haharewosan kabah Jamuju. Ratnaienten kerung, sababaraha kali ningkatkeun elmu pangrunguna.. tapi keukeuh teu kadenge. Sitaregos anu disebut raden, geus mageran sorana ku tanaga lapisan nepikeun ka jadi samodel pager ghoib.
Sanajan teu kadenge, tapi katembong bah Jamuju unggut-unggutan, malah kadenge bah Jamuju cumarita dina nada anu bangun aya dina tekenan hebat.
"Nya upama kitu caranamah nya heug bae, kaula seja ngagugu kana kahayang anjeun..."
"Sing percaya, anak andika pasti daekeun saupama apaleun raray siBopeng nu saestuna..."
"Nya ku abah urang usahakeun. Lebah dieu kaula moal bisa mamaksa ngenaan jodo, kaasup ka urang gunung Bongkok nyatana jeung den Sapta anakna ki Ciptawening..."
Ceuk bah Jamuju ditungtungan, ku ngaleret ka ambu Jamuju.
"Inget, bah.. usahakeun, samemeh mulang kapatapana.  siAngkawijaya kudu geus kacerek! Sabab kaula terus-terusan menang paneken ti juragan sepeuh..."
"Nya heug..."
"Haha..."
Saterusna eta riungan tertutupteh, ngobrol ngaler ngidul anu teu pati penting. Sanggeus obrolan teu dianggap penting, kalawan ati-ati Ratnainten turun dina hateup, terus mulang ka pamondokanana.
Kasampak siBopeng masih ngaguher, malah katembong biwirna renya-renyu bangun anu keur manggih kabungahan.
Ratnainten ngadilak semu sebel, nu kabayang tangtu siBopeng keur ngimpikeun Nilamsari.
Ngan bae, Ratnainten embung kapapanjangan, sadar kiwari nasib siBopeng atawa Angkawijaya keur aya dina kaayaan bahaya.
"Mh, tetela.  sakumaha bunina panyamaran kang Angkawijaya teu weleh kaambeueun. Boa-boa dijero patapanteh aya mata-mata. Duh, kumaha mun geus kieu? Bejaan wae kitu kang Bopeng, ngenaan kajadian tadi? Tapi mun dibejaan, naha manehna bakal percayaaeun?"
Ratnainten beuki teu genah cicing, pikiranana terus kumalayang kanu lain-lain.
Saking ku uleng-ulengna mikir, ngan reup bae manehna sare nepikeun ka isuk.**
Eta oge kahudangkeun kunu rame-rame, sedeng Angkawijaya atawa siBopeng geus euweuh teuing kamana. Ratnainten rada hariwang, sanggeus sibeungeut gagancangan kaluar rek nempo nu rame-rame tea.
Minitinamah nu kaciri ku Ratnaintenteh riungan jalma anu ngaregreg ningker hiji pakalangan. Sanggeus nyuay-nyuaykeun para murid padepokan, jeung para jago nu nga heuyah-heuyah. Ahirna Ratnainten bisa anjog ka barisan panghareupna, barang breh. Lain deui ngaranjugna, sabab kaciri siBopeng keur patutunggalan jeung Nilamsari. Teu jauh tidinya dua jajaka keur nalambru bari ting puringis, bangun anu keur nandangan kanyeri.
"Hiaaatttt!!!"
Kadenge nyiMojang ngahuit, bari euuu... Waktosna kabujeng seep, lo. Cag ah urang tunda, sanes waktos urang guar deui. Hapunten, bilih aya nu kirang sapagodos sareng mamanahan. Cag.

#Hanca
#Dongsun_manggiok.

Mitra, kumargi seueur anu nyungken, sumangga urang lajengkeun. Nanging, wios Wios nya sakedik ge nya. Hehe...
#Dongsun
#Banjir_Getih_DiSangga_Buana
#ka_13

Sanggeus nyuay-nyuaykeun para murid padepokan, jeung para jago nu nga heuyah-heuyah. Ahirna Ratnainten bisa anjog ka barisan panghareupna, barang breh. Lain deui ngaranjugna, sabab kaciri siBopeng keur patutunggalan jeung Nilamsari. Teu jauh tidinya dua jajaka keur nalambru bari ting puringis, bangun anu keur nandangan kanyeri.
"Hiaaatttt!!!"
Kadenge nyiMojang ngahuit, bari ngajorelat luncat. Pedangna nyuruwuk, rek niir tikoro.. sarta lamun nilik nyiriwikna angin anu ka tusuk ku congo pedang sakitu nyelekitna, jelas serangan nyimojang geus dibarengan ku tanaga lapisan anu kacida hebatna.
Kukituna, SiBopeng geus teu loba micen tempo.. rikat ngadengdekeun sirahna kagigir, sarta ngajorelat katukangeun nyiMojang.
Nyi mojang anu sadar lawan geus aya tukangeunana, rikat depok bari muihkeun awakna sajalan jeung gerakan siBopeng. Sedeng ti eta, pedangna geus ngeredep.. cahayana nepi mawur bari ngaluarkeus sora nu ngahiung bangbaraan.
"Siut. . gurilap, wusss..." "Plos..."
Deui-deui serangan nyiMojang ngakan angin, sabab siBopeng geus mundur, bari nangkep harigu sedeng biwirna nu kedeplik mesem matak pikageuleuheun.
"Hh! Montong loba lelewa siah, Bopeng! Hiait.."
nyiMojang ngarasa sebel, ainar pedang nu semu beureum beuki kekeredepan langsubg nyehcer, dipake ngahujanan awak siBopeng. Nepikeun ka dina hiji waktu, awak aiBopeng ngadadak ngajaul kaluhureun sirah nyiMojang. Tidinya ngadadak awakna nutug, sedeng jurus  Kunyuk Ngarawu Buah Kupa dipetakeun ku ramo-ramo leungeuna. Nu langsung nyabut kembang nu nyelap.. diantara buuk jeung ceuli nyimojang.
"Siut, kolepat. Sett!!"
"Juralit-juralit, jleg!" Sanggeus nyamber kembang, awak siBopeng langsung jujuralitan katukang.
"Kurang ajar, siah! Calutak gening anjeunteh, Bopeng!"
"Aceuk, hapunten abdi. Nanging terus terang, abdi teu hoyong diantara urang aya anu cilaka. Margi upami niat, sanes kembang anu kacandak nanging langkung tieta..."
"Hh! Sombong gening. Memangna saha nu sieun..."
"Nyimas, ceuk akang ge mamehna lain jalma bener..." Ngadadak Wirya cumarita bari jeung ngoneal hudang, malah leumpang kagigireun Nilamsari.
"Bener nyimas, mun jalma bener. Rek nanahaon  talag-tolog kaburuan imah batur..." Kanta ngahaminan bari muringis nahan kanyeri. Pigeulang leungeun kencana bukekeng bareuh, teuing dikumahakeun.
"Tos diwartoskeun, yen abdi nohonan panyaur ti abah Jamuju. Anjeun bae anu teu percaya! Malah nuding nulain-lain..."
"Kadieukeun siah eta kembang!" NyiMojang morongos.
"Hhh..." SiBopeng ngarahuh bari nyolongkrong ngasongkeun kembang. Tapi ku gerakan anu teu sisangka-sangka, ramo-ramo leungeun nyiMojang ngadadak ngolebat rek ngajabreut raray nu koromod. siBopeng anu memang teu nyana kana polah nyimojang, teu sanggup ngepeskeun samberan leungeun nyimojang, manaehna ukur mampuh ngabalieurkeun beungeut meh teu nenggel pisan.
"Siut, kolebat, bret...!" Polonyon...
Kalawan teu dihaja topeng ipis siBopeng benang kajambret ku ramo-romo leungeun nyomojang sarta ngacleng teu jauh ti Ratnainten.
Puguh bae, sakur anu nenjo hiji ge taya nu teu hookeun ningali raray siBopeng nu sajati. Ngeus puguh Nilamsari kuat ka ceuleumeut mata simeten, manehna bener-bener teu nyangka lamun lalaki bopengteh geningan bet kasep ngalempereng koneng.
Sedeng siBopeng anu can sadar, ukur seri pait hatena bener-bener kuciqa ku sikep nyimojang ka manehna. Bari ngusapan pipina nu karasa panas kadenge siBopeng cumarita.
"Hatur nuhun aceuk, ku kasaeanana. Sawios atuh upami teu kersa kaanjanganmah, ongkoh tadina ge abdimah ukur nohonan pangogan..."
Ceuk siBopeng bari nyamperkeun Ratnainten nu kalawan sakilat, mulung topeng ipis anu tadi sempet murag.
"Kang, hayu urang tinggalkeun ieu padepokan..." ceuk Ratnainten hariweswes.
"Har.. naha nyimas kapanan, acarana ge teu acan beres..."
"Ulah seueur saur kang, pokonamah hayu!"
"Tapi..."
"Kedok akang geus kabuka. Bahaya lamun jati diri engkang kanyahoan..." Ceuk Ratnainten ngaharewos, bari nungtun leungeun sibopeng. Tapi karek oge sababaraha lengjah, ngadadak bae ditepas aya nu dedeheman bari pokna.
"Hi aeh-aeh, isuk-isuk keur meujeuhna ngenah mumuluk malah riributan. Aya naon iyeuteh..?"
#Hanca
#Dongsun_manggiok.

#Dongsun
#Banjir_Getih_DiSangga_Buana
#ka_14

Urang uihan deui sakedik mitra..
Tapi karek oge sababaraha lengkah, ngadadak bae ditepas aya nu dedeheman bari pokna.
"Hi aeh-aeh, isuk-isuk keur meujeuhna ngenah mumuluk malah riributan. Aya naon iyeuteh..?"
"Abah guru, siBop... eu.. ieu jalamateh tos  cucungah kabdi..." Ceuk Nilamsari bari nyampeurkeun ka bah Jamuju.
"Cucungah? Cucungah kumaha?"
"Manehna tos kumawantun nyandak hiasan kembang dina rambut Abdi, Abah..."
"Haha!" Kadenge bah Jamuju seuri ngagakgak, bari nyamperkeun Angkawijaya.
"Nu kitunah, atuh lain cucungah, geulis. Tapi..."
"Tapi naon, abah?" Nilamsari motong, bari ngajaded.
"Dengekeun nyimas, didunya kajawaraan nyokot kembang nu nyelap dina ceuli awewe lewat hiji pertarungan, etateh sarua jeung jang Bopeng ngirimkeun panglamar sarta hidep narima. Haha!"
"Hih, nyarios naon ari abah?"
Ceuk nyiMojang, disusul kubeungeutna nu ngadadak euceuy. Najan kitu cicing-cicing maling leret, bangun anu hayang sidik kana rurupaan Angkawijaya anu memang gagah, gandang tur raspati.. bubuhan turunan pangeran karajaan Sunda. Sok sanajan kiwari geus kacap pambarontak.
"Kisilah, naha bener Andikateh siBopeng nu kungsi nulungan anak abah?"
"Le.. leres abah..."
"Hmm... gening kanyataananamah hidepteh sakieu gagahna. Saha ngaran hidep nu sabenerna, hemh?"
"Abdi... eu... Anggajaya..." Ceuk Angkawijaya rada ngarobah ngarana saeutik, sabab kaburu disigeung leungeuna ku Ratnainten sangkan ulah balaka.
"Anggajaya nya?"
"Leres..."
Bah Jamuju katembong ngahuleng bangun aya anu keur diinget-inget. Ngan bae teu lila, saterusna bah Jamuju mindahkeun paneuteupna kanu ngaregreg ngariung diburuan imahna. Malah teu lila, pok nyoara.
"Parawargi sadayana, hampura bisi abah saparakanca tos ngabiribinan wargi-wargi sadaya anu nuju raos mumuluk. Kukituna, muga bae ieu kajantenanteh, teu matak jadi renggat panggalih ka palawargi sadayana. Saterasna... sim kuring mihareup sadayana bubar, anggap bae teu aya kajadian naon-naon...."
"Huuu..."
Hadirin anu ngarasa kuciwa langsung surak, sabab tongtonan anu tadina ditaksir bakal sengit teh, bet geusan kitu bae. Tapi najan kitu, hadirin teu wani baha, tuluy bae salarea bubar ninggalkeun buruan imah bah Jamuju.
Atuh anu tinggalteh kiwari ukur Angkawijaya, Ratrnainten jeung para murid bah Jamuju kaasup Nilamsari jeung dua lanceukna nu masih ting puringis.
Sanggeus kaayaan sepi, tuluy bae bah Jamuju ngajakan siBopeng kajero.
"Jang Angga, ayeunamah hayu.. urang kelebet. Sarta hampura sakali deui kana sagala rupa tindakan sinyai jeung dua murid abah ieu..."
"Eu... teu sawios abah guru, mugya bae ieu kasalah pahaman teh ulah dugi ka kapapanjangan..."
"Hmm... abah, ngajamin moal manjang! Yu.. Ayeunamah urang dijero..."
"Mangga..."
Bari leumpang nuturkeun panderi, Ratnainten haharewosan sangkan ulah lila teuing cicing di eta patempatan.
Angkawijaya janji bakal nurut, tapi engke cenah mun geus ngobrol heula jeung Bah Jamuju, sabab ngarasa tugenah nolak kana kahadean eta kolot.
"Kahadean? Kahadean lebah mana na, hhh! Nu jelas manehna rek deleka? Akangna bae anu teu apal..." kitu ceuk Ratnainten ngageremet jeroeun hatena. Ngan bae teu loba omong, sadar loba jelema.. ongkoh ngaragangan bisi nyigeng parasaan Angkawijaya.
Ngan nu jelas, kumanehna mindeng katingali lamun Nilam-sari remen maling leret, bangun anu neundeun hate kadua leutik ka Angka-wijaya.
Aya parasaan anu marudah jeroeun dadana, aya parasaan hariwang mun ningali teuteupan eta cawene nu sakitu lelebna ka Angkawijaya.
"Mh! Naha hate aingteh jadi marojengja kieu?" Ratnainten ngangluh bari asup kajero imah.
Dijero Kanta jeung Wirya diubaran heula, kakarak sanggeusna rineh ngan pok bae bah Jamuju cacarita.
"Kieu Jang Angga, pangna abah tadi rebun-rebun keneh geus ngangkir salirateh teh terus terang rek menta tulung kahidep..."
"Nyungken tulung? Nyungken tulung kumaha abah?"
"Hhh!" Memeh nembalan, bah Jamuju rumenghap heula bangun anu senggah. Geus rada lila, pok bae eta kolot teh cumarita.
"Kieu jang bopeng, teuing aya atawa henteu hubunganana jeung ka jadian sababaraha poe kaliwat, terus terang bae.. padepokan abah ngadadak geunjleng, ku ngadadak raibna wawakil abah nu katelah ki Pragola. Malah teu cukup ku kitu, opat urang muridna anu deuheus ge milu raib. Tah, anu dipikahariwang ku abah, raibna maranehna teh akibat buntut kajadian kamari tea..."
"Teras abdi kedah kumaha abah?"
"Kalawan berat hate, sugan hidep kersa. Abah teh rek ngajakan hidep ka gunung bongkok, sabada urusan didieu rengse. Maksudna taya deui nyatana seja sasadu ka kiCiptawening, rek menta supaya maranehna ngalepaskeun kiPragola katut murid-muridna..."
"Tapi teu acan tangtos palakuna urang gunung Bongkok, abah..." 
Kadenge Ratnainten milu mairan, ngutarakeun pamanggihna. Sakaligus nyegah, bisi memang bah Jamuju boga rancana jahat.. dumasar kana papanggihanana tadi peuting tea.
"Hhh! Ukur jeung eta padepokan hubungan abah kurang hadeteh, nyimas. Katambah-tambah ongkoh samemehna aya kajadian anu ngakibatkeun salah saurang muridna tatu parna! Nya saur paribasanamah pur kuntul kari tunggul lar gagak tingal tunggak..."
"Janten abah curiga yen palakuna urang gunung bongkok?"
"Leres pisan jang Angga kitu..."
Angkawijaya ngaleret ka Ratnainten siga anu ngumahaan. Ratnainten angur ngangkat taktak tanda manehna oge tacan boga hiji kapastian anu panceg.
Angkawijaya ngahuleng, pon kitu deui Ratnainten, jep.. kaayaan jadi simpe. Kakarak sanggeua rada lila, kadenge Angkawijaya nyarita.
"Abah naha teu tiasa ditunda heula? Maksadteh abdi peryogi widhi heula ti eyang resi Jalaujung..."
"Katinggalnamah teu tiasa, jang. Margi urusan nyawa langkung penting. Nanging upama salira duaan teu tiasamah nya teu sawios, meureun kadituteh abah kadua sinyai wungkul..."
"Abah, ieu sadaya kacerobahan abdi. Batur anu teu tuah teu dosa, malah janten kabalerang! Kukituna ayeumah hayu bae urang mangjat sareng abdi bae, teu kedah ngalibetkeun batur..."
"Hm, kacirinamah taya pilihan sejen nyimas. Nya hayu atuh, ari hate hidep geus jejem kitumah ieu perkara urang tanggung ku duaan. Sukur-sukur maranehna daek ngalepaskeun ki Pragola samurid-murid..."
"Hidep teu kudu hariwang, nyimas. Ambu oge pasti moal cicingeun. Hayu jeung ibu kadituna..."
"Abah guru, upami diwidianmah abdi oge hoyong ngiring..." Saperti biasa Wirya jeung Kanta hayang ngilu. Pikeun nyombo kakasih pujaan atina...
Euleuh hanjakal mitra, waktosna kabujeng seep. Cag ah, sanes waktos urang lajeng deui.

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_15.

"Abah guru, upami diwidianmah abdi oge hoyong ngiring..." Saperti biasa Wirya jeung Kanta hayang ngilu. Pikeun nyombo kakasih pujaan atina...
"Hus.. lalampahan kagunung bongkok, lain lalampahan enteng-enteng! Beda jeung lalampahan ka sanggabuana, urang bisa bari pelesir..."
"Tapi abah guru, abdimah lain jalma kecing! Nu gugon tuhon kana sagala rupa aturan. Demi nyalametkeun nyawa paman guru sareng nusanesna, abdi rela ngorbankeun naon bae oge, kalebet nyawa!"
Ceuk kanta bari ngadilak ka Angkawijaya satengah anu nyindir. Harita oge katembong Angkawijaya geus rek calangap nyarita, ngan bae Ratnainten kaburu noel bari miheulaan nyarita.
"Abah saleresna abdi duaan oge sadar kana eta hal. Nanging kataatan kanu janten guru eta langkung penting. Kukituna abdi duaan neda ma'fumna bae..."
Raray bah jamuju katembong rada alem, tapi teu lila geus biasa deui malah bari seuri koneng manehna nyarita.
"Hh! Ieu situasi memang rada rumit, abah teu bisa maksa hidep duaan. Nya heg bae atuh, mun kitu caranamah..."
"Hapunten abdi abah..."
Bah Jamuju katembong rumahuh, sedeng raray nu araya tidinya ngadadak alum. Jep.. pikeun sawatara kedapan kaayaan didinya ngadadak jempe, nepikeun ka ahirna kadenge Ratnainten pamitan.
"Abah, upami teu aya urusan anu sanesnamah abdi pamit..."
"Oh nya mangga, nyimas. Hampura bisi abah sakulawadet tos kumawantun..."
"Teu sawios abah, malih abdi anu kedah dihapuntenmah..."
Geus kitu Ratnainten jeung Angkawijaya carengkat, malah sanggeusna aya diluar tuluy jat-jut tarurun kaburuan kebat mulang  kapanglerebanana.
Dijero panglereban, tembong Angkawijaya terus ngaluleung. Sabab kumanehna kapikir lalampahan bah Jamuju katut Nilamsari ka gunung Bongkok bakal leuwih berat tanpa dibarengan ku manehna. Sabab najan kumaha, tatuna bah Codet anu lumbayan parna saeutik gedena akibat pagawean manehna. Bah Jamuju bakal ngarasa sulit nerangkeun naun-naun anu geus tumiba ka den sapta katut bah Codet. Sok komo cenah, kiwari ki Pragola wawakilna bah Jamuju ngiles dibarengan ku opat murid deuheusna. Najan can kabuktian pagaweanana urang gunung bongkok, tapi salarea geus ngarasa yakin ngingetkeun samemehna geus aya kajadian riributan jeung eta padepokan.
"Kunaon ngahuleng bae kang?" Kadenge Ratnainten cumarita. "Emut bae ka aceuk Nilam nya?" Angkawijaya ngaleret meueusan, geus ngarahuh kadenge manehna nyarita.
"Teus terang bae akang ngarasa dosa! Sabab lamun harita akang teu miku ilubiung, kajadianana moal saperti kieu..."
"Tapi lamun akang teu turun tangan, boa aceuk Nilam menang panghina anu leuwih jauh! Mm.. saleresna tindakan akang taya nu lepat, malih eta tos luyu sareng ajaran ramaguru..."
"Anu teu disangka ku akang, naha urang gunung bongkok bet ramat kamale kanu teu tuah teu dosa. Nyulik ki Pragola katut opat muridna..."
"Tapi.. eta nembe seret dugaan, kang. Masih teu acan aya bukti kuat yen palakuna urang gunung bongkok! Margi... saha nu terang aya jalma sejen anu memang boga katugenah ka kiPragola katut murid-muridna. Mung.. saha bae jalmana anu geus bisa nyulik kiPragola tangtu manehna mibanda wewesen anu kacida pisan hebatna..."
"Eta memang leres nyimas, mung kacurigaan bah Jamuju teu kaleuleuwihi, kumargi aya alesan anu kuat!"
Ratnainten teu nyarita deui, kaharti kumanehna oge kamana loyogna ucapan Angkawijaya. Satadina Ratnainten, rek balaka ngenaan papanggihana tadi peuting. Tapi nilik sikep Angkawijaya saperti kitu, hatena bet rumegag tungtungna Ratnainten balem teu nyarita deui.
Diluar kaayaan beuki beurang, panon poe beuki luhur panasna beuki moreret matak katuralengan anu keur kumampah.
Urang singetkeun ieu carita.
Ahirna poean anu ditunggu-tunggu kusakumna murid, jeung tamu ondangan cunduk! Geus puguheun ku jinisna nyatana kiMegantara. Kaayaan dipuncak gunung Sangga Buana beuki rame tur haneuteun, sabab tamu ondangan tisuklakna-tisiklukna geus hampir daratang kabeh. Imah panglereban geus teu bisa nampung para jago jeung rayat nu aya disabudeureun nu hayang nyakseni pangangkatan tutuwa anyar. 
Katempo tikaanggangan, loba wawangunan dipuncak gunung nu diharias ku pita kaen anu dironce-ronce warna-warni.
Jalma balawiri, para inohong padepokan sibuk ngabageakeun nu anyar datang, malah anu cacaleuhakan bari ngobrol ngaler ngidul oge aya. Ngaradon nongkrong ditepas-tepas imah panglereban.
Dibeh jero padepokan, pancegna dihiji wawangunan anu penggedena, katembong papanggungan badag geus ngadeg.
Ceuk beja cenah, eta papangungan gedeteh, keur mintonkeun rupa-rupa acara. Timimiti mintonkeun rupa-rupa kasenian tug acara puncak nyatana pangistrenan tutuwa anyar padepokan.
Tapi samemeh pangistrenan cunduk kana waktuna, ngadadak bae kirawanci pecat sawed dikaca-kaca aya nu rame-rame. Sora anu surak tur ayeuh-ayeuhan, matak panasaran anu pareng ngadenge. Harita oge, katembong Ratnainten jeung Angkawijaya kalaluar, hayang ngeceskeun kajadian anu keur lumangsung.
Teu poho topeng ipisna geus pake deui jadi tangtungan siBopeng. Duanana tuluy seselenep diantara jalma nu loba nu ngajejer, dipalebah jalan anu ngabalai.#c
Ana breh, horeng kiSubali murid ka opat ti eyang Bundarwastu nyelang mulang ti kotaraja seja ngahadiran, pangangkatan tatuwa anyar. Nu matak kaget, ki subali datang dibarengan ku opat urang jalma, anu pikeun Angkawijayamah geus matak ngagedurkeun seuneu amarah katut dengdem salaput hulu. Saha cenah eta opat urang jalmateh, taya lian ti Anggadaseta, kiDamarwulung, kiRanggadenawa jeung durgalapati. Eta opat urang jalmateh urut pangasuhna, anu ngahianat sababaraha taun kalarung. Ratnainten nu pareng ngaleret kontan bae kaget, sabab kabirengeuh mata siBopeng ngagebur hurung pinuh ku seuneu amarah.
"Kang, naha akang wawuh kamanehna? Gening siga ambeuk kacida..."
"Bisi nyimas hoyong apal, nyamanehna tilas pangasuh akang nu hianat teh. Harita, saupami rama resi teu kaparengan ngalangkung, boa teu mustahil lalakon akang kiwari tos tamat..."
"Oh, kutan kitu kang..."
"Nya ayeuna sigana kasempetan akang, pikeun malespati!"
"Ulah gagabah kang, bisi melengkung bekas nyalahan. Sok komo maranehna aya dipihak Sanggabuana. Mun urang gagabah, bisa-bisa urang dikarepuk ku sakabeh pangeusi Padepokan bahkan ku para tamu ondangan nu araya didieu..."
"Terus kumaha saena, nyimas?"
"Engke bae urang teang waktu anu rineh..."
"Iraha?" Angkawijaya bangun anu geus teu sabar.
"Urang pegat mangsa manehna mulang..."
"Muhun nyimas, akang satuju!"
Ceuk Angkawijaya baris terus nyerangkeun eta opat jalma nu ngalabring muru wawangunan utama padepokan.
Sedeng teu lila kadenge Ratnainten tumanya kasalah saurang jago anu pareng deukeut.
"Paman, saha manehnateh?"
Memeh nembalan jalmateh ngaleret heula, ngadadak bubuledna ngagedean basa sidik kanu nanya. Hiji wanoja gelis, anu keur meujeuhna sumedeng bekah.
"Hehe.. jadi hidepteh teu apal, nyimas?" Ceuk eta jalma rada gumasep, ditanya jawabna kalah kupananya.
"Nya numawi tumaros ge teu apal..."
"Hehe..." Simamang gegetret, geus kitu pok nembalan. "Dangukeun nyimas, eta jalmi nu opatan eta teh para Basandewa alias kapala jurit karajaan sunda nu tos ngagaduhan tentra masing-masing 5000 prajurit..."
"Oh jadi maranehnateh, para sinatria karajaan Sunda, paman?"
"Leres..."
"Teras nuhiji deui?"
"Tah, lamun nuhiji katelahna kiSubali. Manehnateh alumnus ieu padepokan. Manehna kawentar ku jujuluk siPancatunggal. Murid ka opat Suargi Bundarwastu! Tapi ti saprak leungiteun siPanengah nu nelah kiWidura, manehna jadi siga nu langlang-lingling, gawena nganclong kamana-mendi nepikeun ka dina hiji wajtu manehna seja ngabdikeeun diri dikaraton Sundapura. Kiwari najan teu acan gaduh pangkat, nanging inyana tos gaduh prestasi sae dikaprajuritan sunda. Kitu tah nyai..."
"Oh kitu, hatur nuhun inpormasina, paman..."
"Muhun nyimas mangga. Malih saupami anjeuna jejem didieu, sakedahnamah nya anjeuna nu baris janten tutuwa ieu padepokan teh..."
Ratnainten unggut-unggutan bari teu poho nganuhunkeun deui. Ari Angkawijaya tuluy neuteup ka opat urang jalma pili genti, bangun anu sieun kebgiteun. Malah katembong limaanana dibageakeun ku para inohong padepokan, bahkan ku kiMegantara jeung hiji jalma nu matana hurung teu beda timata meong.**
Euleuh waktosna kabujeng seep, cag ah urang tunda kahareup kasampeur deui. Cag

#Hanca
#Dongsun_manggiok

#Dongsun
#Banjir_Getih_DiSangga_Buana
#Ka16

Sok ah mitra, urang lajeng. Kumaha jucungna ieu carios.
Ratnainten unggut-unggutan bari teu poho nganuhunkeun deui ka simamang.
Ari siBopeng tuluy neuteup ka opat urang jalma piligenti lir maung nu sieun lengiten buruan.  Katembong limaanana dibageakeun ku para inohong padepokan, malah diantarana aya  kiMegantara jeung hiji jalma nu matana hurung teu beda timata meong.**
"Aeh-aeh.. saha itu? Naha matana bet sarua jeung nu ditaregos sababara peuting anu kaliwat? Mh, boa-boa baturna nu hiji deui ge aya diantara nu ngarariung eta..."
Ratnainten ngagerentes jeroeun hatena bari nelek-nelek jalma anu matana moncorong tea.
"Mamang ari itu nu awakna bangbang saha?"
Simamang ngalieuk deui, memeh nembalan nyeh.. seuri nembongkeun huntuna nu ladig.
"Oh eta anu matana moncorong, nyimas?"
"Muhun..."
"Eta teh senapati karajaan Sunda, nyimas. Katelahna kimarugul! Tos hampir saminggon manehna aya didieunateh..."
"Oh, etateh senapti karajaan sunda?"
"Leres, nyimas. Sedeng anu opatan eta, bisa disebut anak buahna..."
"Maksadna para Besandawa eta?"
"Leres nyimas, tisaprak eyang Bundarwatu perlaya. Duka kunaon, padepokan Pancaruntah anu samemehna sineger tengah kiwari bet jadi ruket jeung pihak karajaan. Tapi ketah, mun seg urang apal kana kasangtukang na mah asa teu kudu matak heran oge. Sabab apanan ki Megantarateh anak angkat Juragan Ajimantri ti kota raja. Sedeng ki Megantarateh apanan anu rek jadi tatuwa diieu padepokan. Sapertos nu kumamang disaurkeun, saleresna mun ki Subali jejem nu kedahna janten tutuwateh nyaanjeuna..." Ratnainten unggut-unggutan demi ngadenge katerangan simamang bieu.
Tapi keur kitu.. ras deui, Ratnainten inget kana caritaan sitaregos jeung bah Jamuju sababaraha peuting kaliwat. Anu netelakeun, yen diantara maranehna aya nu ngincer Angkawijaya. Ratnainten ngarasa yakin, yen anu ditararegos teh, hiji diantarana anu matana moncorong eta. Malah Ratnainten jadi curiga, boa baturna nu hiji deui jalma anu aya gigireuna. Saha? Hm, tangtu kiMegantara.
"Kang hayu urang eu.."
Ratnainyen ngagebeg, basa sadar siBopeng geus teu kasampak gigireuna. Ratnainten culang-cileung hatena inggis.. siBopeng teu bisa nahan diri nu ahirna ngalakukeun hal anu matak nyilakakeun dirina sorangan.
"Aduh, cilaka kamana ari kang bopeng? Palangsiang manehna ngalakukeun tindakan bodo. Duh, meni ngan sakilat pisan geus euweuh..." ceuk gerentes Ratnainten bari tuluy seselenep diantara ngagelekna jalma. Tapi teu kira-kira Ratnainten ngaranjugna, basa dijalan nu rada sepi katembong Angkawijaya keur ngobrol paduduan jeung hiji wanoja. Numatak kaget, topeng ipisna geus dilaan alhasil siBopeng geus salin jinis jadi Angkawijaya.
"Eum, batur hariwang bisi kuma onam ieu malah paduduaan..."
Ngagerentes Ratnainten bari nyampeurkeun ka Angkawijaya. Malah pok bae Ratnainten
cumaritta semu anu maido.
"Nuju naon didieu, kang?"
"Eu.. ieu nyimas, akang eu.. nuju ngobrol..."
"Ngobrol nya ngobrol, tapi kunaon ngaleos bari teu bebeja? Jeung eta deuih, duh. Naha topeng salira bet dibuka! Naha akang teu sieun pi akibateuna?"
"Pangapunten, ayi Ratna. Pangna yayi Angga aya didieu eta memang di ajak ku aceuk. Pon kitu deui ngenaan topengna anu dibuka, eta oge pamundut aceuk..." Nilamsari cengkat bari jeung imut kareueut, tapi tumerapna ka Ratnainten mah bet asa nu ngaledek.
"Hh! Terus terang bae kuring teu resep ku tindakan aceuk eta. Aceuk moal apal kumaha pi akibateunana lamun jati diri kang Bopeng arapaleun..."
"Memangna kumaha kitu? Naha pedah kang Angga murid pamungkas eyang resi Jala ujung?"
"Lain kitu masalahna tapi..."
"Tapi naon?"
Ratnainten geus engab rek nembal, tapi teu kebat basa kapikir kurang hade nyaritakeun jati diri Angkawijaya hareupeun umum. Ongkoh manehna males loba omong jeung Nilamsari.
"Kang hayu, abdi aya piobroleun..."
"Piobroleun naon, nyimas?"
"Hayu we pokonamah, engke bae diditu..."
Ceuk Ratnainten bari ngarongkong rek ngabedol pigeulang leungeun Angkawijaya.
Tapi samemeh beunang, justru pigeulang leungeuna anu di tewak ku Nilamsari.
"Aww, aduh!"
Nilamsari malah ngagero, basa ningan saguriwel Ratnainten muterkeun pigeulang leungeuna sarta kiwari tibalik. Leungeuna anu nyerek pigeulang leungeun Nilamsari.
"Nyimas, tenang..."
Angkawijaya nenangkeun anu keur pada-pada ngemu amarah.
Ebreh raray Ratnainten euceuy, sabalikna Nilamsari nepi kasepa bari muringis nahan kanyeri.
"Awas! Ulah kumawani ujuk-ajak sakali deui. Sok komo boga maksud anu teu pararuguh. Kang hayu..."
Ceuk Ratnainten satengah anu ngancam ka Nilamsari, kitunateh bari ngalepaskeun panyekelna.
Saterusna Angkawijaya dibedol, dibawa ka pang lerebanana. Ninggalkeun Nilamsari nu masih sepa, bari ngarasa pigeulangna baal lir dicatok ku ragum es.
"Kurang ajar! Tetela siRatnainteh boga pangabisa. Awas siah, dina hiji waktu ku aing dibales. SiKasep kudu kapimilik ku aing..."
Kitu ceuk eta cawene, bari ngaleos ninggalkeun eta patempatan.**
Kocap sorena, Ratnainten jeung siBopeng aya nu ngajemput kusababaraha urang murid padepokan. Duanana langsung dianterkeun ka palebah baladongan gede anu hareupeunana aya papanggungan tea.
Tetela didinya geus nyampak ku kaom golong-an jalma ti suklak-tisiklukna.. nurata-rata ngawakilan ti masing-masing padepokan silat nu sumebar ti Bumi Kuwlon.
Katembong dieta rohanganteh kacida rame tur haneuteunana. Hadirin diuk dina salu, hempak lir nu keur merbayaksa dibale agung karajaan. Rupa-rupa rigig jeung pamolah para jawara di eta rohangan. Aya nu ngagandong gada, nyoren bedog. Nu ngagantungkeun pedang dina tonggongmah geus teu kabilang. Ngan rata-rata mibanda awak nu daredeg, sareseg jeung kaleker! Hiji ge taya nu tembong hengker sumawona panyakitan.
Gek.. Ratnainten jeung siBopeng dariuk ditempat nu geus menang nyadiakeun. Kabeneran duanana menang tempat nu rada beh hareup, atuh duanana bisa sidik ka lebah papanggungan.
Sababaraha urang jalma tetela geus dariuk luhureun korsi bulu tutul jeung bulu macan.
Nu matak kaget pikeun Ratnainten jeung siBopeng, dua diantarana aya nu kungsi Tarung jeung kiRundayan tea. Nyamaranehna nu nelah aki Kasam jeung aki Dira nu boga jujuluk Dua Kuncen tiPakuburan. Kiwari eta dua urang jagoteh milu hadir, malah nilik kana tempat nurada luhurmah siga-siga diistimewakeun ku kiMegantara.

#Hanca
#Dongsun_manggiok

#Dongsun
#Banjir_Getih_DiSangga_Buana
#Ka17

Urang uihan deui, sakedik mitra.
Gek.. Ratnainten jeung siBopeng dariuk ditempat nu geus menang nyadiakeun. Kabeneran duanana menang tempat nu rada beh hareup, atuh duanana bisa sidik ka lebah papanggungan.
Sababaraha urang jalma tetela geus dariuk luhureun korsi bulu tutul jeung bulu macan.
Nu matak kaget pikeun Ratnainten jeung siBopeng, dua diantarana aya nu kungsi Tarung jeung kiRundayan tea. Nyamaranehna nu nelah aki Kasam jeung aki Dira nu boga jujuluk Dua Kuncen tiPakuburan. Kiwari eta dua urang jagoteh milu hadir, malah nilik kana tempat nurada luhurmah siga-siga diistimewakeun ku kiMegantara.
Ari nu boga hajatna, nyatana kiMegantara.. diuk diapit ku kiSubali jeung ki Marugul anu matana moncorong, teu beda timata meong tea. Teu jauh tidinya, katembong opat besandawa karajaan.. dariuk dina korsi kahormatan.
Masih diluhureun papanggungan, katembong sababaraha urang pini sepuh padepokan geus ngabaris siap jadi saksi kana pangistrenan tutuwa anyar nyatana kiMegantara.
Tibarang datang, kadenge kendang penca geus   disada. Ngearna sora tarompet pabaur jeung sora goong anu ngungkung. Anu tangtuna bae oge matak ngahudang jiwa kajawaraan anu memang salawasna ngulik kadugalan. Harita oge katembong geus sababaraha urang jalma piligenti, turun unggah panggung ngadon kaul bari nembongkeun kaparigelan jeung kamones dina ngulinkeun seni penca silat anu geus turun-tumurun.
Sanggeus kabeh paguron silat anu diondang dibere kasempetan pikeun nembongkeun kamonesna. Ngan jung bae, hiji kolot ngadadak nangtung sarta maju ngalengkah ka tengah-tengah papanggungan.
Jep.. kaayaan ngadadak simpe taya jalma anu cacarita, kaasup sora tatabeuhan nyatana sora kendang penca. Teu lila, pok.. kadenge eta kolot anu nelah aki sintung cumarita.
"Kanca mitra sadayana, sapertos anu tadi tos kungsi dicarioskeun. Yen samemeh puncak acara dikawitan, aya hiji pamundut tisalah saurang dulur urang nyatana padepokan Linggar dahana, anu mana inyana seja ngayakeun Sayembara kanggo milarian
 calon tunangana nyimas Nilamsari anu tos mangkak rumaja putri..."
Geur.. langsung disambut ku surakna para hadirin jeung jago nu aya dieta patempatan.
"Najan kitu, ieu sayembarateh teu bisa sagawayah diiluan ku sambarang jalma. Pihak Linggar dahana, tos nangtukeun kriteriana nu ngadarajat menang kasempetan pikeun ngiluan iyeu sayembara..."
"Uuuu..." Hadirin langsung kuciwa.
"Jadi atuh lamun kitu caranamah teu bisa bebas miluan, ki sintung?" Salah saurang jago, nu matana ngan sabeulah kadenge cumarita.
"Leres, tos kitu palaturanana..."
"Deuh hanjakal atuhnya, padahal kami geus lila ngaduda ditinggal kabur ku pamajikan..."
"Uuuu..." Langsung disurakan. "Terus.. nu kumaha atuh sarat jeung katangtuana nu tetepkeun ku urang Linggardahanateh, kisitung?"
"Tadi.. pihak Linggar dahana tos nyakseni tur nganilai sababara urang jalma anu ngiring kawul. Sarta ngahasilkeun panilaian anu dianggap pantes tur ngadarajat kanggo dijantenkeun calon tunangan nyimas Nilamsari. Kukituna, kasingsaha anu kengeng palakat ondongan ti jinisna tiasa naek kapanggung pikeun ngajajal kana kabaruntunganana. Ku kituna supados teu nyangkolong teuing kana waktos, sumangga ieu acara urang kawitan bae. Nyimas, mangga naek kaluhur panggung..."
Geur... hadirin langsung surak. Samemeh nu surak eureun, ngan jorelat bae hiji jirim langsing langsung naek ka luhur panggung.  Bareng jeung nyelegedegna suku nyiMojang kana papan panggung, teretet.. sora tarompet disusul kusora kendang nu dipadungdungkeun mungguh matak ngageterkeun jajantung nu araya di eta patempatan.
Geur.. nusurak beki campuh, nusuit jeung nu keprok awor ngajadi hiji! Sorana nepikeun ka ngaguruh, kadenge kajauhna.. nepikeun ka landeuheun puncak gunung sanggabuana.
Sanggeus nyimojang bubuka ku cara padungdung, saterusna manehna ngibing dina gerakan anu lueus dipirig ku sora kendang nu ditepak tilukeun.
Tetela.. gerakan nyiMojang anu lueus tur nyentrikteh, mampuh ngahipnotis puluhan pasang panon anu lalajo. Salarea kataji ku gerakan-gerakan nyi Mojang anu sok sanajan lueus, tapi teu matak ngurangan kana inti dasar-dasar silat jeung kakuatanana!
"Tetela nyimas, gerakan aceuk nilamteh matak pogot nu ngabandungan..."
"Hh!" Ratnainten ukur ngabaab! Biwirna jebi, ngadenge siBopeng muji-muji Nilamsari. Malah teu lila pok nyarita.
"Bisi katarik ati ku manehna, pek bae rek miluanmah ongkoh abdimah moal ngalarang-larang..."
"Ah moal, nyimas. Ongkoh apanan tadi ge tos disebatkeun. Saratna kedah jalmi anu tos ngiringan kaul diluhur panggung..."
"Tapi manehna, kawasa bisa milih saha bae anu cocok jeung lelembutana..." siBopeng ukur nyengir bari anger panonamah neuteup anu keur ngibing.
Heuleut sawatara waktu tiharita, reug.. nyi mojang ngeureunkeun gerakana. Malah, lung.. ngalungkeun hiji palakat kalebah nulalajo.
"Plek!" Kabeneran murag kana lahunan hiji jajaka. Sijajaka kontan bae surak, atoh sabab manehna boga kasempetan pikeun jadi bebendena Nilamsari. Sanggeus seuri ngagakgak langsung bae manehna ngajorelat kaluhureun papanggungan.
Geurr... hadirin langsung surak! Sedeng siJajaka langsung ngabedega kalayan gagah biwirna uman-imen gumasep.. hayang kataksir kunu geulis. Malah pok, kadenge siJajaka cumarita semu anu nangtang.
"Aki Sintung, kumaha palaturana?"
"Hehe...! Kela cu, samemeh aki nerangkeun palaturanana. Terangkeun heula, saha hidep jeung timana asal? Mun boga guru saha ngarana, mun boga padepokan sebutkeun oge ngaran padepokana..."
"Oh unjuk sumangga, aki. Ngaran kuring katelah Danuraga. Kuring anak cikal ti abah Surajaya ti padepokan landak bodas..."
"Hm, sae-sae. Heug, ku aki urang pedar palaturanana..."
"Unjuk sumangga, aki..."
"Palaturanana kieu, jang Danuraga. Boh hidep boh, boh si nyimas kudu mampuh ngarebut gengge sapasang anu bakal ditalikeun dina masing-masing angkin saiira duaan. Tah kukituna, sabisa-bisa hidep duaan kudu bisa ngajaga bobogaan gengge masing-masing. Ngan lamun menang aki mere saran, sabisa-bisa ulah make pakarang! Cukup ku lemor bae, supaya itu-iyeu teu aya anu tatu. Kumaha naha kaharti?"
"Hmm.. hade, ki. Kuring ngarti! Ongkoh kuring moal tega nganyenyeri cawene anu sakieu anehnoyna. Hehe..."
"Upama kitu, gera prung! Nyimas, mangga nyanggakeun..."
"Hatur nuhun, aki Sintung..."
Ceuk Nilamsari ditungtungan ku sungkem ka eta pinisepuh padepokan Pancaruntah.
Sanggeus itu-ieu dipasangan gengge dina lebah masing-masing cangkengna. Ngan rengkenek.. sijajaka langsung pasang kuda-kuda.
Tetela pasanganana rada-rada aneh, tagogna semu muyudun sedeng kadua curukna jareceng kahareup mangrupa cula landak.
"Mangga nyimas, gera siap-siap...!"
"Mangga kang Danuraga, teu kedah asa-asa..."
Walon nyiMojang bari imut, malah ngan rengkenek bae, nyiMojang oge mimiti muka pasangan. Suku kenca maju kahareup semu ditekuk, pon kitu deui suku katuhu ditekuk katukang. Ari sapasang leungeuna disilangkeun hareupeun dada, siga anu ngajaga gunung sakembaranana.
"Hehe... masing atos-atos nyimas, Heup-yiaahhh..."
Ngadadak sijajaka anu boga ngaran Danuraga ngahaok bari jeng luncat, curuk kencana langsung nyolocos kahandap muru cangkeng, jelas sanajan mangrupa tojosan tapi lamun geus deukeut tangtu bakal robah jadi jambretan anu baris ngarebut gengge nu napel lebah angkin Nilamsari.
Kadenge sora gengge anu kikirincingan, waktu ieu dua nonoman mimiti bagerak.
Nilamsari katembong ngisedkeun suku kenca kagigir, sedeng...
Euu... waktosna lo, kabujeng seep. Hehe...
Cag ah, dugi kadieu heula, sanes waktos dilajeng deui.
Cag!
#Hanca
#Dongsun_manggiok

#Dongsun
#Banjir_Getih_DiSangga_Buana
#Ka18

Kadenge sora gengge anu kikirincingan, waktu ieu dua nonoman mimiti bagerak.
Nilamsari katembong ngisedkeun suku kencana kagigir, sedeng leungeun katuhu nyeleber rek ngepang pigeulang leungeun siJajaka.
Tapi tetela, siJajakateh cukup tapis. Bareng jeung tojosanana anu nyamos, ngan sakilat leungeun kencana ditarik! Basa kepangan leungeun Nilam sari nyolodor lengiteun sasaran, Danuraga maju salengkah bari curuk katuhuna nyolocos dina gerakan Cucuk Landak-Nobros gunung.
"Hiuk kolebat, wut..."
"Plos-plos!"
Nilamsari anu apal kana maksud lawan ge, teu iyeuh eleh hojah. Manehna luncat dina gerakan, silalatu katebak angin. Tungtungna, dua serangan plus-plos ngakan angin, itu-ieu terus mancegkeun deui masing-masing tangtunganana dina adeg kuda-kuda anu pancuh.
"Hebat nyimas, mangga sing atos-atos deui. Heup-yiaahhh..."
Kadenge Danuraga muji, tapi sanggeusna kitu manehna ngagero deui bari ngirimkeun tilu serangan sakaligus. Kadua curuk kenca katuhuna nu mangrupa cucuk landak, langsung ting belesur muru tilu titik anu aya dina awak nyiMojang.
"Tah, kitu kang Danuraga ulah asa-asa. Heup..."
Walon nyiMojang bungah, sabab sakali ieumah gerakan Danuraga geus dilambaran tanaga lapisan anu cukup hebat.
Sakilat Nilamsari luncat katukang, nyingkahan tilu serangan Danuraga anu gancang nadingan kilat.
Atuh, plos! Plos!"
Tilu serangan Danuraga plus, plos ngahanca angin. Malah terakhir Nilamsari dongko, bari nyodokkeun dampal leungeuna tihandap rek nusuk puser Danuraga. Najan kitu jelas, maksud Nilamsari anger ngincer gengge nu aya lebah cangkeng Danuraga anu ayun-ayunan.
Jleng.. Danuraga luncat katukang, nyingkahan sodokan leungeun nyiMojang.
Saterusna dua jirim jalma kokolebatan kaditu-kadieu.
"Jleng... seak!" Gebak-gedebuk, kung-keng! Kung-keng!"
Sanajan tengelan jeung serangan teu kena kana sasaran, tapi ku dak-dik-dukna kendang penca, saolah-olah tiap teuggeulan siga anu kena kana sasaran.
Hadirin pada colohok, sabab gerakan-gerakan maranehna geus mimiti teu katuturkeun kumata biasa. Kusabab panggungteh cukup gede, atuh duanana laluasa kokolebatan kaditu-kadieu.
Nepikeun ka ahirna, katembong siJajaka ngadayagdag katukang. Dadana benang katepak ku ramo nyiMojang anu dibeberkeun.
Teuing naon anu geus kajadian, nyaho-nyaho siJajaka sungkem bari cumarita kieu.
"Nyimas, akang rumaos kateter. Akang ngaku eleh!"
Geurr... hadirin langsung surak, sedeng kadenge Nilamsari cumarita.
"Hatur nuhun, kang Danuraga tos kersa ngelehan.."
"Sami-sami nyimas..." Ceui siJajaka rada kapiasem.
"Mangga, ieu gengge kanggo salira.. etang-etang cinderamata ti abdi..." Bari lung.. Nilamsari ngalungkeun gengge, hasil ngarebut tadi ti Danuraga. Sing horeng pangna Danuraga ngaku eleh teh, da meureun genggena geus hasil direbut ku Nilamsari.
Sanggeus Danuraga turun dina panggung, nyimojang muterkeun paneuteupna ka nu lalajo. Geus kitu lung, deui-deui palakat ondangan dialungkeun pikeun kadua kalina.
"Plek!" Teuing ngahaja teuing henteu, sakali ieumah palakat teh meneran pisan, langrag dina lahunan si bopeng.
SiBopebg ngajenghok, tapi samemeh sadar hadirin langsung keprok.. sedeng hiji pakacar langsung nungtun siBopeng diajak kaluhur papanggungan. Malah memeh naek, gengge langsung dioasang lebah cangkengna.
Ningali kitu Ratnainten anu memang teu nyangka teu bisa kukumaha, ngan bae hatena langsung ngageter hebat inggis kubisi rempan ku sugan. Ieu situasi menang ngahaja ngarancang ku pihak anu memang mikahayang kana jiwana Angkawijaya.
"Mh, cilaka. Boa-boa ieu sakabeh menang ngahaja ngatur musuh kang Angkawijaya. Tapi.. hmm! Aing teu sieun. Nya ayeuna meureun kakuatanan aing nusaetuna baris bener-bener diuji.
"Jlek!"
Sabot Ratnainten ngagerentes kitu, ari siBopengmah nyaho-nyaho geus aya luhureun panggung.
Hadirin kontan moyeg, basa sidik kana rurupaan patandang anu ayeuna. Anu nya ti goreng patut teh jaba bopeng tur koromod matak sebel anu nenjo.
Jung.. bareng jeung kitu, aki sintung nangtung bareng jeung jempena sora kendang penca.
Aki sintung nangtung ditengah-tengah, antara Nilamsari jeung siBopeng. Pikeun sawatara kedapan aki sintung angur ngahuleng bari neuteup ka siBopeng.
Ningali kitu siBopeng surti, atuh pok bae manehna nyarita.
"Aki.. palebah dieu sigana aya kasalahan. Pasti aceuk ieu salah ngalungkeun palakat ondangan. Ka jalma goreng patut samodel kuring, piraku aya cawene anu daekeun..." Aki sintung katembong unggut-unggutan malah pokna bari ngaleret ka Nilamsari.
"Enya oge nya. Nyimas, coba diemut deui, naha leres salira teu lepat milih ngalungkeun palakat?"
"Henteu aki sintung, pikeun kuring rupa nomer dua. Kuring mere kasempetan ka saha bae anu ku kuring dianggap cocok..."
"Tapi lamun teu salah ieu jajakateh, asa teu kungsi mu kawul diluhur panggung..."
"Teu masalah, ki. Sabab kuring samemehna kungsi patepung. Samalah kuring kungsi kahutangan budi. Tah, minangka pamulang tarimana kuring mere kasempetan pikeun manehna jadi calon bebende kuring. Tapi eta oge lamun manehna hasil ngarebut gengge nu aya dina cangkeng kuring..."
Katembong aki sintung unggut-unggutan deui.. malah pokna.
"Nya upami kitumah teu langkung salira nyimas..."
"Hatur nuhun, aki..."
"Eu.. upami kitu mangga atuh jang... Sebutkeun saha ngaran jeung ti padepkan mana asal..."
Angkawikaya atawa siBopeng katembong semu anu asa-asa, sikepna canggung ngondang kakeuheul sababaraha urang penonton nepikeun ka nyurakan.
"Sok-sok jang, teu kudu asa-asa supaya teu nyangkolong kana waktos..."
SiBopeng taya pilihan sejen atuh kapaksa bae manehna nyarita.
"Wasta abdi pun Angga, abdi digedekeun dipuncak gunung Arghabinta ku eyang resi Jalaujung..."
Reng... mitra, hadirin kontan gandeng demi ngadenge kana pangakuana eta jalma bopeng. Sedeng aki Sintung unggut-unggutan, malah pokna.
"Hm, saupama nyimas teu salah milihmah, nya heug bae bae atuh. Ieu acara gera kawitan..."
"Hatur nuhun, ki..." Ceuk Nilamsari ka aki Sintung. "Kang Angga, mangga majeng teu kedah asa-asa..."
"Hatur nuhun aceuk, tapi..."
Can ge acan, siBopeng beres nyarita Nilamsari langsung luncat, bari nyodokkeun ramo-ramona rek dipake nusuk beuteung siBopeng.
SiBooeng kontan ngaranjug, sabab serangan eta wanoja lain ngan ukur hayang ngarebut gengge. Tapi...
Eueu... waktosna tos teu nyekapan deui, lo. Cag ah, urang teundeun dihandeuleum sieum urang tunda dihanjuang siang paragi nyokot ninggalkeun mangsa datang urang sampeur deui.
Cag!

#Hanca
#dongsun_manggiok
#Dongsun
#Banjir_Getih_DiSangga_Buana
#ka_19

Can ge acan, siBopeng beres nyarita Nilamsari langsung luncat, bari nyodokkeun ramo-ramona rek dipake nusuk beuteung siBopeng.
SiBopeng kontan ngaranjug, sabab serangan eta wanoja lain ngan ukur hayang ngarebut gengge. Tapi mangrupa hiji serangan anu kacida pisan bahayana. Eta bae iket buuk jeung tali angkin lebah cangkengna nepikeun ka ngelebet katiup ku angin samberanana.
Ku kituna siBopeng atawa Angkawijaya, geus teu loba mikir panjang! Gentak luncat kagigir bari nyamberkeun leungeuna kapalebah cangkeng nyiMojang. Tapi teu kira2 siBopeng ngaranjugna, basa kabireungeuh Nilamsari teu mirosea kana gengge lebah cangkengna.
Malah bari malikeun awakna satengah puteran, Nilamsari ngepangkeun dampal leungeun kencana katuhuna pasusu-susul. Nu diarah tetep cangkeng siBopeng.
"Hiuk kolebat, wut-wut! Wuss..."
Samberan leungeun kenca katuhu Nilamsari plus-plos ngakan angin sabab siBopeng kaburu mundur katukang, kucara narik suku kenaca katuhuna dua lengkah.
Saterusna katembong sibopeng dihujanan ku jurus-jurus Nilamsari anu bahaya. Sabenerna siBopeng lain teu hayang ngelehan mikeun gengge anu nali lebah cangkengna, tapi kapikir kumanehna saupama ngelehan tinangtu lain ngan saukur genggena anu beunang karebut tapi oge dirina aya bahan cilaka, kabeunangan ku serangan-serangan nyi Mojang anu matak mateni.
Nepi kaharita ku siBopeng tacan kahartieun, kunaon eta wanoja anu umurna leuwih kolot sababaraha tau ti manehnateh bet metakeun jurus-jurus anu matak ngabahayakeun pikeun dirina.
Tong boroning ku siBopeng, dalah ku Mang Giok anu ngadalanganana weleh teu kahartieun.. naha boga maksud naon, nilam sari metakeun elmu-elmu anu matak bahaya. Naha ukur hayang ngarebut wungkul? Atawa boga maksud sejen ka diri siBopeng.
Urang tunda heula anu keur bitotama diluhur panggung. Ayeuna urang kocapkeun ditempat sejen, anu masih aya dilelewek gunung sanggabuana. Panceugna kiduleun gapura, paragi kaluar asupna jalma beh kiduleun padepokan. Katembong diantara hieumna tatangkalan, aya hiji jalma anu keur ngajanteng. Awakna dedeg, beungeutna teu sidik kahalangan ku kumis jeung bewok nu ngajuntai nepi kadada.
Najan kitu buukna masih hideung, ngan hanjakal jabrig tur gimbal sarta saking jabrigbna nepikeun ka saolah-olah sakujur badana karungkup ku buuj kabeh.
Saha manehna sakedap deui baris kaguar. Nu jelas, katembong matana anu herangteh neuteup seukeut kapalebah kaca-kaca padepokan.
Teu lila katembong sababaraha urang kolot kaluar dijero lawang, tuluy nyampeurkeun sibuuk gimbal.
"Kumaha, naha sagala rupana tos disiapkeun?" Ceuk sijabrig bari melong kanu anyar datang. Bari sungkem, eta kolot nyarita semu ajrih.
"Parantos kai, kiwari babandan tos aya ditempat anu mernah. Asal salira nurunkeun parentah, pasti eta lima jalmateh dikaluarkeun..."
"Hm, sukur. Terus iraha puncak acarana dimimitian?"
"Rupinamah sakedap deui, acara masih mangrupa panyelang. Nanging nu jelas, sadaya pangeusi padepokan parantos aya di luhur panggung kalebet ki Megantara katut rengrenganana!"
"Hm, alus. Kula geus teu sabar, hayang ngabuligiran kana kajahatan jeung kabiadaban manehna..."
"Nanging mugya salira masing-atos-atos. Margi seueur jalma anu biluk kamanehna, kaasup ki Kasam sareng ki Dira dua kuncen ti pakuburan..."
"Hm, tong salempang.. eta dua jalma kamari geus kungsi dirubuhkeun..."
"Oh kutan kitu. Tapi saha atuh salira nu saleresna?"
Silalaki jabrig anu beungeutna bala ku brewok jeung kumisteh ukur tanggah kalangit. Panona babaracatan, katojo ku caangna langit.
"Dina waktuna ku kaula baris dibejaan. Nu jelas, kaula apal kaAndika limaan. Andika lima jalma anu satia ka suwargi Bundarwastu..."
"Upami kitu hatur nuhun kana ka percantenana. Sarta mugya bae, sagala rupina hasil kalayan nyugemakeun..."
"Amiinn! Terus kumaha ngenaan kiRundayan naha geus aya dijero?"
"Parantos aya sun, malih kiwari anjeuna nuju nyaruk tur nyiruruk sareng para tamu ondangan nu sanesna..."
"Hm, alus-alus lamun kitu caranamah. Sabab nya manehna pisan jalma anu paling penting mangsa kiwari..."
"Nyakseni, sun..."
"Inget, andika ulah poho kanu naon-naon anu geus ku kaula dipapatahkeun tadi..."
"Unjuk sumangga, kai..."
"Ayeunamah nam, Andika limaan mulang deui kajero padepokan. Tungguan parentah ti kaula saterusna..."
"Mangga, mangga.. nanging, naha teu sakantenan bae ayeuna lebet sareng abdi?"
"Can waktuna kaula kaluar..."
"Upama kitu mangga atuh..."
"Hmm..."
Saterusna lima kolot anu sanyatanamah masih para dedengkot padepokan pancaruntahteh tuluy sarungkem malah terus arasup deui kajeroeun padepokan.
Ari silalaki jabrig anu beungeutna pinuh ku brewokteh tanggah deui kaluhur, nenjokeun mega hideung nu ngayang kabawa ku angin barat.
Keur kitu, reup...  langit angkeb, sangsurya katutupan ku mega hideung tea. Bareng jeung panon poe anu kapindingan ku mega hideng, jirim silalaki jabrig anu bala ku brewokteh langsung  ngolebat asup kajero padepokan ngaliwatan panjaga nu kontan ting raringeuh, sabab aya sagulung angin anu ngaliwat nebak maranehna.***
Kocap diluhur panggung.
Katembong Nilamsari jeung siBopeng masih jojoh patutunggalan bari dikendangan ku tatabeuhan nyatana kendang penca anu dipadungdungkeun.
"Hiuk kolepat, wut! Hiuk kolebat wus..."
Katembong Nilamsari masih ngagempur siBopeng ku serangan-serangana anu hebat. Nepikeun kaharita, siBopeng masih tacan males narajang, ukur sakali-kalieun bae nakis atawa nahan serangan Nilamsari nu terus merul.
Ratnainten anu harita keur lalajo, cukup surti kana situasi siBopeng. Ratnainten nyaho, lamun si bopeng niat.. gengge nu aya dina cakngkeng bisa bae direbut kalawan enteng, tapi lamun siBopeng hasil ngarebut gengge nu aya dina cangkeng Nilamsari hartina  siBopeng ngamenangkeun eta sayembara.
Ku kituna...
Euuuu... hanjakal deui waktosna kabujeng seep, lo. Cag ah, urang tunda heula. Sanes waktos disambung deui. Cag!

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_20

Ratnainten anu harita keur lalajo, cukup surti kana situasi siBopeng. Ratnainten nyaho, lamun si bopeng niat.. gengge nu aya dina cakngkeng bisa bae direbut kalawan enteng, tapi lamun siBopeng hasil ngarebut gengge nu aya dina cangkeng Nilamsari hartina  siBopeng ngamenangkeun eta sayembara.
Ku kituna Nilamsari jadi mikir, meureun mana kitu ge siBopeng taya niatan pikeun ngamenangkeun eta sayembara, hartina siBopeng memang teu boga parasaan nain-naon ka Nilamsari.
Keur kitu plak duk, deus.. katembong sibopeng nakiskeun leungeun kenca-katuhuna, basa kaparengan manehna euweuh dangka pikeun ngejat. Ngan akibatna katembong Nilamsari tijengkang katukang nepikeun ka sababaraha lengkah, tapi hebatna samemeh ti beubeut, Nilamsari masih sempet nyentangkeun hiji barang kapalebah beungeut siBopeng.
Dina sorana nu bangbaraan SiBopeng apal, tangtu eta barangteh mangrupa  pakarang demit. Ku kituna geus teu loba manjang mikir deui, gentak sibopeng ngajorelat ka katuhu bari newak eta pakarang.. sabab inggis kena ka jalma sejen.
"Siut, kolepat wut... Kep!"
Eta barang demit teh kalawan sampurna beunang ditewak ku siBopeng. Bareng jeung beunangna eta barang kadenge sora nu ngagebru. Sing horeng Nilamsari nu leungiteun ka saimbangan badana.. bujurna heula, anu ti teuneut kana papan panggung.
Geur... ningali kitu, hadirin langsung surak. Sedeng kendang tuluy ngeungkeng taya kendatna.
"Ah, nyimas.. naha salira teu kunanaon?" Ceuk siBopeng bari nyeureudeug nyampeurkeun.
"Abdi... abdi teu kunanaon, kang!"
"Oh, sukur atuh..."
Nilamsari katembong ngoneal hudang, ngan aya nu aneh.. paromana siga nu atoh, biwirna oge katembo ngarenyu bangun anu bungah. Malah pok kadenge Nilamsari cumarita bari jeung sungkem sagalarupa.
"Kang bopeng.. abdi tarima eleh. Sareng nuhun ku kasaeanana teu dugi ka nurunkeun panangan kasar kaabdi..."
"Maksad.. maksad salira?" Sibopeng can ngartieun.
"Gengge abdi kengeng karebut kusalira..."
"Hhh?"
SeBopeng kaget, teu sadar tuluy mukakeun dampal leungeuna nu tadi newak barang tea. Ana breh, teu kira-kira siBopeng ngaranjugna sabab tetela, anu tadi di centangkeun kalawan hebat ku Nilamsariteh nyatatana gengge.
Atuh, geur... memeh siBopeng nyarita deui, hadirin langsung surak mani ear. Da meureun panyangkanamah, siBopeng memang geus hasil ngarebut gengge nalika keur bitotama.
Samemeh siBopeng bisa ngawasa kana diri, katembong kaluhur panggung aya sababaraha urang jalma anu naraek sing horeng bah Jamuju katut bojona, malah katembong bah Jamuju langsung sungken ka siBopeng.
"Jang bopeng, nuhun salira tos kersa narima sinyai jadi calon tunangan hidep..."
"Tapi abah abdi, eu..."
"Keun bae, urusan sejenmah ke bae pandeuri, ayeunamah hayu! Urang tyrun heula, teu hade cacarita luhur pnggung bari hareupeun umum. Nyai! Hayu, ajakan jang Bopeng turun diieu papanggungan..."
Nilamsari ukur unggeuk, terus nungtun siBopeng turun tiluhur panggung.
Ninhali kitu, geur..  hadirin surak deui. Ari bah Jamuju, sanggeusna nganuhunkeun ka pihakna sangga buanamah.. manehna oge tuluy turun sarta nyampeurkeun Nilamsari.
"Jang Bopeng, hayu milu ka abah. Sabab abah aya piobroleun..."
"Naha perkawis naon deui, abah?"
"Hayu, we. Urang dinu rada rineh, ambeh nyalse..."
"Tapi abah, abdi kedah sareng pun rayi Ratna inten..."
"Apanan itu, nuju disusulan ku siWirya katut siKanta..."
"Oh enya, mangga atuh..."
Ceuk Angkawijaya bari rungah-ringeuh hayang sidik, tapi ku sabab jalmateh beuki ngalobaan.. atuh keukeuh Ratnainten teu katingali.
Kusabab bah Jamuju nga-ngajak tur satengah anu digusur kuNilamsari tungtungnamah Angkawijaya teh teu burung nurut. Manehna nuturkeun Bah Jamuju sakulawarga.
Kocap Ratnainten sabenerna tadi manehna oge rek nuturkeun, ngan bae lengkahna ngadadak pugag.. basa diluhur panggung kabireungeuh aki sintung nyarita sangkan hadirin cicing tur saregep ngabandungan. Sabab cenah puncak acara rek dimimitian. Anu matak nyeblak keur Ratnainten nyaeta basa katingali para besandawa urut pangasuhna Angkawijaya malilu turun. Najan kitu Ratnainten teu bisa magar kumaha, sabab diluhur panggung kadenge aki sintung geus cacarita deui.
"Tah ku kituna.. geus cunduk kana waktuna, geus ninggang kana mangsana, puncak acara pangistrenan tutuwa anyar seja dilaksanakeun. Kukituna, kumaha? Naha batur jenuk balarea nyakseni?"
"Nyaksenii...!!!"
Ceuk ceuk hadirin saur manuk sorana nepikeun ka asa kaindit.
"Sukur bagja kumanjangan atuh. Saupama kitu, sumangga iyeu acara urang kawitan..."
"Mangga, nyaksenii...!!!" Ceuk hadirin deui keukeuh sorana nepikeun ka ngagerenggeng.
aki Sintung: “Megantara...”
kiMegantara: “Abdi sun...”
aki Sintung: “Gera maju kahareupeun kaula...”
kiMegantara: “Unjuk sumangga...”
kiMegantara cengkat dina diukna, laju ngalengkah ngadeukeutan sang Panasehat padepokan nyatana Aki Sintung.
aki Sintung: “Tapak deku!”
kiMegantara: “Unjuk sumangga...”
“Brek!” kiMegantara langsung tapak deku hareupeun aki Sintung. Sedeng aki Sintung katingali kadua leungeuna ngarongkong gobang pusaka, nu dibungkus ku lawon beureum sarta ditanggeuy kai candana luhureun meja padupan.
Kop.. eta gobang di cokot, tuluy ditanggeuy laju diungkulkeun kana emun-emunan kiMegantara nu ngeluk tungkul semu ajrih teu wani cucungah.
aki Sintung: “Dengekeun kuandika, megantara. Ieu gobang lain ngan saukur gobang paragi tarung mertahankeun kahormatan. Tapi leuwihna ti kitu, ieu gobang mangrupa pusaka luluhur nuturun-tumurun nu wajib pisan ku urang salarea dipunjung tur dipupustina. Tah kukituna, mangka gera rawatan ieu gobang, geura cekel masing tarapti ulah nepikeun ka lagrag atawa karebut ku jalma lian. Sabab sakali ieu gobang pindah leungeun, nya pindah oge kakawasaan jeung kakuatan anjeun salaku pamimpin ieu padepokan. Kumaha? Naha nepi ka palebah dieu Andika ngarti, Megantara?”
Megantara: “Kahartos, sun. Unjuk sumangga, ieu gobang baris dijagi sapinuh jiwaraga abdi. Getihna satetes, rambutna salambar, ambekan sadami, boh paehna boh hirupna. Abdi seja bela satia kanggo mertahankeun ieu gobang tur ngamajukeun ieu padepokan...”
aki Sintung: “Hmm... alus. Hadirin...! naha Andika sakabeh nyakseni?”
Hadirin: “Nyakseni...!!!”
Ceuk hadirin deui mani reang saur manuk, atuh sanggeusna kitumah ngan song bae eta gobang pusaka nu diBungkus ku lawon beureumteh diasongkeun.
Dina kaayaan tapak deku tur khusu, ki Megantra ngeluk tungkul bari leungeuna ranggah siap narima eta gobang pusaka.
Kaayaan beuki simpe, meh sakabeh pasang panon nateuteup anteb ka kiMegantara anu sakeudeung deui baris resmi jadi tatuwa padepokan Pancaruntah.
Dihin pinasti kersaning hyang tumampara, samemeh gobang pusaka hasil kacekel ku kiMegantara. Ngadadak bae...
Eueu... hanajakal mitra, waktosna teu nyekapan deui. Cag ah, urang tunda heula.. sanes waktos disambung deui. Cag!

#Hanca
#Dongsun_manggiok
#Dongsun
#Banjir_Getih_DiSangga_Buana
#ka_21

Ceuk hadirin deui mani reang saur manuk, atuh sanggeusna kitumah ngan song bae eta gobang pusaka nu diBungkus ku lawon beureumteh diasongkeun.
Dina kaayaan tapak deku tur khusu, ki Megantra ngeluk tungkul bari leungeuna ranggah siap narima eta gobang pusaka.
Kaayaan beuki simpe, meh sakabeh pasang panon nateuteup anteb ka kiMegantara anu sakeudeung deui baris resmi jadi tatuwa padepokan Pancaruntah.
Dihin pinasti kersaning hyang tumampara, samemeh gobang pusaka hasil kacekel ku kiMegantara. Ngadadak bae, diantara hadirin aya anu ngagorowok disusul ku ngolebatna hiji jirim kaluhur panggung.
"Keheula! Mangkelanan, heup..."
"Siut, kolebat... siet, jleg!"
Nyaho-nyaho ditengah papanggungan, geus aya hiji jalma anu nangtung kalawan ajeg. Hiji tangtungan anu buukna jabrig kacida, rarayna pinuh ku brewok jeung jamros anu ngajuntay nepikeun ka dada.
Anu matak kaget, gobang pusaka geus pindah leungeun aya dina dampal leungeun eta jalma.
"E-eh... kurang ajar, saha anjeun, hh?"
Aki sintung kaget, tumanya ka sijembros bari jeung neuteup seukeut.
"Hmm.. saha diri kula? Eta penting! Nu jelas.. ieu palantikan kudu dieureunkeun! Sabab siMegantara teu boga hak, pikeun jadi tatua anyar di ieu padepokan..."
"Kurang ajar! Alak-alak cumampaka! Kumawani ngacoukeun diieu patempatan. Hiaahh!"
Ceuk aki sintung bari ningan sakilat awakna ngajorelat, sedeng dampal leungeuna langsung hurung jadi ruhak seuneu, nyamber dada eta jalma rek dipeclengkeun jauh kaluareun papanggungan.
"Hius... kolebat... wutt! Bleg... jelegur...!!! Rieug..."
Kadenge sora nu ngabeledug, disusul kumungsratna silalatu akibat dua kakuatan anu diadu. Bareng jeung ngarieugna papanggungan, katembong haseup hideung meletek dibarengan ku sora nu ngaberebet matak keueung.
"Jengkang, jarigjeg-jarigjeg ungked!"
Aki sintung tijengkang nepi ka sababaraha lengkah katukang! Dada karasa nyeri, ambekan eungap. Kadua dampal leungeuna panas lain lumbayan, malah tembong ngebul ngaluarkeun haseup bodas. Ari jalma nu anyar datang tetep pancuh dina tangtunganana, ngan bae kabireungeuh.. papan anu dipake kumanehna nijek nepikeun ka nyeblok tur geheng siga tapak kaduruk! Padahal eta papanteh dijieun dina kai jati golondongan sagede cangkeng.
      Pikeun sakedapan, aki sintung ukur mampuh ngatur napas jeung ngadalikeun jalana alerean getih anu malik nyedek kana jajantung.
Panona nyidikeun eta jalma ku teuteupan meh teu percaya! Sabab tetela jalma anu rarayna pinuh ku brewosteh mibanda elmu panca tunggal, anu ajen inajena boa geus nepi ka tahapan para tatuwa.. sabab kabireungeuh manehna geus mampuh ngarobah dampal leungeun jadi ruhak seuneu.
Samemeh aki Sintung cumarita deui, katembong dua kuncen ti pakuburan haharewosan ka aki sintung.
"Hmm...."
Teu lila kadenge aki Sintung ngaheneng bari unggut-unggutan. Panona beuki seukeut neuteup siJembros! Pon kitu deui nu sejena kaasup kiMegantara, kiSubali jeung kiMarugul anu matana moncorong tea.
"Hmm... jadi Andika jalmana anu geus ngarubuhkeun dulur kula ku ngan sajurusteh?"
"Ora kapino gawe..."
"Saha anjeun nu sabenerna? Make jeung mampuh metakeun tapak geni nepi ka tingkat dalapan? Malah nepi ka apal seluk-beluk padepokan pancaruntah?"
"Ceuk tadi oge, teu penting saha diri kaula. Nu jelas, poe ieu kaula bakal ngabongkar sagala kalicikan siMegantara katut antek-antekna. Nya kaasup anjeun..."
"Kurang, ajar! Nyata silaing jurig nyiliwura kelong anu newo-newo, hh! Hmh..." Aki Sintung kekerot.. beungeutna geuneuk! Geus puguhing awaknamah nepikeun ka ngagidir sagala rupa.
Ngan samemeh, aki sintung meta pikeun ngayakeun tindakan anu saterusna. Ngadadak bae kiMegantara maju bari jeung sungkem ka sijembros.
"Kisilah teuing dosa naon anu geus dilakukeun ku kaula, nepikeun ka Anjeun tega ngaruksak kana jalana ieu upacara..."
"Hhh! Andika teu kudu basa-basi jeung ngabudi ucing ka kaula, Megantara! Sabab pikeun sadirieun kaula sagala rupana geus nembrak tur kabuka..."
"Nembrak tur kabuka?"
"Bener..."
"Nembrak tur kabuka, kumaha?" KiMegantara katembong ngerungkeun halisna.
"Sakedeng deui ku Andika bakal kasaksian..."
"Leuwih hade, pasrahkeun eta gobang pusaka kakaula, kisilah. Sabab percumah aya dina dampal leungeun anjeun oge..."
"Haha...!! Andika teu ngabogaan hak, pikeun narima ieu gobang pusaka, Megantara...!"
"Lamun lain diri kaula, saha deui nu ngadarajat nampa eta gobang pusaka?"
"Tangtu bae aya..."
"Saha?"
"KiRundayan..."
"KiRundayan?"
"Bener!"
"Tapi kang Rundayan tos raib duka kamana? Hiji-hijina murid eyang Bundarwastu anu nyesa, nya kaula.. jadi nya kaula anu otomatis jadi gagantina..."
"Hmm... didieu kalicikan Andikateh, Megantara! Hiji-hiji murid eyang Bundarwastu disingkirkeun. SiWidura perlaya satengah anu disebakeun diCametigaling, siSubali di olo di kakota rajakeun. Sedeng KiRundayan dipitnah, komo ki Gagu nepikeun ka ajalna demi ngabela eyang guru bundarwastu..."
"Hmm..." Raray ki Megantara robah hebat demi ngadenge omongan siJembros sarupa kitu.
"Sa... saha Anjeun nusabenerna?"
"Kang Rundayan, kaluar! Geus waktuna ngabuligiran siMegantara!"
"Siap! mangga...! Heupp-hiahhh...!!!"
Ngadadak bae diantara hadirin aya nu nembalan. Malah can eureun sorana, ngadadak  hiji jirim langsung ngajorelat kaluhureun papanggungan.
"Siutt... jorelat, jleg!
Teu lila antatana hiji jirim langsung nangtung, make caping anu kacida lebarna. Nepikeun ka sabagean beungeutna teu kaciri. Najan kitu, katembong eta jalma langsung ngalaan caping lebarna (dudukuy lebar tima awi) saeutik-demi saeutik.
Atuh, breh.. pertela ngembang boled, eta jalma memang kiRundayan. Sanajan kumis jeung janggotna, teu sapanjang si Jembros tapi sakur murid padepokan Pancaruntah apal lamun eta jalma memang kiRundayan.
Puguh bae, sakur nu araya didinya lain deui ngararenjagna, maranehna teu nyangka lamun buronan padepokanteh justru aya ditengah-tengah hadirin. Malah can lengit, kakagetna lalangit balandongan ngadadak runtuh disusul ku blag-bligdugna jirim manusa. Nu matak kaget, eta jirim manusateh lima jalma anu dibararogot geus teu walakaya. Ditalian ku dua urang jalma, anu sing horeng dua kolot anu samemehna kusi diparentahkeu siJembros tea samemehna. 
"Ki... ki Pragola?" Kadenge kiMegantara ngagerendeng.
"Hmm... naha Andika apal?"
"Tangtu bae kaula apal, sabab manehna wawakil tatua padepokan linggar dahana katut opat muridna..."
"Terus Andika apal pangna ieu lima jalma ditalikung?"
KiMegantara teu nembalan, ngan bae rarayna katembong asak. Malah pok, manehna nembalan.
"Tangtu bae kaula teu apal! Jeung naon hubungannana jeung diri kaula..."

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_22

"Andika teu kudu pura-pura! Atawa ku kaula dibolekerkeun..."
"Kurang Ajar! Hiahh!!!"
Katembong ayeunamah sipat aslina kiMegantara, ngadadak bae awakna ngolebat langsung nyerang si Jembros.
SiJembros teu gimir, sakilat dampal leungeun katuhuna di solodorkeun kahareup, sedeng gobang pusaka dipindahkeun kaleungeun kenca bari teu poho ngerahkeun elmu panca tunggal dina inti geni, nyaeta tapak geni.
Tapi lain deui, siJembros kagetna.. basa tetela pamapakna teh poos teu keuna kana sasaran, sedeng teu lila kadenge sora nu ting jarerit pasusul-susul. Basa lima jalma ngadadak ngemasi pati, dina kaayan pejah sakur urat sarapna katibanan ku elmu Pamupul Bayu kiMegantara.**
Lima jalma katembong ngalungsar dina kaayaan asak semu biru. Bari kaciri dina liang ceuli, irung, jeung baham malah panon ngaluarkeun getih hideung semu kentel.
"Kurang ajar! Nyata Andika telenges, Megantara. Hhh.."
"Hh! Dititah kusaha Andika nyanghareupkeun sampah kadieu..."
Hhh!" SiJembros kadenge ngabab, matana ngabaracat.. sedeng hadirin kontan raeng bari sawareh ting tarengo. Kaasup Ratnainten, anu memang masih aya ditengah-tengah hadirin. Malah dina sajeroeun hatena manehna ngagerentes kieu,
"Jadi tetela gening, raibna kiPragolateh lain ku pihakna padepokan Ragawesi. Tapi justru ku ieu jalma pikeun dijieun saksi kana kajahatan kiMegantara. Tapi.. teu sangka? KiMegantara sakitu kejemna..."
Kitu ceuk Ratnainten bari terus ngawaskeun, kanu keur lumangsung diluhur panggung. Sedeng diluhur panggung kadenge jalma anu buukna jabrig kacidateh cumarita deui.
"Kalakuan anjeun ieu mangka pinangih jeung wawalesna. Sanajan saksi kana kajahatan anjeun geus binasa, tapi kutindakan anjeun ieu sarua jeung ngabulugiran diri sorangan.. sasat kalapa kaluar tina cungapna..."
"Hm.. naon maksud Andika, heh andar-andar?"
"Eyang bundar wastu katut kang Gagu binasa dina kaayaan pejah sakur sarapna. Anjeuna katibanan Tapak Bayu Bajra anu dipuhit ku kang Rundayan. Padahal anu saetuna, kiguru bundarwastu katut kiGagu binasa ku anjeun!"
"Genah bae Andika cacarita, dengekeun heh andar-andar. Mangsa kajadian, kaula keur aya dihiji rohangan keur diriung-riung alatan gering. Upama teu percaya tanyakeun bae ka jinisna atawa para pinisepuh padepokan..."
Ceuk kiMegantara bari ngaleret ka ki Subali, nu tiawal mula teu loba cacarita. Ngan bae, panona teu leupas tuluy nyidik-nyidik sijembros kalawan taliti. Samalah kalawan tatag, kadenge kisubali cacarita.
"Caritaan kiMegantara memang bener, kisilah. Waktu kajadian, kaula memang keur ngariung-riung kiMegantara anu kaparengan keur nandangan kasakit. Kaula ngahaja datang jauh-jauh dikotaraja pikeun ngalongok..."
"Hahaha! Perlu ku Andika sakabeh dikanyahokeun, sanyatana dina waktu harita anu keur diriung-riung ku Andika sakabehteh lain siMegantara.. tapi hiji jalma anu masih ngaku karabatna. Nyaeta jalma eta!" Kitunateh bari nunjuk ka kiMarugul anu matana moncorong tea. "Tah, jalma eta sanyatana anu harita keur nyaruk jadi siMegantara. Sedeng jinisna anu asli aya dirohangan panyepen
ngadon maksa kiguru sangkan nyieun surat wasiat, tapi kusabab nolak.. kiguru anu tos dina kaayaan tanpa daksa ku andika tandasa kaasup kigagu nu ngahalang-halang kana paniatan andika..."
"Kurang ajar! Ngacapruk sangeunahna. Naon buktina, upama kula palakuna?"
"Ceuk kang rundayan, nalika kajadian kang Rundayan sempet bitotama jeung sipalaku. Hanjakal samemeh sidik ka sipalaku, aya hiji jalma anu ngabangsatkeun. Nu antukna, lain ukur eta jirim anu hasil kabur, dalah kang Rundayan bet jadi malik katuduh sasat anu katempuhan buntut maung! Sarta tiharita, kang Rundayan jadi buronan padepokan bari geus teu dibere kasempetan pikeun ngabela diri. Tapi.. samemeh kang Rundayan kabur, manehna sempet nyarangkeun hiji teunggeulan ka sipalaku. Tonggongna sempet katimpug ku tapak banyu, eta tapak moal leungit satungtungtung teu di ubaran ku nu bogana eta teunggeulan..."
"Hmm. ."
"Saupama Andika lain palakuna, ku kaula ditangtang tembongkeun tonggong andika kanu araya didieu sakabeh. Lamun eta tapak euweuh.. berarti palakuna memang jalma sejen atawa bener ceuk andika yen palakuna kangrundayan sorangan..."
"Haha! Lamun kitu carana heug, kukaula ieu tonggong rek ditembongkeun. Naha aya atawa euwuh eta tapak?!"
Harita keneh kiMegantara muka libetan kaen palebah awakna. Ebreh pertela ngembang boled, palebah tonggong kiMegantara mulus taya tapak nanaon. Salarea kontan gandeng, kaasup ki situng jeung nusejen-nu sejena.
"Kumaha? Naha aya lebah tonggong kaula tapak atawa ceda urut teunggeulan tapak banyu kang Rundayan? Atawa ukur akon-akon wungkul?"
"Hmm..." SiJembros katangen unggut-unggutan, lalaunan teuteupan panona dipindahkeun  ka kiRundayan bari pokna.
"Kumaha kang? Kacirina tapak banyu nu ku akang di oblorkeunteh euweuh..."
"Jurus tapak banyu memang rada unik, teu sagawayah murid padepokan dipercaya narima eta jurus Pancatunggal ku eyang guru. Kaasup kiMegantara jeung kiGagu bahkan dulur panengah kula anu kasohor cerdas. Jurus tapak Bangu Bajra, ujur ditirunkeun ka dua murid eyang Bundarwastu. Kahiji ka kaula sedeng ka dua nya ka siSubali..."
"Hmm... terus kumaha?"
"Dina tahap anu tangtu dina eta jurus aya nu disebut jurus, Tapak Banyu-Dewa Nyamuni hiji jurus anu dihususkeun keur nyanghareupan sipanyusup...

#Dongsun
#Banjir_Getih_DiSangga_Buana
#ka_23

"Dina tahap anu tangtu dina eta jurus aya nu disebut jurus, Tapak Banyu-Dewa Nyamuni hiji jurus anu dihususkeun keur nyanghareupan sipanyusup! Maksudna jelas, keur nyirian sipanyusup saupama hasil ngalolos kabur..."
"Kumaha jelasna?"
"Subali, petakeun eta elmu..."
Kisubali unggeuk sarta ningan sakilat manehna manjur tonggong kiMegantara ku cai dina kendil. Dadak sakala, lebah tongong kiMegantara ngabaracat hiji cahaya semu biru. Eta cahaya ngabentuk tapak leungeun anu keur meber.
Puguh bae, sakur nu ningali kontan raeng teu saeutik anu ngarasa kaget ku mireungeuh eta kajadian.
KiMegantara anu masih keneh can sadar rungah-ringeuh, sedeng kiMarugul ngadeukeutan bari haharewosan.
"Katingalna rusiah urang tos kabongkar raden..."
"Naon?" KiMegantara ngaranjug.
"Palebah tonggong salira, ngabaracat bayangan waktu kakeunaan Tapak Banyu..."
"Tapi eta tatu geus lila cageur tur teu karasa. Malah lita euweuh urut-urutna acan..."
"Megantara..." Kadenge siJembros cumarita deui, "Geus disebutkeun tadi, sanajan tatuna geus cageur.. tapi tapakna moal lengit, kajaba diubaran kunu neunggeulna..."
"Kurang ajar! Saha Anjeun nusabenerna, hh? Nepikeun ka apal kana sagala rupana? Kaasup kana ka unikan elmu Tapak Banyu?"
"Dua puluh taun kalarung, kaula diutus dipancaruntah pikeun ngarengsekeun uru-ara dicameti galing. Teu nyana, tugas anu sakuduna keur limaaneun bet ditanggung ku kaula sosoranganan. Kula indit kaCametigaling sasat diwadalkeun kahiji jago nunelah siInjukkawung. Tapi hyang agung boga rencana sejen, nepi ka ayeuna kaula salamet malah kakuatan kaula oge geus pulih sagemblengna..."
"Hhh?! Jadi ana kitumah Andikateh? Si.. si..."
"Bener! Kaula siWidura, murid panengah eyang Guru Bundar Wastu anu samemehna geus dihianatan tur disingkirkeun kuAndika..."
Ceuk siJembros bari ditungtungan ku ngacungkeun gobang pusaka kaluhur.
Teu lila, kadenge sora anu ngaberebet bareng jeung leburna kaen beureum anu mungkus eta gobang pusaka, cahaya beureum langsung nyamburat bari nebarkeun sarangkum hawa anu kacida panasna.
"Tah ayeuna, gera tarimakeun wawales ti diri kaula sakaligus hukuman ti eyang guru Bundarwastu. Ngaliwatan ieu gobang pusaka,  andika sabalad-balad baris menang hukuman nu satimpal. Hutang pati dibayar ku pati, hutang getih dibayar ku getih..."
"Hhh! Kurang ajar, dikira gampang ngahukumanan siMegantara. Batur-batur kadarieu, singkirkeun ieu jalma katut baturna..."
"Siap, mangga..."
Ngadadak diantara murid jeung hadirin laluncatan sababaraha jirim jalma, anu mana langsung ngepung siJembros katut kiRundayan jeung nusejena. Sedeng kadenge, kiMegantara neruskeun deui caritaanana.
"Subali, Andika rek milu kamana? Kakaula atawa ieu ka jalma Andar-andar? Lamun masih betah kumawula di kota raja, Andika milu kakaula sarta podaran ieu mangkluk! Tapi sabalikna, upama Andika nanduk mangka karir Andika dikota raja bakal ancur.. malah moal boa poe ieu Andika baris nyusul siGagu ka alam baka. Hahaha!"
"Kurang ajar! Nyata Andika telenges, Megantra! Nepikeun ka tega mergasa guru sorangan, nu geus ngagedekeun tur ngadidik ti kikirik tug nepi ka jadi anjing!"
"Huahaha.. pikeun ngahontal hiji tujuan, naon bae bisa dilakukeun. Nya kaasup ngorbankeun ki guru anu keukeuh dina pamadeganana teu daek milih diri kula..."
"Naon sabenerna tujuan anjeun mikahayang ieu padepokan, naha jumlah muridna ku pedah loba?"
"Hm, hahaha..." KiMegantara angur seuri ngagakgak teu ngajawab kana pananya kiSubali.
"Najan teu disebutkeun, tapi kaula geus apal kana maksud jeung tujuan Andika..."
"Hm, nya alus atuh lamun kitumah, Subali. Sarta sing saha-saha anu apal kana ieu rusiah tanwande nyawa taruhana. Haha! Batur-batur..."
"Siap..."
"Binasakeun kabeh, sakur anu nangtang ka urang. Kaasup si subali jeung siWidura..."
"Siapp, mangga..."
Kontan bae, hampir sapuluh jalma nyerang siJembros, kiSubali, kiRundayan jeung dua kolot pini sepuh padepokan. Tetela 10 uranganana ge mibanda elmu kasakten nu kacida hebatna. Puguh jago bayaran, nu dijadikeun pangawal pribadi ku kiMegantara. Opat diantarana langsung nyerang kiWidura, ku elmu baraja nu kacida hebatna.
Genep deui nyerang kiSubali katut kiRundayan. Sedeng dua kuncen ti pakuburan, narajang dua kolot pini sepuh padepokan.
Ukur sakedapan, katembong diluhur panggung langsung campuh. Ayeunamah lain ngan saukur mintonkeun kamones dina kanuragan, tapi ayeunamah ijen ngadu jajaten ku taruhan nyawa masing-masing.
Mireungeuh kaayan saperti kitu, hadirin kontan moyeg. Teu saeutik loba anu arindit inggis ku bisi rempan kusugan, ngadon kabalereng ku uru-ara dieta padepokan. Nujelas-jelas geus mimiti ngocorekun getih alias geus ngakan korban jiwa.
Kaasup Ratnainten anu memang inget bae ka Angkawijaya atawa siBopeng. Sabab manehna yakin, yen siBopeng keur aya dina kaayaan bahaya.
Disisi panggung, katembong aki Sintung, kiMarugul jeung kiMegantara nenjokeun kana jalana eta pertarungan.
Utamanamah nyaksian siJembros anu dihurup ku opat urang pangawal demitna kiMegantara.

#Hanca
#Dongsun_manggiook

#Dongsun
#Banjir_Getih_DiSangga_Buana
#ka_25

"Hm, kitu sae raden. Memang tos sakedahna salira batindak kitu, nu tinggal ngababad cucuk anu jadi hahalang kana tujuan urang..."
"Nya bener kitu, paman..."
"Tapi kacirina siJembros itu cukup tangguh..."
"Memang bener, paman..."
"Naha bener manehna siWidura, anu 20 taun kalarung binasa ku si Injukkawung?"
"Susah kanggo dipastikeunana, paman. Ngan bae, terakhir kuring ningali memang kuburan nu digali ku kiGuru jeung kang Gagu kosong.. gantina ukur bontot kai tina tunggul kawung!"
"Hmm..."
Katembong kiMarugul unggut-unggutan, bari panonamah teu lepas tinu keur bitotama.
Ari anu keur di lalajoanana nyaeta kiWidura alias siJembros, katingali kalawan garang ngayonan opat urang jago ku gerakan-gerakan gobang pusaka tina jurus Pancaruntah.
Gobang pusaka anu geus ngempur ngaluarkeun cahaya beureumteh, bubuluburan lir kingkilaban di akasa.
"Trang! Trang-trang!"
Sababaraha kali pakarang diadu, nimbulkeun sora anu bebelentrangan, sedeng kembang seuneu geus buburicakan diantara lima jirim nu keur ragot tarung.
Disejen pihak kiSubali dihuruk kudua jalma, sedeng kiRundayan geus ganti lawan kiwari manehna nyanghareupan deui dua kuncen ti pakuburan. Malah katembong, maranehna geus kaluar ti luhur panggung, dumeh memang dirasa heurin pikeun ijen ngadu jajaten. Ari dua kolot padepokan, diserbu kudua musuh pangawal demitna kiMegantara sarua duanana geus aya di pakalangan, urut hadirin tadi moyeg.
Tetela para pangawal kiMegantarateh gening mibanda kasakten anu kacida hebatna, rata-rata geus mibanda tanaga lapisan nepi ka tingkat dalapan.
Puguh memang, pangawal pribadi kiMegantara mangrupa jago-jago nomer wahid, nu geus langka manggih tandingna.
Najan kitu tetep bae, pikeun ngarubuhkeun jago-jago puncak gunung Sanggabuana lain perkata enteng. Sok komo kiSubali jeung, kiRundayan murid pinilih eyang guru Bundarwastu anu tingkatanana geus satahap jeung para tatuwa padepokan.
Jleng-jleng! Wus.. wus..."
Katembong sapasang leungeun kiRundayan nu geus nyamuratkeun cahya biru babaranyaan diantara opat sinar beureum anu kaluar dina sapasang leungeuna dua kuncen ti pakuburan.
Basa sababaraha kali bentrok, kadenge sada anu bebeledagan lir sora gunung bitu, sedeng balandongan karasa ingeung lir digedogkeun ku lini gede.
"Hiuk kokebat, wut... Deus! Deus...!"
Disejen pihak, justru kiSubali hasil ngagebug dua musuhna nu kontan binasa dina kaayaan asak semu biru. Katibanan ku tapak ba
yu, nepikeun ka sakur sarapna parejah bari ngaluarkeun getih di saban liang.
"Kurang ajar, tetela siSubali cukup hebat! Kumaha lamun eta jalma pasrahkeun ka kaula Raden..."
"Hm-gh... eta langkung sae, paman. Najan kumaha kang Subali masih anak buah paman dikota raja..."
"Heupp!!!"
Can ge kiMegantara beres cacarita, kiMarugul anu sanyatanamah senapati karajaan sunda luncat manten nyampeuk kahareupeun kiSubali.
"Juragan senapati?"
"Bener, ieu kaula..."
"Teu nyana, salira milu kalibet kana rajapati kiguru jeung kang gagu..."
"Haha! Eta memang bener, subali. SiBundar wastu katut muridna ngemasi pati, bongan teu daek milih kiMegantara. Nya euweuh deui jalan, kapaksa jiwana diberesan babarengan jeung siGagu nu nyoba-nyoba ngahalangan. Ayeunamah kieu bae, leuwih hade Andika mending biluk kakaula. Kaula janji, pangkat jeung bintang Andika bakal ditaekeun..."
"Hhh! Dina waktu ayeuna kuring boro katarik ku janji Andika, nu aya kuring hayang bales pati. Anu dipalar, arwah kiGuru jeung kang Gagu bisa tenang..."
"Haha! Nya heg bae ari kitu kahayang Anjeunmah, Subali. Ngan Andika bakal kaget lamun apal saha diri kaula nu sabenerna..."
"Teu paduli saha najeun! Nu jelas, hutang pati dibayar kupati, hutang nyawa dibayar kunyawa!"
"Hemm..."
Kadenge ki Marugul ngagerem, sedeng kadenge sada urat sarap anu ratok, disakujur badana kiMarugul. Ting reketek ting derekdek, disusul ku bijil bulu saawak-awak. Teu lila cungungung... ngadadak siMarugul nyungungung matak keueung. Sanajan jirimna tetep ngajentul dina raga manusa, tapi jelas.. sanyatana kiMarugul kaitung mahluk kajajaden.
"Ajag Ludira..."
KiSubali ngagebeg, tapi memeh sadar kiMarugul langsung ngagajleng bari nyabetkeun cakarna rek ngarajetkeun awak kiSubali.
"Siut, jorelat... wuss..."
Brah... tihang balandongan langsung paburantak, rajet lir disabet mata pedang salima-lima.
"Hhh! Pantesan dikota raja loba korban ajag anu teu bisa ka usut.. dagening Andika palakuna..."
"Haha! Pokona anu sakur ngahalangan atawa teu bisa diajag gawe bareng sateng Rama ajimantri, kudu binasa. Heup..."
Ceuk kiMarugul bari nyusul tepus, ku dua sabetan sakaligus.. ngarah dada jeung cangkeng kiSubali.
Jleng... sek-seak, plos-plos. Jlig!
Kalawan tapis, ki Subali luncat katukang. Mangsa sukuna nincak lemah, langsung ngawatek pamupul bayu sarta langsung ditotogkeun kahareup pasusul-susul.
"Wuus...!" "Buk! Buk!'
Kena kana dada Ajag, anu kontan ngagaur bari ti jengkang katukang.
Ebreh palebah dada kenca katuhuna, genteng tapak kateunggeul! Ngan teyela eta ajag masih tetep tagen teu kerel-kerel.

#Dongsun
#Banjir_Getih_DiSangga_Buana
#ka_26

Jleng... sek-seak, plos-plos. Jlig!
Kalawan tapis, ki Subali luncat katukang. Mangsa sukuna nincak lemah, langsung ngawatek pamupul bayu sarta langsung ditotogkeun kahareup pasusul-susul.
"Wuus...!" "Buk! Buk!'
Kena kana dada Ajag, anu kontan ngagaur bari ti jengkang katukang.
Ebreh palebah dada kenca katuhuna, genteng tapak kateunggeul! Ngan tetela eta ajag masih tetep tagen teu kerel-kerel.
"Hehahaha... heup!"
KiMarugul siManusa satengah ajag seuri ngahaha. Kukuna beuki manjangan, pon kitu deui beungeutna mimiti robah monyong sarta mimiti tembong sihung-sihungna nu ranggeteng.
"Auuuuu..."
KiMarugul babaung, sedeng langit ngadadak angkeb. Mega hideung ngadadak ting buringkal, buntut pihujanen nepikeun ka ngadingding matak keueung.
"Jleng.. jorelat!"
Ngadadak kiMarugul siManusa ajag ngagajleng, gerakannana leuwih gancang tibatan tadi. Sapasang leungeuna dicakarkeun piligenti pasusul-susul, nimbulkeun sora anu ting caruit, basa kuku-kuku leungeuna ngahiuk melah angin.
Bari ngawatek kakuatan tapak Bayu anu matak ngaleumpeuhkeun, kiSubali oge ngalapisanan badan ku kakuatan ku Weduk Banyu, anu ngalantarankeun sakujur badana ngadadak weduk, bari kapindingan kucahaya semu biru.. nepikeun ka pating keredep.
KiSubali sadar sakali kulit dagingna katurih atawa kasabet.. tanwande tiap-tiap mangsa bulan purnama, jirimna bakal robah jadi manusa ajag.. sarta bakal ngalaman rasa haus nu pohara, nepikeun ka cageur sanggeus nginum getih manusa!
"Jleng-hiuk kolebat, wut wus plak-plak... Deus!"
Sababaraha kali kiSubali hasil nyingkahan, tapi teu jarang oge manehna nakisan nepikeun ka ngaluarkeun sora anu ting gareblug matak keueung.
Sabenerna sababaraha kali kiSubali hasil neunggeul siManusa ajag, tapi kawas tadi kiMarugul atawa simanusa ajag siga teu boga kanyeri. Awakna bener-bener kuat teu rengrot-rengrot, elmu pamupul bayu siga euweuh pangaruhna naon-naon.
"Haha... mana kakuatan Pancatunggal nu rohakateh heh, mana? naha ngan sakitu...?"
Kadenge kiMarugul mapanas, dina sora anu ngagerem semu rebek.
"Hhh! Dasar kalamercu, mahluk saperti Andika lamun teu dimusnahkeun. Matak cilaka bangsa manusa!"
"Haha... upama bisa, yap. Atawa malah sabalikna Andika nu bakal modar. Auuu..."
Ceuk siManusa ajag ditungtungan ku babaung, sedeng sapasang leungwuna nu sarekeut ku kuku kokolebatan gancang nepikeun ka robah jadi bayangan.
"Deus-deus, darr...!"
Deui-deui kiSubali notogkeun elmu pamupul bayuna, ngahanca awak siManusa ajag. Tapi nepikeun kaharita, eta manusa ajag tetep tagen tina tangtunganana. Nu tiap kakenaan, ukur ngagigeg meueusan teu nimbulkeun tatu naon-naon. Malah..
"Hiuk kolebat wut.. bret..."
kiSubali ahirna kabenangan kasabet ku kuku-kukuna nu ranggoas. Sanajan kulit kiSubali weduk, tapi tetep bae awakna nepikeun ka ngagulitik diudara sarta ngagedebut dina lemah.
"Haha! Modar siah Subali, haha. Heahhh..."
KiMarugul simanusa Ajag ngahaha, bari terus ngarontok ayeunamah sungutna pisan anu rek nyasaak kiSubali..
"Tapi... geblug!!"
Ngadadak ditengah jalan awak kiMarugul aya nu ngababuk ku hiji barang teuas tur panjang.
Awak kiMarugul langsung nembrag batu gede nepikeun ka eta batu ajur burakrakan.
Korejat! Kimarugul hudang bari babaung. Ret... kanu bieu ngababuk dirina. Ana breh, siJembros geus salin jinis. Jadi Kalananta, alias mahluk satengah oray satengah manusa. Nu matak miris, sapasang leungeuna nu ranggoas keur nyekel opat hulu nu jadi lawan-lawana. Tembong getih masih nyaraclakan lebah beheung kana lemah matak ketir tur kukurayeun.***
"Auuu...! Haha... teu nyana gening, Andika ge kalamercu, siah Widura! Haha..."
Dina sora anu meh teu harti, kadenge kiWidura nembalan. Sedeng sapasang panona hurung lir mereh dalima.
"Kaula kieu akibat pagawean siMegantara katut Andika! Wesrrr...! Sakeudeung deui, nasib Andika baris binasa cara ieu opat urang jalma..."
"Haha...! Auuu.... hade, urang buktikeun, saha anu bakal binasa dina poe ayeuna. Heyaa..."
Gajleng-gajleng! Teu bina ajag sajati, jirim kiMarugul langsung ajleng-ajlengan dina taneuh, pamungkas ngagajleng kahareup bari ngubetkeun sapasang leungeuna nu sareukeut.
"Pras-pras-pras..."
Kadenge sada barang anu pejah, basa opat sirah ancur dibaledogkeun ku siKalananta, sarta ancur kasabet ku kuku-kukuna nu sarekeut.
"Rrrrr..."
#Hanca
#Dongsun_manggiok

#Dongsun
#Banjir_Getih_DiSangga_Buana
#ka_27

"Haha...! Auuu.... hade, urang buktikeun, saha anu bakal binasa dina poe ayeuna. Heyaa..."
Gajleng-gajleng! Teu bina ajag sajati, jirim kiMarugul langsung ajleng-ajlengan dina taneuh, pamungkas ngagajleng kahareup bari ngubetkeun sapasang leungeuna nu sareukeut.
Ngan bae samemeh keuna. SiJembros atawa Kiwidura nu geus salin jinis, langsung maledogekun opat sirah kapalebah kiMarugul pasusul.
"Hiuk, kolebat... Wut!"
"Pras-pras-pras..."
Kadenge sada barang anu pejah, basa opat sirah ancur disabet, kasabet ku kuku-kukuna nu sarekeut.
"Hiuk geblug, jelebet...!"
Buntut oray kena kana awak jeung beungeut ajag nepikeun ka pating jelebet. SiAjag ukur ngagaik, tuluy melewung bari nyakaran deui siKalananta.
Tungtungna dua mahluk kajajaden langsung campuh galungan.. duanana geus teu ngagunakeun deui jurus-jurus silat. Ngan bae katembong duanana silih sabet jeung silih cakar, geus puguh silih teunggeulmah, nepikeun kakadenge sadana anu ting beledug matak keueung.
Ditempat sejen katembong kiRundayan jeung dua kuncen ti pakuburan geus nepi katahap pamungkas.
Tiluanana geus ngawatek masing-masing elmu pamungkasna, katembong awak kiRundayan kekeredepan ngaluarkeun cahaya wiru. Sabalaikna dua kuncen ti pakuburan, sapasang leungeuna geus raruhay nepi ka masing-masing taktakna.
"Heup heyaa..."
"Plak-plak! Deuss... Peull..."
Tilu leungeun patarema sarta langsung napel, tetela sanajan ngalawan dua kiRundayan tetep tagen.
Dua sinar anu ngalingkung masing2 leungeuna  tembong silih sered, kesang sagede-gede kacang kadele langsung renung lebah tarang nu keur ngadu tanaga.
Nya dina kaayaan kitu, ngadadak hiji jirim ngolebat kasatukangeun dua kuncen pakuburan. Katembong sapasang leungeuna ruhay, tuluy digebugkeun kapalebah walikat kenca katuhuna ngadon ngabantu ku tanaga lapisan.
"Blaarrr!!!"
"Aaakkhh..."
Kadenge sora nu ngabeledug, disusul ku meclengna awak kiRundayan katukang. Lebah sungutna, mucrat getih seger.. tuluy ngagedebut bari jungkel jumpalik aseupan.
"Hahaha!"
Kadenge eta jalma nu taya lian ti kiMegantara seuri, bari ngajorelat kahareupeun kiRundayan, nu geus ripuh tatu parna.
"Me... megantara! Uhukh-uhukh.. tetela, Andika licik tur telenges...!"
"Poe ieu, Andika kudu binasa, bongan jadi panghalang..."
"Uhukh-uhukh...! Paeh nya paeh, taya bayana.. upama geus waktuna, uhukh!"
Ceuk kiRundayan teuneung taya kakeueung tur karempan, sanajan bahaya maut geus nyantong hareupeunana.

on kitu deui

#Hanca
#Dong_giok

#Dongsun
#Banjir_Getih_DiSangga_Buana
#ka_28

"Uhukh-uhukh...! Paeh nya paeh, taya bayana.. upama geus waktuna, uhukh!"
Ceuk kiRundayan teuneung taya kakeueung tur karempan, sanajan bahaya maut geus nyantong hareupeunana.
"Hahaha... heup!
KiMegantara luncat kaluhur, bari ngagebugkeun leungeun nu geus ruhay, muru sirah kiRundayan anu keur tapak deku. KiRundayan ukur mampuh ngangkat leungeun bari ngerahkeun elmu nusarua. Sanajan binasa, manehna kudu binasa dina kaayaan ngalawan.
"Tapi, wuss... ngadadak sarangkum angin nyamber datangna ti arah kenca. Sanajan teu apal saha nu ngirimkeun, tapi kiMegantara nyaho.. eta teunggeulan ngandung pamupul bayu anu matak ngalumpuhkeun.. malah ngabinasakeun.
Ku kituna daek teu daek kimegantara, ngarobah serangan jadi takisan.. sakedet netra, sapasang leungeun anu tadina ruhay langsung robah jadi koneng kaemasan, tanda sarua geus ngerahkeun tapak bayu. Hiji parobahan anu kacida hebatna, sabab jago biasa bakal sulit ngarobah tanaga lapisan tina panas jadi bayu.
"Darrr!!!"
Kadenge sada nu ngabeledag, taneuh karasa inggeung. Angin anu pejah tina bentrokan, ting saleor kamada papat nimbulkeun sora nu ting beletuk matak keueung.
"Seorr... juralit-juralit, jleg!"
Awak kiMegantara tembong jujuralitan diudara sarta nyelegedeg nangtung, teu jauh ti urutna tadi.
Panona langsung mureleng, hatena kaget ka jalma anu nyerangna bieu. Ana breh.. kiSubali geus nangtung, malah tembong geus ngajega gigireun kiRundayan.
"Haha! Kurang ajar, siah. Kabisa maen bongohan..."
"Hhh! Naha lain sabalikna Andika anu licik tur culas?"
"Haha! Bisa bae Andika malikeun, Subali. Hade, poe ieu Andika duaan kudu binasa. Heup..."
Reketek... cacap nyarita kitu kiMegantara langsung ngawatek Pamupul Bayuna. Malah ebreh sakujur badana langsung babaracatan ngaluarkeun cahaya koneng kaemasan.
Ningali kitu, kontan bae kiRindayan katut kiSubali ting garebeg, sabab ku sakitu ge maranehna apal upama kiMegantara geus nyangking Panca Tunggal dina inti bayu nepi ka tingkat dalapan.
"Kaula bener-bener teu nyana, upama Anjeun mibanda pamupul bayu nepi katingkat dalapan, Megantara. Pantes, kiguru katut kang Gagu nepi kabinasana..."
"Haha... bener sarta sakeudeung deui, andika duaan baris nyarusul kaalam baqa ku elmu nu sarupa. Haha..."
"Uhukh-uhukh!" Kadenge kiRundayan batuk-batuk bari nguniang hudang.
"Poe ieu lamun kaula teu bisa males pati, kaula geus teu sudi deui hirup dialam dunya..."
"Hahaha! Lamun kitu kahayang Andika. Ayeuna keneh kukakula bakal dikabulkeun. Hayahhh..."
Ceuk kiMegantara bari sebrut wae, manehna narajang.. sapasang leungeuna nu ngabaracat ngandung elmu pamupul bayuteh, langsung ting hariuk pasusul-susul ngarah kiRundayan.
Tapi sok sanajan kiRundayan geus tatu, teu sagawayah kiMegantara bisa ngarubuhkeun kitu bae. Buktina sok sanajan hese beleke, kiRundayan mampuh ngepeskeun eta serangan, tuluy jingkrak ngajauhan.
"Wuuss..."
kiMegantara anu memang hayang buru-buru ngarengsekeun ieu jalana pertarungan tuluy nyusul tepus, ramo-ramo leungeuna nu ramakahteh, ngahiuk rek ngarameus beungeut kiRundayan.
Tapi samemeh kena, deui-deui tukangeuna aya angin serangan muru tonggong.
Atuh kapaksa kiMegantara ngabolaykeun seranganana, tuluy ngalabuhkeun maneh bari malik katukang.
Breh ebreh.. angen kiSubali molongpong taya tedeng aling-aling, ku kituna sanggeus nejek taneuh.. awakna langsung ngabelesat, sedeng pamupul bayuna geus ngahiuk rek nebrag hulu angeun.
"Wuuss..."
"Blug!"
Tangkal mahoni sagede cangkeng kolot  anu aya tukangeun kiSubali langsung rujad tur tosblong, ngawangun tapak leungeun kiMegantra.
Tungtungna, kiMegantara tarung dihuruk kuduaan nyatana ku kiSubali jeung kiRundayan. Tilu jirim kontan ting kolebat deui, ayeunamah katembong rada saimbang. Pangpangnamah ku geus taratuna kiSubali jeung kiRundayan.
Sababaraha kali  kiMegantara beunang katotog, boh walikat boh dadana.. tapi bangunateh teu keler-kerel siga teu ngarasakeun naon-naon.
Nepikeun ka ahirna ngadadak awak nu duaan laluncatan katukanh, tuluy ngagabungkeun dua kakutana kucara napelkeun masingsing dampal leungeuna. Sedwng nu hiji deui, didorongkeun kahareip dipake mapakan sapasang leungeun kiMegantara.
"Hiuk, kolebat, wusss...!"
"Blar...!!!"
Dua kakuatan bentrok, disusul ku mentalna awak kkMegantara katukang bari jeung jujumpalikan.
Blig, nincak lemah bari jeung seuri ngagakgak.
"Haha! Naha ngan sakitu kakuatan gabungan Andika duaanteh, heh?"
Pokna bari jeung mureleng kanu duaan anu bangun geus ripuh tarapak deku, bari ngatur napas akibat ngadukeun tanaga sakti bieu.
"Uhuk! Uhukh! Kakuatan Andika memang hebat, Megantara. Tapi..."
"Tapi naon?"
"Ngulik Pamupul bayu kucara maling-maling, najan kumaha kurang hade tur ngalanggar kode etik padepokan...."
"Ah, teu paduli teuing. Nu jelas genimh poe ieu eta elmuteh, bisa dipake ngungkulan anjeun duaan. Haha! Tah ayeuna, geus waktuna andika duaan nyusul guru jeung murid kaalam baka. Hahaha..." Ceuk kiMegantara bari ngagegag ngadeukeutan nuduaam, salengkah demi salengkah.
Ngan bae, ngadadak lengkahna pugag. Basa karasa sakujur awakna ngadadak heras teu bisa digerakeun.
"E-eh... naha? Naha jadi kieu..."
"Kaunikan pamupul bayu teu keras vara elmu nu sejena..."
"Maksudna..."
"Dina tahap kasalapan, elmu pamupul bayu geus teu ngandelkeum kakerasan. Sababaraha kali, tadi titik urat andika benang ditepak. Sanajan teu langsung ngalumpuhkeun, tapi sarap andika laun tapi pasti bakal ngalaman pejah. Ngan bae saking ku lemesna andika moal ngarasakeun sapadaharita. Tah, kiwari.. efek eya elmu, mimiti digawe. Dimimitian ku heurasna awak Andika teu bisa digerakeun..."
"Tu... tuluy?"
"Sakujur urat andika bakal timbul kaluar dina kulit jeung daging..."
"Te... terus..."
Panon kiMegantara buncelik, basa nyaksian sakur uratna ranteng kalaluar semu wiru.
"Sateruana Andika teu bisa nanaon, sarta sakur palawangan andika bakal ngagolontorkeun getih seger..."
"Argghhhh..."
Sewur-sewur... bener bae.. tina panon, baham jeung irung katut ceuli tingsalewur getih seger nepi kasaatna.
Bareng ngagubragna, awak kiMegantara kana lemah manehna binasa ku elmu pamupul bayu, anu dipake mergasa guruna sorangan. Kiwari, kiMegantra geus metik hasilna ngala buahna, akibat hukum karma dinu jadi guru katut lanceuk sapagurona.

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_29

Ari di tempat sejen katembong siBrewok atawa kiWidura ngeus hasil ngungkulan siManusa ajag nyatana kiMarugul. Katembong kiWidura geus ngajungkung nangtung ku buntut oray anu diringkelkeun. Leungeun katuhuna nu rangoas ngaranggeum hiji sirah, nu dina palebah beuheungna masih nyarakclakan getih seger.
Teu jauh tidinya awak kiMarugul geus ngababatang tanpa sirah, singhoreng samemeh binasa.. simanusa ajagteh beunang di beulit heula, sarta tuluy beuheungna diparieuskeun malah sirahna hasil didudut sapada harita.
"Hahaha! Hahaha..." Kadenge siKalananta seuri ngagakgak semu ngagerem. Malah belesat, awakna langsung ngabelesat muru dua jalma anu keur jojoh tarung dihuruk ku para murid padepokan.
Guriwel... guriwel, eta dua jalma anu taya lian ti dua kuncen tipakuburan hasil dibeulit, tuluy dihijikeun.
Puguh bae, lain deui aki Dira jeung aki Kasam kagetna..  dumeh teu pupuguh awakna ujug-ujug aya anu ngabakutet tangka bisa bagerak. Sababarakali tanagana dikerahkeun pikeun muka beulitan, tapi edas.. beulitan orayteh kacida pisan kuatna. Malah boro bisa lepas, masing-masing awakna beuki dipeureut nepikeun ka ngaluarkeun sora nu ting derekdek pating kurukuk. Sedeng karasa, masing-masing ambekanana sesek nepikeun kaketug jantungna ge kadenge.
"Teu... teu disangka, ge.. gening anjeunteh kalamercu, wi... Widura?" Ceuk aki Kasam satengah ngorok.
"Geus disebutkeun tikamari, leuwih hade Andika mulang kapajaratan. Tapi ku Andika teu didenge, ayeunamah wayahma andika duaan kudu binasa jadi pangeusi jero kubur..."
"Aahh.. augrh..."
Dua kuncen pakuburan adug songkol, nepikeun ka ahirna kadenge sada anu ngorokok! Basa masing-masing sirahna dirabut, ku siKalananta.
"Arrgh..."
SiKalananta ngagerem, laju ngamuk ngowak-ngawik buntutna buburingkalan, tuluy ting jalebet ngabinasakeun sakur jalma-jalma anu dina pandanganana biluk ka kiMegantara.
Layon langsung balatak, bugang patulayah patumpang tindih bari kaambu hangru matak ketir nu nyaksian.
Poe eta dipuncak Gunung Sanggabuana banjir getih, puluhan jiwa ngalayang jadi korban ka angkaramurkaan.
Ningali kaayaan sarupa kitu, lain deui sedih jeung nalangsana kiRundayan katut kiSubali.. tapi maranehna teu bisa nyegah ..sabab duanana ge geus meh beakeun tanaga.
"Wi... Widura, eureunkeun... eureunkeun kakejeman Andika? Uhukh-uhukh..." Kadenge kiRundayan cumarita, dibarung ku batuk-batuk.. manehna nyobaan ngelingan adi sapagurona.
"Pokona.. sakur anu hianat kudu binasa.."
Bari belewer... siKalananta ngabalangkeun hiji
sirah kapalebah aki sintung anu rek kabur. AkiSintung ukur ngajerit, sirahna pada bitu dibentur ku sirah jalma.
Nya dina kaayaan kitu, ngadadak kadenge sada anu ngagerenggeng handaruan datangna siga diluhur langit.
"Jagad dewa bhatara, hung... ahung tantya ahung..."
Ceuk eta sora disusul ngalayangna hiji jirim sarta langsung ngabelegedeg.. hareupeun siKalananta.
Mireungeuh aya jalama nu anyar datang, teu tatapa sini deui. Ngan hiuk bae, siKalananta ngababukeun buntutna muruh sirah.
"Jagad dewa bhatara nyaan telenges...". Ceuk eta jalma bari nakiskeun pigeulang leungeuna.
"Seak, wut... beledug!"
Kadenge sora nu ngabeledug matak katorekan, silalatu kontan mungsrat dibarengan ku kilat anu ngaberebet palebah bentrokan.
"Hung... ahung, tantya ahung! Tetela andika mahluk kejem! Upama teu dibasmi, andika bisa ngabahayakeun umat mangnusa. Heup..."
Walon eta jalma bari ngajaul nepi kamumbul, basa turun langsung notogkeun peureup kenca katuhuna.
"Duar! Duar! Duar!!"
Kadenge sada anu ting beledug passul-susul basa taneuh anu kagempur bitu, nepikeun ka bubukna manca wura kamana-mana.
"Jleg! Nyaho-nyaho ditengah pakalangan geus ngajanteng hiji sepuh, anu pakeanana sing sarwa bodas. Horeng eta sepuhteh, eyang ragasuci anu samemehna kungsi kacaritakeun.
"Hmm... saha Andika, hemh?"
Ceuk kiWidura bari mureleng ka eta sepuh..."
"Kaula, sang Purahita karajaan sunda. Nu rek ngabasmi anjeun..."
"Jalma nu binasa ku kaula, eta geus layak!"
"Andika teu ngabogaan hak nyabut nyawa batur..."
"Hmrrggh..."
"Kang... kang Widura, leres kasauran eyang resi. Eureunkeum sagala kakejeman akang..."
"Widura, teu sakabehna murid padepokan bikuk ka siMegantara!"
Ceuk kiSubali katut kiRundayan, kitunateh bari nyampeurkeun sang Purahita Ragasuci.

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_30

"Jalma nu binasa ku kaula, eta geus salayakna binasa!"
"Jagad, dewa bhatara.. ukur hyang Agung nu ngagaduhan hak kana nyawa mahlukna. Andikamah estuning  teu ngabogaan hak, sok komo pikeun nyabut nyawa batur..."
"Hmrrggh..." SiKalananta ngajungkungkeun awakna kaluhur, awakna nu dedeg tembong ting gurilap herang.. perbawa pantulan tina sisit nu minuhan sakujur badana.
"Kang... kang Widura, lamun leres anjeun kang Widura. Murid eyang Bundarwastu. Gugu kana kasauran eyang Ragasuci..."
"Bener, Widura.. teu sakabehna murid padepokan biluk ka siMegantara!"
"Hmrrgh..."
Ngadadak kiWidura ngerad hiji jalma ku buntutna, sakali ngagibegkeun awak eta jalma langsung pejah.. tuluy binasa dina kaayaan remuk tur paeh molotot.
"Hung, ahung tantya ahung. Heupp..."
Sang Ragasuci geus teu bisa ngantep. Ngan sakilat awakna ngolebat bari ngirimkeun sababaraha tenggeulan.
"Wat, wut.. wat, wut.. bleg!"
Jurus pamungkas kena kana dada siKalananta nepikeun ka ngagerung. Tuluy ngadayagdag, tapi memeh nambru.. buntutna muntang kana tangkal nepi ka melit.
Bruth.. saterusna, eta tangkal dirabut sarta dibabetkeun kapalebah sang ragasuci. Taneuh, mancawura.. akarna rambay, sedeng catangna ngahiuk rek nganbanting.
"Jleng..." Sang Ragasuci ngajleng kaluhur, tuluy melenting.. nepi ka eta catang lewat, ukur sababara dim deui kena kana awakna.
"Jlig! Bet-bet... belasat!"
Sanggeus sukuna nincak lemah, sang Ragasuci tuluy muru.. ayeunamah katembong sapasang leungeuna langsung ngabaracat matak serab. Eta jurus disebut Sinar Pajar-Nyaangan Bumi.
"Deus-deus, blugh..."
"Aurghh..."
Sababaraha kali, seranganana benang ditakis.. sababaraha kali deui tapak sang Ragasuci kena kana sasaran.. tapi tetela, siKalananta kuat taya tembong nyeri atawa kateter.
"Hmmrgg..."
Kadenge siKakanta ngagerem, dadana ngadadak kempleng, sedeng sungutna melendung siga anu keur ngabaheum ciduh.
Malah, sebrot..! Sikalananta nyiduhkeun caeran warna hejo, rek ngahujanan awak sang Raga Suci.
"Wus... bup! Perepet..."
Eta ciduh anu memang perah anu kacida hebatna kena kana tihang balandongan nepikeun ka luluh tur marekplekan malah nepi ka ancurna.
"Jagad dewa bhatara, upama mahluk saperti anjeun diantep. Tangtu umat manusa baris punah! Heup...!!"
Sang Ragasuci katinggal muterkeun sapasang dampal panangana ngawangun buledan bumi, laju didorongkeun kapalebah tatangkalan nu aya luhureun siKalananta..
Ngadadak bae kadenge sada nu ngaguruh tur handarua, di susul ku ngaborobotna dahan tatangkalan ka sapu ku samberan angin rongkah. Atuh... bray... ngadadak disabudeureun kiWidura caang, kahibaran sangsurya anu geus tunggang gunung. Nu otomatis bae, awak kiWidura langsung katojo ku barasatna cahaya panon poe.
Meh bareng jeung katojona awak ku cahya sang surya. “Bupp...” ngadadak awak kiWidura kahuru, langsung ngabebela ngentab-ngentab disakujur badana. Jeriiitt... kiWidura langsung ngajerit matak ketir.
kiWidura: “Aduuuuhh...!!! ampunnn...!! panas...!!”
Ceuk siKalananta bari jeung gugulingan kaditu-kadieu. Seuneu beuki ngabebela ngaduruk awakna, kulitna langsung jiih ting baletuk kahakan ku seuneu.
Ragasuci: “Bongan Andika jahat tur teu telenges, wayahna alam bakal ngahukuman andika. Hung ahung Tantya ahung...”
kiWidura: “Aahh... ahhh... ampun... kuring... kuring taluk, sepuh. Aahhhh....”
"Eyang, mugya kiWidura ulah dibinasa..." Ceuk kirundayan bari sungkem.
"Leres eyang, abdi yakin ieu sanes kahoyong anjeuna..."
"Hmmm... ngingetkeun, kaula masih butuh ku anjeun, heug.. kukaula dihampura..."
Sang Ragasuci ngibaskeun deui panangana, nu sakali ieumah langsung ngaluarkeun samberan angin nu ngandung hawa janari... eta bae nepi katembong uap bodas, tanda eta kebutan bener-bener tiis matak ngabekukeun.
Pess... seuneu langsung parem. Sedeng lalaunan, awakma ngarentet malah jleg bae, jadi manusa saperti biasana.
Saterusna kiWidura dibawa katempat anu iuh, tuluy dirawatan ku kiRundayan katut ki Subali.
Sanggeu kaayaan rada rineh, kiRundayan ngumpulkeun para murid anu salamet.. sarta maremtahkeun, sangkan ngurebkeun layon anu bayatak.
Teu kacaturkeun kumaha riweuh jeung angkrah- ingkrihna para murid padepokan anu ngurusanan layon.
Urang kocapkeun dihiji rohangan padepokan, katembong kiWidura geus diriung. Utamana ku kiRundayan jeung kiSubali katut sang Purahita karajaan sunda.

#Hanca
#Dongsun_manggiok #Dongsun
#Banjir_Getih_DiSangga_Buana
#ka_31

 Urang kocapkeun dihiji rohangan padepokan, katembong kiWidura geus dirariung. Utamana ku kiRundayan jeung kiSubali katut sang Purahita karajaan sunda. Malah sababaraha urang murid senior ge aya, maranehna para murid anu salila ieu tetep satia ka Suwargi Bundarwastu.
Diluar kaayaan geus reup-reupan, layung tinggal sesana.. lalay badot jeung kalong geus kaluar tina panyumputanana.
Kacaangan ku lampu tempel,cahya
"Cing Widura, kumaha caritana pangna Andika bisa jadi robah sarupa kitu?" Kadenge kiRundayan, mimiti muka obrolan.
"Kuring... Kuring.. sorangan teu apal kumaha carana nepi ka jadi kieu, aka? Ngan nu jelas, kuring karek apal sababaraha minggu anu kaliwat..."
"Geningan bisa kitu?"
"Bener aka, mangsa kuring hanjat kadarat raga kuring ujug-ujug robah jadi sarupa kieu. Utamana mun kaayaan kuring keur kadesek, atawa keur nandangan haus anu kacida hebatna..."
"Kutan kitu? Tapi.. hanjat kadarat teh, hanjat kadarat kumaha, Widura?"
"Terus terang bae, kuring kapahung dihiji jungkrang sumur hamper 20 taun lilana. Kuring disalametkeun ku siInjukkawung..."
"Horr.. Lain sabalikna Widura?"
"Henteu, ka. Kajadian anu sabenernamah justru kuring anu disalametkeun, sabab mangsa harita.. kuring geus hampir sakarat ku balati milikna hiji awewe anu nelah nyimas Antinglaras. Nyaharita, raga kuring dipeureut satengah diawetkeun. Anu tuluy kuring dibawa kajero dasar jungkrang anu kacida jerona, kuring dijagragkeun ka hiji nini-nini anu cenah mampuh ngagayuh sukma anu tepi kana titis tulisna..."
"Baruk, beu!! Bener-bener aheng geningan pangalaman Andika teh, Widura. Nu matak hemeng, geningan andika bisa hirup dijero jungkrang anu sakitu jerona tanpa sang Surya?"
"Kuring sorangan ngarasa heran, aka. Ngan nu jelas, tiap tilu poe sakali kuring tara elat dibere tirta suci..."
"Andika apal tina naon eta Tirta suci dijieuna, Widura?" Ngadadak sang Ragasuci ngasongkeun pananya.
"Duka, eyang. Mung nu jelas, satiap rengse nginum eta cai. Awak kuring ngarasa seger tur harampang.."
"Tah, nya ieu pisan anu matak bahaya pikeun umat manusateh. Malah nya ku alesan ieu pisan eta nini-nini diasingkeun dijero jungkrang sumur..."
"Memangna dina naon kitu eyang eta ramuan Tirta suci didamelnateh? Sareng saha siNini gringsing kuning nu saleresna?"
 "Hmm.. lamun teu diterangkeun ti awal, andika moal ngarti sarta sasaha pasti nyebut kaula kejem. Padahal lamun disalusur kasantukang na mah teu kitu, sabab nyegah ka aramurkaan hiji diantarana mupus mataholang bibit panyakitna..." Saur eyang Ragasuci bari rut-ret kasakur anu ngaroung sidta patempatan. "Perlu kuandika dikanyahokeun, Widura. Sanyatana siGringsingkuningteh, hiji mahluk anu kacida pisan ngabahayakeunana. Naon margana? Sabab manehna hirup dina nyesepan getih mahluk-mahluk liana, diantarana manusa. Tah, tirta suci anu salila ieu ku Andika diinumanteh sanyatanamah getih manusa. Tapi palebah dieu kaula ningali, Andikamah teu sagemblengna salah.. malah bisa disebut sabalikna, andika mangrupa korban. Korban siGringsing kuning, anu memang mihareup bangsana ngarekahan deui ku cukang lantarama anjeun..."
KiWidura ngaheruk teu nembal, sedeng nu sejena jempling taya nu wani nyoara. Kakara sanggeus rada lila, kadenge kiRundayan anu memang ngarsa panasaran, milu cumarita deui.
"Eyang resi, naha kiadi bisa dipulihkeun deui saperti sabihara-sabihari deui?"
"Tangtu bae bisa, ngan saratna kawilang berat. Sabab gumantung ka kiWidurana sorangan. Naha daek atawa henteu ngalaksanakeunana?"
"Asal abdi tiasa janten jalmi biasa deui, abdi sanggem ngalaksanakeunana, eyang..."
"Jagad, dewabhatara. Sukur atuh ari kitumah..."
"Tapi naon atuh saratna, eyang?"
"Dina waktuna, kukaula bakal dibejaan..."
"Upami kitu, hatur nuhun sateu acana..."
"Hm... mugya, sang hyang kersa ngaijabahna, hung ahung, tantya ahung..."****

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_32

Sababaraha poe tiharita, upacara pangangkatan tutuwa anyar diteruskeun, ngan bae ayeunamah anu dibenumteh kiRundayan. Para tamu ondangan anu apal kaayaan geus tiis, saurang-saurang mimiti daratang deui.
Upacara lumaku kalayan lancar, sarta kiRundayan resmi jadi tutuwa padepokan pancaruntah. Sakur murid padepokan ngarasa bungah tur bagja, sabab kiwari eta padepokan geus boga tatuwa.. satutas hamper sakitu tauna kosong, alatan ditinggalkeun maot ku eyang Bundarwastu.
Heuleut dua poe tiharita, kiSubali pamitan mulang ka kota raja, seja ngalaporkeun naon-naon anu geus kajadian di Sanggabuana. Utamana ngalaporkeun ku tiwasna Senapati Marugul anu sanyatanamah siManusa Ajag, anu kungsi muncul dikota raja sababaraha kali bari nebarkeun rajapati. Sarta ngabarkeun yen anak angkatna Ajie Mantri anu nelah kiMegantata oge milu perlaya dina uru-ara intern padepokan. Malah yeu lila kiSubali mulang, kiWidura oge pamitan.
"Jadi Andika oge rek pamitan, Widura?"
Ceuk kiRundayan bari neuteup adi sapagurona.
"Leres aka, abdi gaduh maksad hayang mulihkeun heula jati diri sangkan teu kapahung dina raga kawas kieu..."
"Upama kahayang Andika kitu, bral atuh.. adi. Kukaula di dungakeun mugya sagala rupana masing lancar tur tinekanan..."
"Hatur nuhun, aka..."
Duanana tuluy silih tangkep bangun anu sungkan papisah. Puguh duanana ge masih pada sonona, sasat geus welas-welas taun teu patepung ari ayeuna kudu geus pisah deui bari teuing iraha deui panggihna.
"Reungeukeun Widura, saupama sagala rupana geus beres. Kaula miharep, Andika mulang deui kadieu..."
"Urang tinggal bae kumaha saena, aka..."
"Hmm..."
 "Eyang, hayu atuh..."
"Jagat dewabathara, hung-ahung, tantya ahung. Saupama niat jeung patekadan andika geus buled kitu. Yap, Widura..."
Saterusna kiWidura pamitan kasakur pangeusi padepokan, sarta miang tur dijajapkeun nepi ka suku gunung Sanggabuana.
Diantara iuh-iuhna tatangkalan duanana lumampah, marake elmu lumpat nu geus sampura.. duanana mangrupa dua jirim kalangkang anu ngolebat nandingan kilat. Mun pareng pasangrok jeung jalma kontan ting raringeuh, sabab aya dua samberan angin ngaliwat ka gigireunana.
Teu kacatur lilana dijalan, sanggeus lumampah make elmu lumpat teu kungsi dua poe, maranehna geus tepi kanu dituju.. nyatana jungkrang sumur.
Angin mungguh ngaguruh, sora daun seah awor jeung sora-sora sato anu aya disabudeureun jungkrang sumur.
"Kumaha eyang, naha bade ngiring turun? Atanapi bade ditunggu didieu?"
"Leuwih hade ku kaula ditinggu didieu, widura..."
"Unjuk sumangga..."
"Kade lamun bisa, pancing maranehna kaluar..."
KiWidura ukur unggeuk, geus sungkem laju turun kahandap seja ngalaksanakeun rarancang anu samemehna geus dibadamikeun.
Satepina ka dasar jungkrang, kiWidura dibageakeun ku nyimas brongsong ijo, katut sinini. Teu wudu rembay cimata, sabab bungah dumeh kiwidura geus mulang teu jalir kana janji, cidra kana subaya.
"Kumaha didunya luhurteh Widura? Naha urusan andika geus rengse?"
"Atos, nini..."
"Jadi bener sagala beja anu sumebarteh? Yen guru Andika geus perlaya kumuridna?"
"Leres nini, nanging saatos ditalungtik palakuna sanes  kang Rundayan, tapi kiMegantra..."
"Hmm... jadi bener atuh pirasat Andika mangsa haritateh, Widura..."
"Muhun nini, ti kawit nguping ge abdimah teu percanten saupamama palakuna kang Rundayan. Abdi apal pisan ku maha sipat sareng watakna kang Rundayan..."
"Ngan aya hiji hal anu matak teu kaharti nini, mangsa abdi tarung jeung siManusa ajag! Kunaon waruga abdi bet jadi salin jinis, jadi mahluk anu pikasieuneun?"
"Hehe... wayahna, Andika kudu bisa narimana. Sabab lamun euweuh kami, jiwa silaing kiwari boa geus aya dimana? Anguranmah, geus cicing didieu ulah incah balilahan, tingali beuteung siBrongsong ijo. Moal samingguan deui ge pasti ngajuru..."
KiWidura teu nembalan, manehna ukur ngeluk bari hatena ngenes ku nasib dirina.
"Muhun kang jaka, tikawit ayeunamah tos tong seueur emutan. Popohokeun dunya luhur, sabab kiwari akang bakal janten bapa. Jadi raja diieu jungkrang sumur..."
"Muhun mangga, nyimas. Tiseret ayeuna akang janji bakal teras aya disahedengeun salira, geus moal incah balilahan..."
"Hatur nuhun atuh, kang Jaka..."***

#Hujan_cimata

Isuk deui berang deui, nyerelekna waktuteh istuning teu karasa. Bener ceuk taksiran sinini, saminggu tiharita ngadadak bae nyimas Brongsong Ijo karasa beuteung..

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_32

Sababaraha poe tiharita, upacara pangangkatan tutuwa anyar diteruskeun, ngan bae ayeunamah anu dibenumteh kiRundayan. Para tamu ondangan anu apal kaayaan geus tiis, saurang-saurang mimiti daratang deui.
Upacara lumaku kalayan lancar, sarta kiRundayan resmi jadi tutuwa padepokan pancaruntah. Sakur murid padepokan ngarasa bungah tur bagja, sabab kiwari eta padepokan geus boga tatuwa.. satutas hamper sakitu tauna kosong, alatan ditinggalkeun maot ku eyang Bundarwastu.
Heuleut dua poe tiharita, kiSubali pamitan mulang ka kota raja, seja ngalaporkeun naon-naon anu geus kajadian di Sanggabuana. Utamana ngalaporkeun ku tiwasna Senapati Marugul anu sanyatanamah siManusa Ajag, anu kungsi muncul dikota raja sababaraha kali bari nebarkeun rajapati. Sarta ngabarkeun yen anak angkatna Ajie Mantri anu nelah kiMegantata oge milu perlaya dina uru-ara intern padepokan. Malah yeu lila kiSubali mulang, kiWidura oge pamitan.
"Jadi Andika oge rek pamitan, Widura?"
Ceuk kiRundayan bari neuteup adi sapagurona.
"Leres aka, abdi gaduh maksad hayang mulihkeun heula jati diri sangkan teu kapahung dina raga kawas kieu..."
"Upama kahayang Andika kitu, bral atuh.. adi. Kukaula di dungakeun mugya sagala rupana masing lancar tur tinekanan..."
"Hatur nuhun, aka..."
Duanana tuluy silih tangkep bangun anu sungkan papisah. Puguh duanana ge masih pada sonona, sasat geus welas-welas taun teu patepung ari ayeuna kudu geus pisah deui bari teuing iraha deui panggihna.
"Reungeukeun Widura, saupama sagala rupana geus beres. Kaula miharep, Andika mulang deui kadieu..."
"Urang tinggal bae kumaha saena, aka..."
"Hmm..."
 "Eyang, hayu atuh..."
"Jagat dewabathara, hung-ahung, tantya ahung. Saupama niat jeung patekadan andika geus buled kitu. Yap, Widura..."
Saterusna kiWidura pamitan kasakur pangeusi padepokan, sarta miang tur dijajapkeun nepi ka suku gunung Sanggabuana.
Diantara iuh-iuhna tatangkalan duanana lumampah, marake elmu lumpat nu geus sampura.. duanana mangrupa dua jirim kalangkang anu ngolebat nandingan kilat. Mun pareng pasangrok jeung jalma kontan ting raringeuh, sabab aya dua samberan angin ngaliwat ka gigireunana.
Teu kacatur lilana dijalan, sanggeus lumampah make elmu lumpat teu kungsi dua poe, maranehna geus tepi kanu dituju.. nyatana jungkrang sumur.
Angin mungguh ngaguruh, sora daun seah awor jeung sora-sora sato anu aya disabudeureun jungkrang sumur.
"Kumaha eyang, naha bade ngiring turun? Atanapi bade ditunggu didieu?"
"Leuwih hade ku kaula ditinggu didieu, widura..."
"Unjuk sumangga..."
"Kade lamun bisa, pancing maranehna kaluar..."
KiWidura ukur unggeuk, geus sungkem laju turun kahandap seja ngalaksanakeun rarancang anu samemehna geus dibadamikeun.
Satepina ka dasar jungkrang, kiWidura dibageakeun ku nyimas brongsong ijo, katut sinini. Teu wudu rembay cimata, sabab bungah dumeh kiwidura geus mulang teu jalir kana janji, cidra kana subaya.
"Kumaha didunya luhurteh Widura? Naha urusan andika geus rengse?"
"Atos, nini..."
"Jadi bener sagala beja anu sumebarteh? Yen guru Andika geus perlaya kumuridna?"
"Leres nini, nanging saatos ditalungtik palakuna sanes  kang Rundayan, tapi kiMegantra..."
"Hmm... jadi bener atuh pirasat Andika mangsa haritateh, Widura..."
"Muhun nini, ti kawit nguping ge abdimah teu percanten saupamama palakuna kang Rundayan. Abdi apal pisan ku maha sipat sareng watakna kang Rundayan..."
"Ngan aya hiji hal anu matak teu kaharti nini, mangsa abdi tarung jeung siManusa ajag! Kunaon waruga abdi bet jadi salin jinis, jadi mahluk anu pikasieuneun?"
"Hehe... wayahna, Andika kudu bisa narimana. Sabab lamun euweuh kami, jiwa silaing kiwari boa geus aya dimana? Anguranmah, geus cicing didieu ulah incah balilahan, tingali beuteung siBrongsong ijo. Moal samingguan deui ge pasti ngajuru..."
KiWidura teu nembalan, manehna ukur ngeluk bari hatena ngenes ku nasib dirina.
"Muhun kang jaka, tikawit ayeunamah tos tong seueur emutan. Popohokeun dunya luhur, sabab kiwari akang bakal janten bapa. Jadi raja diieu jungkrang sumur..."
"Muhun mangga, nyimas. Tiseret ayeuna akang janji bakal teras aya disahedengeun salira, geus moal incah balilahan..."
"Hatur nuhun atuh, kang Jaka..."***

#Hujan_cimata

Isuk deui berang deui, nyerelekna waktuteh istuning teu karasa. Bener ceuk taksiran sinini, saminggu tiharita ngadadak bae nyimas Brongsong Ijo karasa beuteung..

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_33

katembong beungeutna sepa bari pupuringisan jeung pepelengkingan.
“Sss... a.. aduh! aduh... nyeri! Mules, nini...”
“He,he,he...” siNini angur seuri.
“Ni.. nini, na.. naon nu kajadian...?”
“Teu kudu hariwang, Widura. Siutun geus hayang buru-buru gumelar..."
"Mak.. maksud nini, sinyimas rek ngalahirkeun...”
“Bener deuleu! Tah ayeuna, jung kaituh tungguan diluar..."
“Harr.. naha nini? Kapanan kuring oge hayang nyaksian gubragna siUtun inji kaalam dunya. Jeung ambeh sinyimas sumanget ari aya kuringmah...”
“Meugeus, teu kudu loba omong siah deuleu. Nam.. jaga bae diluar kaituh. siBrongsong eta urusan kami...” tungtungna kiWidura eleh deet, sarta kapaksa ngagugu kana kahayangna siNini. “Jeung poma deuih, samemeh ku nini  dititah asup, wayahna silaing montong kumawani asup. Naha kaharti?”
“Ka.. kahartos, nini. kahartos...”
“Hmm... nam kaituh!” ceuk siNini satengah ngusir.
“Nyimas, dikantun heula...”
“Sss... mang... mangga, engkang...”
Walon nyimas Brongsong ijo dibarung ku sumengir nahan kanyeri, geus ngusap-ngusap beuteung pamajikanana.. harita keneh kiWidura kaluar ti jero kamar. Terus diuk dina babalean, nu aya ditepas imah.
Teng.. kiWidura ngahuleng, pikiran rus-ras kana kajadian nu geus kaliwat. Inget kana paguneman manehna jeung eyang resi. Nu cenah pangna manehna jadi manusa satengah orayteh, akibat diparabunan ku siNini satengah anu dilejokeun.
"Tapi naha enya kitu, siNini tega sarupa kitu? Naha enya, mangsa nyagerkeun kalalakian aingteh, sanyatanamah keur ngalokat diri aing jadi Kalananta? Mh, lamun tea kitu teh aya ku tega. Geus sapantesna naon2 anu diku eyang resi direncanakeunteh ku aing dijalankeun. Hm..."
Kitu ceuk gerentesna hate KiWidura bari jeung diuk dina bangbarung.
Keur kitu, hiuk..  aya angin ngagelebug, sorana tepi ka seah! Angin puyuh lilimbungan, dibarung sora anu ting geleger matak keueung.
"Aeh-aeh, aya naon ieu? Naha kaayaan alam bet robah dadak-dadakan?"
Kitu ceuk gerentes hate kiWidura bari taki-taki bisi aya maung ngamuk gajah meta. Aya parasaan hariwang kanu jadi pamajikana, malah aya pikiran rek asup kajero.
Rieug! Rieug! Imah asa inggeung, tihang kai ting rarekit lir aya lini gede.
Cirihil... ngadadak dijero kamar aya anu nyirihil matak kukurayeun.
"E-eh saha eta nu seuri? Aibg yakun manehna lain siNini. Aaha nya, puraju si nyimasmah?"
Kitu ceuk kiWidura bari ele kesekeng. Hatena bener2 panasaran kanu seuri bieu.
Keur kitu,
"Auw-a... aduh... awww...” Kadenge dijero nyimas Brongsong ijo gegerungan. “Ssss... nye... nyeri nini, mules. Aa... aduh...”
“He,hehe... wayahna masing kuat, incu. Sabab sakeudeung deui, siutun baris gumelar. Hehe..!”
"Tapi beuteung nyeri pisan nini..."
"Hehehe....."
 Bareng jeung sora gelap anu ngageleger, goar... Dijero kamar kadenge sada orok nu ngagoar. Tapi teu lika jep.. jempe taya nu kadenge.
Puguh bae, lain deui kiWidura kagetna, heran campur jeung panasaran.
Malah lat poho, kana papatah siNini sangkan ulah asup mun can dititah.
Jeger-jeger! Panto digedor, malah satengah anu didobrak. Brah, panto rebah..
Ana breh.., teu kira-kira kiWidura ngaranjugna, basa ebreh kanu naon-naon nu ditenjona. Dijero kamer, persisna luhureun dipan.. katembong aya tilu mahluk pikasieuneun.
Tiku kalananta, nyata nyimas Brongsong Ijo jeung siNini, sarta hiji deui ngebelegedeg hiji putri geulis anu pakulitanana makplak bodas.
Nu matak miris, ditengah-tengah dipan aya orok nu sarua satengah oray satengah manusa. Sedeng disabudeureun kamar, ratusan oray leutik pating arutek.. terus ting laleor, pating sulusup kana sela-sela bilik nepikeun kalesna taya nu katingali.
Leng.. leng... sirah kiWidura ngadadak lieur, bumi alam asa dengdek. Tetenjoan oge ngadadak ranyay kararoneng. Teu lila.. lengerek! Tungtunamah manehna kapiuhan teu inget di bumi alam.

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_34

Saha ieu jalmateh, Gringsing?"
"Sun, nya ieu pisan bapana ieu orokteh?"
"Jadi manehna nu ku Andika geus dilokat teh, gringsing?"
"Muhun leres pisan, manehnateh karek pisan balik ti alam luhur satutas ngalaksanakeun janjina.. "
"Hmm... kade Andika kudu ati-ati kanu ngarana manusamah, gringsing. Sabab loba manusa  anu licik jeung telenges..." Ceuk eta putri anu taya lian ti sang dewi pikulun sesemabahan sinini.
"Masing percanten kaabdi, sun..."
"Tah, ayeunamah ku sabab siBrongsong ijo geus salamet tur siutun geus gumelar, kaula rek mulang..."
"Unjuk sumangga, sun. Sareng hatur nuhun..."
"Hmm..."
Les... sanggeus pamitan kitu, ngadadak Jirim Ratu pikulun ngiles. Hiuk... kadenge deui angin ngahiuk, beuki lila beuki jauh ahirna jep jempe taya anu kadenge.
"A.. aduh, dimana ieu?" Kadenge kiWidura humarurung bari cengkat lalaunan.
"Nya diimah, Widura..."
"Na... naon anu geus kajadian?"
"Silaing kapiuhan..."
"Ku.. kuring... kuring..." Bari rut-ret ka sinini jeung kapamajikana, malah tuluy nelek-nele kaorokna.. disidik-sidik pangpangnamah kapalebah sukuna.
"Nini, kuring ningali wujud nini, sinyimas katut siutun jadi satengah oray satengah manusa. Naha titingalian kuringteh teu salah?"
"Hehe... wayahna, Widura. Titingalian Andika mang teu salah. Tiseret ayeuna kahareup wayahna silaing kudu bisa narima kana kanyataan kieu, Widura..."
"Naha bet bisa kieu, nini?"
"Hehehe... ceuk nini g wayahna deuleu..."
KiWidura ngaheruk teu nembal. Tapi ari lila-lilamah teu burung nyarita deui.
"Awewe atawa lalaki budak kuringteh, nini?"
"Budak urang awewe, kang..." Nyimas Brongsong ijo mangnembalankeun, malah kituna teh bari terus ngasongkeun orok kanu jadi bapana.
Lalaunan orok ditampanan bari disidik-sidik, orok tuluy dieyong-eyong, aneh deuih arok siga nu ngarti ngahenen bae bari panona  kucap-kicep neuteup raray bapana.
"Geulis budak nyimas..."
“He,he,he... Tangtu bae atuh, Widura. Saha heula ninina. Hehe...! Tah ayeunamah tingal mere ngaran. Pek, gera bere ngaran tah budakteh anu pantes jeung cocog keur manehna. Hehe...”
“Ma.. mangga, nini..." Ceuk kiWidura bari ngahuleng heula sakeudeung, “Kumaha lamun budak teh diaranan Nyai Indang Geulis, nini?”
“Indang geulis?”
“Muhun nini, ieu nami teh parantos disiapkeun ku abdi sareng sinyimas nalika siUtun masih aya jeroeun kandungan..."
“Hm, he,he,he... alus! Alus eta ngaran teh, Widura..."
“Muhun nini, tapi bilih salira hoyong masihan namimah nya mangga teh teuing..."
"Teu Widura, eta ngaran geus cukup alus. Nini satuju..."
"Hatur nuhun atuh nini..."
SiNini unggut-unggutan, bari ngadeukeutan orok.
Keur kitu orok aha-ehe, malah goar bae ceurik siganamah hayangan nyusu.
"Cobi kadieukeun, kang. Rupinamah hoyongeun enén...”
“Mangga, nyimas...”
Saterusna budak diasongkeun kanu jadi indungna, nyaan bae ari geus disusuanmah budakteh langsung repeh.. malah terus sare tibra nakeranan.
Cag mitra. Urang tunda heula, kahareup kasampeur deui. Ayeuna urang nyelang nyaritakeun ditempat sejen, anu pernahna teu jauh di eta patempatan. Pancegna diluhureun jungkrang sumur. ***
Meh bareng jeung hujan anu dadak-dadakan. Katinggal hiji sepuh ngabentakeun sapasang socana anu linduk, malah teu lami kadangu inyana ngagerendeng ngucapkeun kalimah agemana, "Jagad dewa bhatara. Takdir, ieu takdir..." Pokna bari teras nitenan alam disabudeureunana.
Katinggal kilat pating burinyai, guludug pauntuy-untuy, gelap pantay-antay.. alam poek, mega hideung pating gurimpal sagede-gede gunung matak keueung matak sieun mangsa harita.
"Katinggalna moal lila deui orok satengah manusa satengah oray bakal gumelar. Takdir! Ieu takdir, upama teu ditarekahan umat manusa aya bahan kena ku kamusibahan. Hung ahung, tantya ahung..."
Jeleger! Barang cacap sang Ragasuci nyarita kitu, kadenge gelap nu ngajeleger dibarengan ku ngabaracatna kilat nyamber kadasar jungkrang nu poek mongkleng.
Kukaseukeutan pancadriana, kadangu sora ngearna orok hawar-hawar tikajauhan.. ngear diantara ngaguruhna sora hujan angin dordar gelap.
"Muga bae, kiWidura teu lali kana janjina teu sulaya kana ucapanana. Hung ahung, tantya ahung..."
Sang resi katingal ngarapetkeun deui sapasang panangana, socana dipeureumkeun teu nolih hujan nu ngagebret maseuhan sakujur badana.
Hujan beuki lila gede, loba walungan anu caah,  tatangkalan oge loba anu rungkad kabawa angin. Atawa tutung kahuru, kabentar gelap anu motah mokaha. Ngan bae, ari lila kalilaan mah, hujan anginteh teu burung leler. Malah.. bray-bray.. langit mimiti caang, mega taya nu tembong estuning bersih lir anu disapukeunteh lain bonohongan.
Kira wanci panon poe tunggang gunung, ngadadak bae ka eta patpatan aya nu daratang. Sabubuhan jalma anu disaragem, nilik kana tumbak jeung tameng anu dijaringjingna mah netelakeun yen maranehnateh salah sahiji prajurit karajaan.
"Sampurasun, eyang. Punten ngaganggu..."
Hiji diantarana aya nu cumarita, sikepna ajrih kanu keur samadi dibiwir jungkrang sumur.
"Saha Andika?"
"Abdi eyang, senapati Awangga..."
"Hmm... aya naon datang kadieu?"
"Numawi sun, awon anu kapihatur. Rehna sim abdi dipiwarangan nyusul salira supados mulih heula ka Saunggalah..."
"Hm, tapi urusan kaula tacan rengse, senapati Awangga..."
"Upami kitu, sim abdi sadayana bade ngantosan salira didieu dugi karengsena. Kumargi, abdi tos dipapadonan ku gusti Rajaresi supados tiasa mulih sareng salira eyang..."
"Tapi kaula keur nungguan hiji jalma, anu can karuhan iraha-iraha datangna, bisa saminggu, sabulan bahkan sataun..."
"Teu sawios, nun. Abdi bade satia ngantosan, margi di dayo aya urusan anu kalangkung pentingna..."
"Hmm... upama kitu, terserah Andika sakabeh..."
"Hatur nuhun, sun..." Ceuk siPrajurit bari undur payunen eyang resi, anu teras bae samadi deui bari nungguan kiWidura muncul.
Ari siPrajurit harita keneh angkrih-ingkrih, ngadon nyieun sasaungan saderhana keur ngiuhan dina hiukna angin jeung motetetna panas pabeubeurang.
Nyaan bae, sapoe dua poe, nuditungguan tetep euweuh, nepikeun ka saminggu tiharita, senapati awangga dumehes bari tumanya.
"Eyang, saleresna salirateh nuju nungguqn saha?"
"KiWidura, manehna geus janji bakal datang kadieu bari mawa siBanaspati..."
"Tapi naha kira-kirana kiWidura bakal nyumponan kana janjina...”
“Kaula yakin,manehna bakal nyumponan ucapanana. Urang tunggu bae saminggu deui, lamun jero saminggu inyana teu aya wae datang. Kapaksa kaula bakal turun langsung kajero jungkrang sumur, pikeun ngamusnahkeun eta banaspati...”
“Guru.. naha teu aya jalan sanes, pikeun nurunan ieu jungkrang?”
“Hanjakalna euweuh senapati. Keun.. ieu urusan pasrahkeun bae kakaula. Andika opatan, tunggu bae didieu...”
"Unjuk sumangga, sun..."
Eu... wajtosna kabujeng cangkeul, cag ah urang tunda. Sanes waktos disambung deui.

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_35

"Eyang, saha saleresna anu nuju diantosan kusalira eyangteh  ?"
"KiWidura, manehna geus janji bakal datang kadieu bari mancing kaluar dua siBanaspati..."
"Maksad salira anu salami ieu mergasa rayat kucara di ala getihna?"
"Bener senapati, lamun teu buru-buru dibinasakeun bisa bahaya! Umat manusa bisa carem..."
"Tapi naha kira-kirana kiWidura bakal nyumponan kana janjina, eyang?”
“Kaula yakin manehna bakal nyumponan kana sagala ucapana, senapati. Sabab antara kaula jeung manehna geus paheut pasini! Urang tunggu bae, upama jero saminggu inyana teu aya datang.. kapaksa kaula bakal turun langsung kajero jungkrang sumur, pikeun ngamusnahkeun eta banaspati...”
“Naha kinten-kintena teu aya jalan sanes kanggo ngabasmi eta iblisteh eyang?"
“Hanjakalna euweuh senapati. Keun.. ieu urusan pasrahkeun bae kakaula. Andika saparakancamah tungguan bae kaula didieu...”
"U.. unjuk sumangga, sun. Abdi masrahkeun sagalarupina ka salira eyang..."
"Hmm, nuhun senapati..."
"Sami-sami eyang..."
Ceuk Senapati Awangga bari ditungtungan ku sungkem ka sang Ragasuci.
Mitra, tunda heula lampahna sang Ragasuci, ayeuna urang teang anu keur didagoana nyatana kiWidura. Ukur jero saminggu, budak geus puput puserna.. kulitna bersih, rarayna ngadaun seureuh nurun ka indung. Ngan bae, dina sawaktu-waktu budakteh sok salin jinis jadi Kalananta. Ku kaayeunaen kiWidura teu ieuh jadi heran, damanehna oge kapanan sok robah kitu.
Dua minggu tiharita, eta kulawargateh ngayakeun gempungan. Ngariung dipatengahan bari nungguan orok anu keur ngagebra sare luhureun babalean.
"Nini naha aya naon dugikeun ka salira  nyegah abdi udar-ider neangan tuangeun?"
"Kieu Widura, sababaraha poe deui umur siIndang panjeg 40 poe. Hartina, geus meujeuhna siIndang diruat..."
"Diruat? Diruat kumaha, nini?"
"Sangkan awakna kuat teu gampang gering, atawa cilaka digunasika kumahluk sejena nu ngageugeuh didasar jungkrang sumur. Sabab dalah dikumaha awak siindang masih rapuh.. najan enya, manehna ngabogaan peurah keur pertahanan..."
"Terus kuring kudu kumaha, nini?"
"Peuting engke, nini jeung siBrongsingijo rek mujasmedi seja ngadeuheus ka sang Ratu Pikulun sang Ratu putih. Maksudna taya lian ti rek menta pituduh, naha sarat naon bae anu kudu disiapkeun..."
"Oh.. kitu nini, nya mangga atuh kumaha nini bae..."
"Tah kukituna, mangka jaga siIndang masing iatna. Sabab dina umur can 40 poe, getih jeung dagingna bakal kaambung seungit ku sakur mahluk anu aya diieu patempatan...."
"U.. unjuk sumangga, nini..."
"Nini percaya kana kakuatan Andika kiwari, Widura. Sabab lamun diitung-itung, kakuatan maneh aya satingkat disahandapeun nini katut siBrongsongijo..."
"Nya nini, sagala rupa piwuruk nini pasti ku kuring bakal dilaksanakeun. Tapi arek sabara lila nini katut siNyimas mujasmedina?"
"Gumantung kana hasilna deuleu, bisa sapeuting, bisa saminggu malah bisa sabulan ceuk nini oge gumantung kana hasilna..."
KiWidura unggut-unggutan, tapi hatenamah bet ngadadak ratug tutunggulan.. aya parasaan nu nyereset dina sajeroeun batina.
"Tah, ayeunamah jig kituh bisi rek jalan-jalan. Bawa siBrongsong katut siIndang..."
"Mangga, nini. Nyimas, naha purun uoami urang jalan-jalan sareng si nyaiIndang?"
"Nya hayu we, kang. Da kaleresan si nyai parantos gugah..."
"Nya mangga, nyimas..."***
Gancangna carita, peutingna siNini katut nyimas Brongsongijo geus aya dijero guha panyepen. Ari kiWidura, diuk ngaheneng bari neuteup orok anu keur ngagebra sare. Hatena dag-dig-dug ratug tutunggulan rupa-rupa parasaan ngagolak jeroeun dadana. Inget kana paguneman manehna jeung eyang resi sababaraha poe kaliwat, anu magar bakal ngubaran dirina jadi manusa biasa.
"Mh, mudah-mudahan siIndang ge bisa normal jadi manusa biasa. Teu saperti ayeuna, satengah oray satengah manusa. Nu jelas, aing kudu ngagugu heula kana pamentana eyang Ragasuci mancing siNini jeung sinyimas kaluar dijero ieu jungkrang sumur. Sedeng hiji-hiji cara, nyakudu bari mawa ieu budak..."
Kitu ceuk gerentes hate kiWidru bari ngan gutrut wae, kiWidura nulis sedeng uninateh kieu..
__“Nyimas, wayahna sinyai Indang ku akang dibawa. Kiwari akang nyaho, pangna akang jadi saperti kieuteh sasat dilokat ku sinini. Akang mihareup, sinyai indangmah teu kawas urang, sinyai kudu jadi manusa biasa. Sarta hirup kumbuh dialam manusa saperti biasana. Terus terang, ku akang kapikiran, yen hiji-hijina jalma anu sanggup ngubaran sinyai Indangteh, nyaeta eyang Ragasuci. Pileuleuyan nyimas, sapu nyre pegat simpay. Paturay patepung deui..."__
Kitu unina eta tulisan, bari sanggeusna kitumah ngan kodomang wae ngadekeutan budak.
Kop.. budak dicokot, tuluy diais sarta dibawa indit ninggalkeun eta imah.
Satepina ka biwir gawir, budak tuluy digandong ditalian make samping nepikeun kapageuh.. sabab nyaho perjalan kaluhurteh kacida pisan bahayana.
Malah reup kiWidura peureum, dadak sakala awakna morontod tukuy ngjungkung ngajangkungan sakdet netra kiWwidura geus robah jirim jadi kalananta.
Atuh sanggeus kitumah, ngan gulusur bae manehna ngagulusur kokolebatan diantara batu cadas nu naronjol dina biwir gawir.
Tetela, sanggeus robah jirim kitumah, lumakuna kiWidura jadi enteng tur gancang.. taya hahalang anu matak nyulitkeun diperjalanana.
Orokaya.. ditengah-tengah jurang budak ngadadak ceurik gogoaran, sorana nepikeun ka ngandung aweuhan kadenge kasakuliaheun jungkrang sumur. Anu tangtuna bae oge, ngahudangkeun siNini jeung nyimas Brongsong ijo nukeur mujasmedi. Malah harita keneh, duanana langsung kabengbat.
“Nini... kunaon budakteh, ceurikna beda tisasari? bangun kanyenyerian...”
“Nya teuing atuh, siganamah hayang nyusu...”
“Mun kitu hayu atuh urang tinggal. Duka kunaon abdi teu genah rasa...”
“Heuh nyahayu brongsong...”
Duanana lugai tina tirakatna, tuluy kaluar dijero guha sesong.
Belesat! Belesat..
Duanana ting belesat lalumpatan muru imah. Tapi lain deui duanana ting garebegna, basa diimahteh suwung taya sasaha. Boh orokna, boh kiWidura ukur aya tulisan bae dina palupuh, anuh pok-pokanateh matak kaget pikeun nuduaan.

#Hanca
#Dongsun_manggiok

#Dongsun
#Banjir_Getih_DiSangga_Buana
#ka_36

Duanana ting belesat lalumpatan muru imah. Tapi lain deui duanana ting garebegna, basa diimahteh suwung taya sasaha. Boh orokna, boh kiWidura nu jadi bapana.. ukur aya tulisan bae dina palupuh, anuh pok-pokanateh matak kaget pikeun nuduaan.
“Kurang ajar siah, Widura! Dasar siamah manusa teu nyaho dibudi. Awas siah lamun katewak, mangka tarima akibatna. Brongsong hayu urang udag. Nini yakin manehna aya nu mangaruhan..."
"Mangga, nini..."
Duanana terus ting belesat deui, muru sisi gawir dimana ngan aya hiji hijina jalan. Geus tepi duanana langsung rarobah jirim jadi dua mahluk nu palig dipiksasieun. Malah terus duanana pating gulusur naekan lamping gawir anu nangtawing, ngudag bapa maling sakaligus ngudag bapana budak.
Gulusur... gulusur... duanana tuluy ting gulusur taya kapaur, batu jeung kekebul kontan mulek.. beuki lila beuki deukeut kategal awan.
Geus tepi duanana areureun, ngadagoan awan bajra puput sakedapan, sabab nya eta pisan panto anu ngahubungkeun antara dunya handap jeung dunya luhur.
"Duh, nini kumaha mun torobos bae?" Ceuk nyimas Brongsingijo, nu nyaho bakal pililaeun.
"His, sabar brongsong!  Sanajan urang bisa norobos, tapi kakuatan urang bakal ka piceun..."
"Tapi abdi hariwang, nini. Inggis sinyai dibawa jauh manten..."
"Tenang! Sing percaya ka nini..."
"Duh..."
Nyimas brongsongijo jadi elekesekeng, sabab hatena inget bae kanu jadi anakna. Kakara sanggeus nungguan cukup lila, dijomantara kadenge sada nu ngaguruh sorana semu melewung lir sola sangkala anu ditiupkeun.
Duanana langsung curinghak, malah samemeh mega puput, ngan belesat bae nyimas Bringsong ijo lumpat, ngabelesur lir panah dipentangkeun. Melah lautan mega nu mimiti samar.
Gancangna carita, sanggeus duanana tepi kaluhur duanana langsung mentangkeun elmu Ambung Maruta, nginjem bau musuh ngaliwatan udara disabudeureunana. Tapi can oge lika, ngadadak bae kunu duaan kadenge sada anu ngagerenggeng lir dada gelap saleser.
"Jagad dewa bhatara, ahirna teu burung muncul dua kalanantateh. Hung ahung tantya ahung..."
Pokna disusul ku ngalayangna dua jirim pasusul-susul, malah teu cukup ku kitu.. dinu bala oge ngadadak rajol puluhan jalma anu samakta ku pakarang. Langsung ngepung dua kalananta...
"Kurang ajar, saha Andika heh?!"
"Kaula murid sang purahita anu geus ngurung Andika meh 200 taun kalarung..."
"Hmm... jadi Andika muridna?"
"Orakapino gawe..."
"Hehehe... alus-alus, lamun kitu carana hutang pati dibayar kupati hutang nyawa diabayar kunyawa. 200 taun kalarung, wangsa kami meh carem ku guru Andika. Ayeuna nya muridna nukudu nanggung sagala akibatna..."
"Justru kaula anu bakal ngabasmi Andika, bongan geus mergasa jalma anu teu tuah teu dosa..."
"Ragasuci, kadieukeun eta orok kami!" Kadenge nyimas Bringsongijo ngahaok bari nunjuk anakna.
"Jagad dhewabatara. Ieu budak rek dilokat sina jadi manusa biasa, luyu jeung kahayang nu jadi bapana..."
"Kang! Kang Widura... tega anjeun ngahianat ka diri abdi jeung sinyai..." Ceuk nyimas Brobgsongijo bari cumalimba.
"Hampura akang, nyimas. Dalah kumaha urang duaan beda wangsa, teu sakuduna urang ngahiji jadi salaki pamajikan. Perkara sinyai geus teu kudu jadi pikiran, siindang rek dibawa ku akang, rek dijadikeun manusa biasa.."
"Hmgrhhh..." Kadenge nyimas Brongsingijo ngagerem, awakna kontan ngajungkung sedeng beungeutna beuki pikasieuneun. Buukna jadi rewuan oray laleutik, sihung maranjangan sedeng matana babaracatan.
Ningali kaayaan saperti kitu, para parajurit anu milu ngapung malundur.. inggis tur gigis ku sakadang kalananta anu keur murka.
"Kang Widura, kapanan akang oge kiwari geus jadi kulawarga urang. Wujud ge geus sarua, kunaon masih sangsi jeung ragu-ragu, hayu milu kanyimas. Sarta hayu, urang binasakeun ieu jalma nu geus mangaruhan akang..."
KiWidura ukur gideg, teu nembalan kana pangajakna nyimas Brongsongijo.
"Meugeus Brongsong taya gunana, ngajakan jalma nu geus murtad bengkok sinembah. Ayeunamah urang binasakeun bae sakur jalma anu geus kumawani ngahina jeung kurang ajar kawangsa urang. Sarta siindang kudu karebut deui dina leungeuna eta jalma..."
"Mangga nini..."
Dua jirim Kalananta atawa siluman orayteh ting kuyungkung. Masing-masing panona neuteup ka eyang Ragasuci, nu masih mamangku orok.
"Widura. Rawatan heula ieu orok..."
"Mangga, eyang..."
Harita keneh orak dipasrahkeun ka kiWidura, katinggal sang Ragasuci maju sababaraha lengkah bari singkil, magehan jubah kaktut kaen bodasna meh gampang bagerak.
Teu lila...
"Hiaahhh..."
Ngadadak dua jirim kalananta pating garero bari narajang ti kenca katuhueun eyang Ragasuci, masing-masing cakarna nu ranggoas pating caruit rek ngacak2 sang raga suci.
"Plar! Plar!"
Kadenge sada nu pating celetar, basa sang Ragasuci nakis ku sabetan-sabetan tasbehna. Sanajan kasebut tasbeh, tapi ku sabab geus dialeran ku tanaga sakti tangtu bae eta tasbehteh jadi leuwih teuas tibatan beusi, leuwih liat tibatan tambang waja.
Silalatu labgsung buburicakan dina bentrokan kuku-kuku sang kalananta jeung wiji tasbeh.



#Hanca
#Dongsun_manggiok